Македонија

Комисијата предложи да му се одземе мандатот на Груевски

 Собраниската Комисија за мандатно имунитетни прашања со пет гласови „за", ниту еден против и ниту еден воздржан утврди предлог за одземање на мандатот на пратеникот Никола Груевски, кој побегна и доби политички азил во Унгарија.

Пратениците од ВМРО-ДПМНЕ не се изјаснија за предлогот, ниту гласаа за дневниот ред на седницата.

Пратеничката од ВМРО-ДПМНЕ Невенка Стаменковска повикувајќи се на членот 8 од Уставот и Декларацијата за човекови права рече дека не може кој било да биде неоправдано отсутен ако го искористил своето право да бара азил.

-Деловникот дозволува секој пратеник да пријавува отсуство, но како што рече Стаменковска, тоа не било дозволено од владејачкото мнозинство. Груевски, според неа бил спречен од целата пратеничка група на СДСМ да го пријавува своето отсуство.

Потпретседателката на Комисијата Снежана Калевска-Ванчева рече очигледно е дека има различно толкување на Уставот и Деловникот и дека за одземање мандатот е потребно двотретинско мнозинство.

– Не знам како не му било дозволено да пријавува отсуство. Никој не го натера да бара азил. Дали азилот ќе биде третиран како оправдано отсуство или не е на сопстената совест. Очигледни се фактите за неоправдано отсуство, рече таа.

Собранието на наредната седница треба да гласа со двотретинско мнозинство за одземање на мандатот на Груевски.

На седницата не се гласаше за предлогот на Стаменковска од ВМРО-ДПМНЕ за утврдување на повреди на Етичкиот кодекс од страна на пратеникот Павле Богоевски. Тој на минатата седница најави оставка на пратеничкиот мандат по компромитирачки разговор објавен во јавноста.

Рецепти

„Гответе со Дракче“ - Крем Здравко

Во среда  (08.05.2024) во емисијата гостин ни беше Игор Стојанов Баркли.

Состојки за денешниот рецепт:

200 гр. путер од лешници

100 гр. мед

З - 5 кафени лажици какао.

Погледнете како се подготвува овој рецепт:

Свет

Франција го повика Израел веднаш да ја запре воената операција во Рафа

Француското Министерство за надворешни работи го повика Израел „веднаш“ да ја прекине воената операција во Рафа во јужниот дел на Појасот Газа и „да направи сѐ што е можно“ за да обезбеди заштита на цивилите.

Во соопштението објавено вчера, министерството го повика Израел „веднаш повторно да го отвори преминот Рафа кон Египет“, кој израелската армија го окупираше, пренесува БФМ ТВ.

Француското Министерство посочи дека отворањето на преминот Рафа е неопходно за да се достави хуманитарна помош до цивилното население и да им се овозможи на најранливите да го напуштат Појасот Газа.

Париз изрази жалење поради започнувањето на воената операција на израелската армија во Рафа и ги повика израелските власти „да направат сѐ што е можно за да обезбедат заштита на цивилите и да гарантираат пристап до хуманитарна помош, во согласност со меѓународното право“.

Се проценува дека операцијата во Рафа се заканува да предизвика катастрофална ситуација за цивилното население во Газа, кое веќе неколку пати е раселено.

Франција го повика Израел да ги продолжи преговорите, велејќи дека тоа е единствениот можен начин да се ослободат заложниците и да се постигне траен прекин на огнот.

На почетокот на неделава израелската армија од палестинска страна ја презеде контролата врз преминот Рафа меѓу Појасот Газа и Египет.

Македонија

ВМРО-ДПМНЕ за заканите на ДУИ за дестабилизација: Нема да нѐ поколебаат

ВМРО-ДПМНЕ жестоко ги отфрла неоснованите обвинувања и тактиките за поттикнување страв што ги користи ДУИ. 

Македонскиот народ се изјасни низ демократските процеси, а обидите за поткопување на неговата волја се неприфатливи.

Обидите на ДУИ да се сликаат како бранители на албанските права не се ништо друго туку фасада за прилепување до власта по секоја цена. Нивното искуство доволно говори за нивните вистински намери. ВМРО-ДПМНЕ, заедно со коалицијата на македонските Албанци „Вреди“, се залага за правда, транспарентност и вистинска застапеност за сите граѓани на Македонија.

Нема да нè поколебаат тактики или закани за поделби.

Нашиот фокус е поддржување на владеењето на правото, промовирање на единството и унапредување на интересите на сите граѓани, без разлика на етничката припадност.

Ја повикуваме ДУИ конструктивно да се вклучи во демократските процеси наместо да прибегнува кон тактики на страв и манипулации.

Иднината на Македонија е во единството, а не во поделбата, се наведува во партиската реакција.

притисни ентер