Забава

Комичарка флертува со гледач од публиката- снимката има над 15 милиони прегледи (ВИДЕО)

Комичарката од Њујорк, Ребека Ринголд, стана вирален хит откако видеото на кое таа комуницира со гледач од публиката стана вирално.

За време на настапот, мажот фрлаше работи кон неа и отворено флертуваше со неа, а нејзиниот одговор и хемијата меѓу нив воодушеви милиони.

На 11 март, Ринголд објави видео на Инстаграм со опис: „Најдовме љубов на безнадежно место (комедија клуб).“ Клипот досега има повеќе од 15,5 милиони прегледи, а стотици корисници коментираат за нејзиниот „неочекуван одговор“ на флертувањето со гледачот.

Во еден дел од настапот, комичарката ја откри својата теорија пред публиката. „Не знам како да флертувам, никогаш не сум била добра во тоа“, почна таа. „Толку сум лоша кон мажите, но не намерно, мислам дека им се допаѓа тоа.“

Подоцна им се обрати на едно семејство во публиката, велејќи им дека се „толку гласни“ што „не може ни да ги чуе сопствените мисли“. Еден од мажите во групата се пошегува дека бил на претставата со своите родители, на што Рајнголд возврати: „Изгледаш лошо. Твоите родители изгледаат многу помлади од тебе“.

View this post on Instagram

A post shared by Rebecca Reingold (@rebeccareingold)

Недолго потоа, комичарката заклучи: „Тој флертува со мене додека сум на сцената“. Ова го наведе еден маж во публиката да ја изврти нејзината логика во своја корист и да сугерира дека таа е лоша кон него токму затоа што го сака.

„О да, во право си! Тоа значи дека ми се допаѓаш! Ти слушаш. О, боже, јас сум заљубена“, одговори таа со смеа. „Толку си досаден, но и симпатичен, и затоа е сето ова толку тешко, разбираш?“

Реакции од социјалните мрежи

Гледачите ја пофалија Рајнголд за нејзината брза и духовита реакција. „Таа навистина поцрвене кога сфати дека слуша“, забележа еден корисник. Друг се пошегува: „Би сакал и ти да бидеш лоша кон мене. Можеби следниот петок со пикадо и пиво?“

Многумина ја сметаа привлечната интеракција како почеток на романса, а еден коментар алудираше на популарната серија: „...и така ја запознав твојата мајка“. Четвртиот додаде: „Изненаден сум што не ѝ рече: „Ќе замолчам ако ми го дадеш твојот број“.

Тагови: комичарка публиката

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собраниска седница за реконструкција на Владата, ќе се сменат 8 министри

Пратениците цел ден расправаат за реконструкцијата на Владата, со која во кабинетот на премиерот Христијан Мицкоски ќе се сменат 8 министри.

Со последните информации, од пред собранието ја имаме Јана Јосифовска.

Исходот е извесен со оглед на големото владејачко мнозинство, единствено неизвесно е кога ќе биде гласањето.

Целосниот извештај погледнете го во видеото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Распишана потерница за Александар Лазаров – Цуната што им избега на полицајците низ прозорец

Министерството за внатрешни работи распиша меѓународна потерница по 41-годишниот Александар Лазаров викан „Цуната“, кој што во петокот избега од полициската станица во Кочани, каде што бил на распит откако бил фатен со дрога.

Според информациите, тој го отворил прозорецот и се дал во бегство и уште не е пронајден.

Директорот на БЈБ, Александар Јанев, објави дека денеска бил во полициската станица во Кочани за лично да се информира за сите детали и околности поврзани со настанот, кој, како што вели, сериозно ја наруши довербата во полициската служба.

-Бегството од полициската станица на лице познато на полициските служби е сериозен инцидент кој бара целосно расчистување на сите околности и преземање на соодветни мерки. Сакам јасно да порачам: ова е недозволиво. доколку се утврди намерно постапување, помагање, прикривање или несовесно извршување на службените задачи, ќе има одговорност. – објави Јанев.

Опозиската СДСМ, преку соопштение ја обвини власта дека намерно го пуштала Лазаров и побараа оставка од министерот Панче Тошковски.

Тагови: Цуната

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на РЦУК Свети Николе за заштита од пожари

Активностите се реализираат согласно заклучоците од координативниот состанок на надлежните институции за заштита од пожари.

Во насока на намалување на ризикот од пожари на отворен простор, тим составен од претставници на Подрачното одделение на Регионалниот центар за управување со кризи (ПО на РЦУК) Свети Николе, ОВР – Полициска станица Свети Николе, ТППЕ Свети Николе и ПШС „Шумарство“ Свети Николе спроведува заедничка координативна превентивна акција за заштита од пожари на територијата на општините Свети Николе и Лозово.

Во рамките на акцијата се посетуваат населени места, каде на средбите со граѓаните се укажува на опасностите и последиците од предизвикување пожари, а се дистрибуира и промотивно-едукативен материјал со препораки за превенција. Паралелно, се вршат контроли во шумските подрачја со цел да се утврди дали се почитува забраната за движење во шумите.

Активностите се реализираат согласно заклучоците од координативниот состанок на надлежните институции за заштита од пожари, во соработка со општините Свети Николе и Лозово, со цел подигнување на јавната свест и намалување на ризикот од појава на пожари.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.