Командантот на КФОР по средбата со Вучиќ: Загрижен сум поради настаните на северот на Косово - Канал 5

Балкан

Командантот на КФОР по средбата со Вучиќ: Загрижен сум поради настаните на северот на Косово

Командантот на КФОР, генерал-мајор Ангело Микеле Ристуча денеска во Белград се сретна со претседателот на Србија Александар Вучиќ, со кого разговарал за општата безбедносна состојба во регионот и активностите на таа мисија.

Командантот на КФОР по средбата со Вучиќ: Загрижен сум поради настаните на северот на Косово

Како што јави КФОР, Ристуча изразил длабока загриженост за последните настани во општините на северот на Косово по настаните од 29 мај, кога неколку членови на таа мисија беа повредени при „испровоцирани напади од криминални елементи кои се инфилтрираа во мирните протести“.

По средбата со претседателот Вучиќ, Ристуча имал можност да се сретне и со началникот на Генералштабот на војската на Србија, Милан Мојсиловиќ, со кого разговарал за обновување на соработката.

Во соопштението се наведува и дека Ристуча и Мојсиловиќ се согласиле дека сите страни мора да ги деескалираат тензиите.

„КФОР е подготвен да се соочи со секое сценарио и продолжува да ја следи ситуацијата на теренот. КФОР продолжува да дејствува непристрасно, во рамките на строгите правила за ангажман (ROE) и ги презема сите неопходни мерки за спроведување на својот мандат врз основа на резолуцијата 1244 на Советот за безбедност на Обединетите нации од 1999 година, со цел да се обезбеди безбедна и сигурна средина и слобода на движење за сите заедници во Косово“, се вели во соопштението.

Се додава дека командантот на КФОР останува во близок контакт со неговите главни соговорници, вклучително и претставници на институциите и безбедносните организации на Косово, Генералштабот на вооружените сили на Србија, како и Мисијата за владеење на правото предводена од ЕУ (ЕУЛЕКС), заедно со други претставници на меѓународната заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозии во близина на иранскиот остров Харг- погоден е танкер

Во близина на иранскиот остров Харг во Персискиот залив утрово одекнаа експлозии, јави агенцијата Фарс.

Експлозии во близина на иранскиот остров Харг- погоден е танкер

Како што јави Иранската студентска новинска мрежа (SNN), ирански танкер со нафта во близина на островот Харг бил погоден со проектили.

Иранскиот новински канал Хабар Фури објави дека танкерот бил погоден со четири американски проектили и дека во тек е евакуација.

Островот Харг се смета за клучен нафтен терминал и околу 90 отсто од извозот на нафта на Иран се обработува таму.

Американскиот претседател Доналд Трамп минатата недела објави на социјалната мрежа Truth social видео генерирана од вештачка интелигенција на која се гледа како американските сили го напаѓаат Харг, со коментар дека островот е „разнесен на парчиња“.

Потоа, генералниот директор на иранската национална нафтена компанија Хамид Бовард изјави дека немало напади и најавите на Трамп ги нарече „смешни“.

Бовард потсети дека во минатото американските и израелските сили постојано го бомбардираа овој остров, од каде потекнуваат 90 отсто од иранскиот извоз на нафта, но и тогаш работните активности не беа прекинати ниту за момент.

Тагови: танкер Харг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос. 

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер