Свјатослав Паламар од Азовскиот полк изјави за Си-Ен-Ен дека руските сили интензивно ја бомбардирале и гранатирале фабриката за челик Азовстал, и од бродови и од авиони.
„Во исто време сме гранатирани од копното“, додаде тој. Тој рече дека руските сили се обиделе да окупираат делови од Азовстал контролирани од украинските сили, но тие напади биле одбиени, рече тој.
„Од една страна Русите прогласуваат прекин на огнот, а во исто време со пешадија и возила се обидуваат да ја окупираат територијата на челичарницата“, изјави командантот на Азов.
Минатата недела рускиот претседател Владимир Путин му рече на својот министер за одбрана Сергеј Шојгу дека Азовстал треба да биде „блокиран“ и да ги запре руските напади. Тој додаде дека оние кои ќе се предадат треба да бидат третирани во согласност со меѓународните конвенции.
Паламар изјави за Си-Ен-Ен дека имаат голем број ранети борци и повеќе од 500 војници кои треба да добијат гаранции дека нивните животи ќе бидат поштедени.
„Имаме и цивили во смртна опасност во случај Русите да се обидат да ја заземат фабриката за челик“, рече тој, додавајќи дека руските сили вчераутро гранатирале засолниште за ранети.
„Тешко е да им се пружи медицинска помош на повредените момчиња, со оглед на тоа што нашата операциона сала беше уништена. Во неа имаше остатоци од лекови и хируршка опрема“, изјави тој за Си-Ен-Ен.
На прашањето дали украинските борци во Азовстал се подготвени да се предадат, Паламар рече: „Не размислуваме за такви сценарија. Ова е можно само преку гаранција обезбедена од политички лидери на трета земја, како што се САД, Велика Британија, Турција или Израел - гаранција, што ќе им овозможи на сите наши борци да ја напуштат фабриката за челик и да бидат префрлени на безбедно“.
„Подготвени сме да ја напуштиме оваа територија бидејќи е многу тешко и комплицирано да ја задржиме користејќи го само нашето лично оружје. Подготвени сме за евакуација, по можност евакуација на територија на трета земја, но со оружје во нашите раце“, додаде тој.
Што се однесува до ситуацијата во фабриката за челик, Паламар за Си-Ен-Ен изјави дека не останало многу храна и вода за бранителите. Тој додаде дека имаат „ограничени количини муниција“. „Немаме можност да ги уништиме авионите и бродовите што нѐ бомбардираат“, рече Паламар, додавајќи: „Не размислуваме за предавање или за условите за предавање на Русија. Разгледуваме само гаранции кои ќе ни овозможат да ја напуштиме територијата на фабриката за челик. Доколку нема друг избор, ќе се бориме до крај.” “.
Тој нагласи дека украинските борци побарале евакуација на цивилите од фабриката за челик.
„Баравме евакуација на цивилите. Од март му се обраќаме на светот и бараме од меѓународните политичари или организации да гарантираат безбедна евакуација на цивилите на украинска територија. Значи, ако не прашате дали сме подготвени цивилите да го напуштат Азовстал - спасувајте ги цивилите“, изјави тој за Си-Ен-Ен.
Зборувајќи за планот на украинската влада за евакуација на цивили од фабриката за челик, кој треба да стапи на сила денеска, Паламар рече дека е свесен дека таков конвој треба да дојде во Мариупол, но одбил да коментира дополнително, како што рече, од безбедносни причини.
„Сметаме на тоа дека Црвениот крст и организациите ќе се преселат во Мариупол за прво да се грижат за тешко повредените. Ним им треба помош“, рече Паламар, објаснувајќи дека цивилите и војниците се во различни делови на фабриката за челик.
„Има подруми и бункери до кои не можеме да дојдеме бидејќи се под урнатини. Не знаеме дали луѓето внатре се живи или не. Во челичарницата има деца на возраст од 4 месеци до 16 години. Но, има луѓе кои се задржани на места до кои не може да се дојде“, заклучил тој.