Автомобилизам

Колку вреди удрено Порше 959?(видео)

Една американска куќа ќе понуди на продажба оштетен примерок на овој класичен супер автомобил на Порше.

Кога се појавил пред повеќе од 30 години, Порше 959 ја носеше титулата на најбрз спортски модел. За време на седум години производство изработени се вкупно 337 примероци, од што во верзијата Комфорт 294 возила.

Автомобилот кој ќе биде понуден на продажба на аукцијата ги има токму Комфорт спецификациите, а од фабричката лента излегол во 1987 година и до денес поминал само 5885 км.

И додека кожниот ентериер е во одлична состојба, тоа не може да се каже за каросеријата која напред е оштетена, а куќата Mecum Auctions не откри детали за тоа како дошло до оштетувањето на автомобилот.

Сепак, како што е демонстрирало во видеото, овој 959 е во возна состојба - иако му недостига предно десно тркало. Погонскиот систем на Порше 959, како и кај 911, се наоѓа одзади. Во прашање е твин - турбо 2.8 литарски агрегат со 444кс, а силата се пренесува на сите 4 тркала.

Аукцијата ќе се одежи во Монтереј во Калифорнија, а се проценува дека 959 ќе биде продаден по цена помеѓу 450 000 и 550 000 долари (400 000 - 470 000 евра).

Иако тоа можеби изгледа премногу за автомобил во ваква состојба, Порше 959 - во зависност од тоа колку е зачуван - може да чини од милион па се до 2 милиони евра.

Свет

ОН: Во 2023 бројот на случаи на сексуално насилство во конфликти е зголемен за 50 отсто

Обединетите нации објавија дека во 2023 година бројот на случаи на сексуално насилство во конфликти е зголемен за 50 отсто во однос на претходната година, пренесува Анадолија.

Во Советот за безбедност на ОН се одржа седница за сексуално насилство во конфликти.

Прамила Патен, специјална претставничка на генералниот секретар на ОН за сексуално насилство во конфликтни зони, го објави 15-тиот годишен извештај на генералниот секретар Антонио Гутереш за сексуалното насилство во конфликти.

Таа истакна дека има невиден пораст на милитаризацијата низ светот.

- Додека жените и децата гладуваат, воените трошоци ширум светот истовремено надминаа 2,2 трилиони долари. Додека буџетите за хуманитарна помош се намалуваат, оружјето продолжува да се доставува до криминалците, а жртвите продолжуваат да страдаат, рече Патен.

Таа нагласи дека ОН регистрирале вкупно 3.688 случаи на сексуално насилство во конфликти во текот на 2023 година.

Патен рече дека сексуалното насилство особено ги погодува жените и децата. Таа додаде дека и израелските сили вршат сексуално насилство врз Палестинците.

- Според информациите потврдени од ОН, на окупираниот Западен Брег, жените и мажите приведени од израелските сили по 7 октомври биле изложени на злоупотреба, вклучително и сексуално насилство. Слични обвинувања има и во Газа, рече Патен.

Амбасадорката на добра волја на ОН и актерка Данаи Гурира не можеше да ги задржи солзите во својот говор, истакнувајќи дека сексуалното насилство продолжува да расте во светот и покрај сите напори на ОН. /МИА

Македонија

Во Шуто Оризари, тече мирно изборниот процес

Канал 5 го следи изборниот процес во Општина Шуто Оризари.

Во основното учлиште „26 јули“ е Дејан Трајковски.

Како тече изборниот процес во оваа Општина?

Целосниот извештај погледнете го во видеото.

Македонија

Прв круг претседателски избори: За гласање во државата се запишани 1.713.758 избирачи

Право на глас имаат вкупно 1.814.317 избирачи, а според заклучениот избирачки список на Државната изборна комисија, за гласање во државата се запишани 1.713.758 избирачи.

Македонија по 7 пат бира претседател на државата. Гласачките места ќе бидат отворени до 19 часот. По затворањето на избирачките места ќе можат да гласаат само лицата кои во тој момент се затекнале во објектот каде што се гласа. Право на глас имаат вкупно 1.814.317 избирачи, а според заклучениот избирачки список на Државната изборна комисија, за гласање во државата се запишани 1.713.758 избирачи. Вчера на 31 избирачко место гласаа и нашинци во дијаспората, како и затворениците и болните и немоќни лица. Утринава Канал 5 беше на отворањето на гласачките места во Општина Карпош ,а во моментов нашите екипи се на две избирачки места, едната е на гласачкото место во средното учлиште Јосип Броз Тито и другата во основното учлиште 26 јули во населбата Шуто Оризари.

Во Центар е Игор Манасивски. Целосниот извештај погледнете го во видеото.