Здравје

Колку чини животот? До каде сме со трансплантациите?

Пред два месеци мојата спруга ми подари нов живот. 

Тогаш ми даде дел од нејзиниот црн дроб, а денеска сила и надеж дека продолжуваме нормално со животот со нашите деца, раскажа Мурат Озро на конферецнија за важноста на трансплантацијата на орани во Истанбул.

„Отидов на преглед и ми констатираа заболување на црниот дроб, мораше итна транспнатација. Мојата жена беше донор, немаше кој“ истакна Мурат Озро.

„На почеток се плашев, но сега е добро и неговото и моето здравје. Нашите деца растат со нас, тоа е најважно„ вели Осла Озро.

Но, не секогаш може да помогне член до семејството. Во многу случаи и од друг човек органите може да спасат живот. Во Истанбул се организираше конференција за трансплантација на органи. Голем акцент во презентациите беа и донациите на органи од мртов човек. Се уште е догма да се подарат органите од мртов член од семејството. Но, овие органи може да значат продолжување на животот на друг човек.

Во Турција минатата година имало околу 4 илјади трансплантации на бубрези и околу 3 илјади трансплантации од црн дроб од мртов човек. Трансплатнираната вагина од кадеварик е последната успешна операција од мртов човек.

Во Турција се прават трансплантации и на екстремитети од починат донор. Во Македонија се уште има само трансплантација на бубрег од жив донор, но најчесто граѓаните патуваат до Турција, Хрватска или Германија.

Македонија

ЈО: Истрага за разбојништво со автоматска пушка во казино во Лешок

Јавен обвинител од Основното јавно обвинителство Тетово донесе Наредба за спроведување истражна постапка против 28-годишен жител на Непроштено, осомничен за разбојништво и поседување автоматска пушка.

На 24 април, осомничениот, маскиран со „фантомка“, влегол во казино во Лешок и со автоматска пушка која на граѓаните им е забранета им се заканил на вработениот во обезбедувањето и на уште едно присутно лице. Ја репетирал автоматската пушка и им наредил на оштетените да легнат на подот, по што од фиоките на касите одзел 329.780 денари.

На овој начин осомничениот сторил кривично дело – Разбојништво по член 237 став 4 во врска со став 1, како и кривично дело – Неовластено изработување, држење, посредување и тргување со оружје или распрскувачки материи по член 396 став 2 во врска со став 1 од Кривичниот законик.

Јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност од бегство, можност тој да влијае врз сведоците и да го повтори делото. Судот го прифати предлогот и определи притвор во траење од 30 дена.

Живот

Бројот на Австријци кои живеат во сиромаштија се зголеми за повеќе од 50 проценти

 Бројот на Австријците во апсолутна сиромаштија е зголемен за повеќе од 50 отсто, од 201.000 во 2022 година на 336.000 минатата година, соопшти Заводот за статистика на земјата.

Според бројките презентирани од Статистика Австрија, погодените луѓе не можеле да си дозволат многу секојдневни работи како кирија, греење или храна.

Децата и младите се релативно почесто погодени од сиромаштија отколку возрасните.

Во опасност од сиромаштија се 41 отсто од самохраните родители и 31 отсто од семејствата со најмалку три деца.

Според податоците, процентот на жители во ризик од сиромаштија би изнесувал дури 42 отсто без државна социјална помош.

Свет

Универзитетот Колумбија го одложи рокот што им го даде на демонстрантите против војната во Газа

Американскиот универзитет Колумбија го одложи рокот, кој истекува на полноќ, што им го даде на пропалестинските студенти да го расчистат кампусот, каде што протестираат против војната во Газа.

- Преговорите напредуваа и продолжуваат според планираното, соопшти кабинетот на претседателот на Универзитетот во Њујорк Минуш Шафик, негирајќи дека била побарана полициска интервенција.

- Не нарекуваат терористи, нè нарекуваат насилници. Но единствената алатка што ја имаме е нашиот глас, рече еден од студентите на собирот.

Пропалестинските студентски демонстрации во САД, кои се проширија на неколку универзитети, почнаа на Универзитетот Колумбија во Њујорк.

Некои од најпрестижните универзитети во светот, како Харвард, Јеил и Принстон, се приклучија на студентското движење и демонстрации.

притисни ентер