Новата афера со прислушкувањето на телефонските централи на Основното јавното обвиниотелство ја ставам во контекст на претходните афери од претходната власт оти тајмингот се поклопува опремата е набавена 2013 година вели поранешниот разузнувач Александар Диневски.
Според Диневски прислушкувањето на една од најважните инститиции во државата е многу опасно, мора да се види кој и за кави потреби го активирал сниомањето и во чии раце се тие материјали. Постои опасност тие материјали да биле користени од криминални структири.
Јавното обвинителство обелодени дека од 30 септември 2016 година, па досега во два хард диска се снимала целата телефонска комуникација преку фиксната мрежа во институцијата.Тоа се случувало без знаење на јавниот обвинител Љубомир Јовески, а процесот е во предистражна постапка.
Во тоа време јавен обвинител беше Марко Зврлевски. Таква телефонска централа имало и во Основниот суд Скопје 1, но според сознанијата на Владата, таа не била ставена во функција.
Премиерот Зоран Заев вината ја лоцираше кај раководните лица во институциите кои одлучуваат како ќе се употребува вградената телефонска централа. Од ВМРО-ДПМНЕ го повикаа министерот за внатрешни работи Оливер Спасовски да даде оставка од функцијата.
Од СДСМ пак, побараа лидерот на ВМРО-ДПМНЕ и раководството на партијата да одговорат за нивната улога во нелегалното прислушување.