Во Москва денеска ќе се одржи ждрепка за составите на групите за фудбалскиот Мундијал во 2018 кој ќе се игра низ 11 градови во Русија. .

Селекции од првиот шешир.

Германија
Бранители на шампионската титула и победници на Купот на конфедерации во 2017 година „отпловија“ преку квалификациите со максимален број бодови. Селекторот Јоаким Лев има многубројни млади таленти на располагање, како Тимо Вернер или Леон Горецка кои сакаат да се приклучат на победниците на Светскиот куп, Тони Крос, Месут Озил и Томас Милер. Најголемата главоболка на Лев ќе биде кои играчи да ги изостави од составот бидејќи Германците сакаат да станат првиот тим од Бразил во 1958 и 1962 година, кој ќе го освои последователно Светското првенство во фудбал.

Русија
Русија е најниско рангирана од сите на СП - на 65-тото место, но оди како домаќини на турнирот, надевајќи се дека ќе ја избегне судбината на Јужна Африка во 2010 година, единствени домаќини елиминирани во групната фаза. „Зборнаја“ беа елиминирани во првата пречка во нивните три настапи на Светското првенство кога се натпреваруваа како Русија (1994, 2002 и 2014 година) по распадот на Советскиот Сојуз, а исто така беа елиминирани рано и на Еуро 2016. Домашната поддршка можеби не е доволна за тренерот Станислав Черчесов, кој се уште ги има искусните - голманот Игор Акинфеев и напаѓачката закана од играчот од средниот ред на ЦСКА Москва Алан Џагоев (среден ред), и напаѓачите Фјодор Смолов од Краснодар и Артем Дзјуба од Зенит Санкт Петербург.

Бразил
Петкратен светски шампион кој учествувал на секој завршен турнир од СП. Бразил се подготвува за промена на имиџот по разочарувачкото четврто место како домаќини во 2014 година. Нејмар е ѕвезда, но има многу напаѓачки опции за селекторот Аденор Леонардо Бачи, попознат како Тите и кој ја презеде репрезентацијата во јуни 2016 година. На располагање ги има Габриел Хесус од Манчестер Сити и Филип Кутињо од Ливерпул, а меѓу репрезентативните играчи се Марсело и Каземиро од Реал Мадрид и Паулињо од Барселона. Во Русија ќе настапат по 21 пат.

Португалија
Португалија се на СП како европски шампиони и Кристијано Роналдо како ѕвезда на Мундијалот. Фернандо Сантос ја презеде репрезентацијата во септември 2014 година откако беше отпуштен Паоло Бенто. Имаат солиден среден ред и одбрана околу ветеранот Пепе. Португалија е способна, има искуство и доверба за надеж дека можат да освојат и титула.

Аргентина
Се појавуваат на СП од 1970 турнирт одржан во Мексико. Меси со хет-трик против Еквадор во квалификациите ги „однесе“ на завршниот турнир. Жорге Сампаоли кој е селектор од 1 јуни, има широк тим полн со таленти – Анхел Димариа, Серхио Агуеро, Паоло Дибала и Гонзало Игуаин како и Меси, кому ова можеби му е последниот Светски куп. Титули имаат во 1978 и 1986.

Белгија
На СП се враќаат по 12 години отсуство во Бразил 2014 година и стигнаа до четврт-финалето каде беа поразени од Аргентина. Селектор им е Шпанецот Роберт Мартинез. Јадрото им е во напаѓачот Кевин Де Брине, Идн Хазард, Лукаку и неколку други кои може да постигнат добри резултати на СП во Русија.

Франција
Многу се очекува од нив – победници во 1998 и финалисти во 2006 кои стигнаа до четвртфинале во 2014 година и беа финалисти на Еуро 2016 на домашен терен. Селекторот Дидие Дешамп кој беше капитен во 1998 има извонредно многу таленти во својата селекција – од Дрогба, Матуиди, Корентин Колисо и Канте. Во нападот им се Гризман, Мбапе, Мартиал, Дембеле, Кингсли Коман и Александер Лаказет од Арсенал.

Полска
Откако не успеаја да се квалификуваат во 2010 и 2014 година, Полска доби многу со селекторот Адам Нвалка. Во таа селекција Роберт Левандовски постигна 16 голвои во квалификациите. Вои составот им се звучни миња како голманот Војчех Шчешни, Лукас Пишчек од Борусија Дортмунд, Аркадиуш Милик од Наполи и Грегор Кричковиак од ВБА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.