Ова е 12-та ерупција откако геолошките системи на полуостровот Рејкјанес повторно се активираа во 2021 година. Ерупциите, познати како фисурски ерупции, се карактеризираат со текови на лава кои излегуваат од долги пукнатини во земјината кора, наместо од централен кратер.

Досега, ерупциите на Рејкјанес не претставуваа закана за главниот град Рејкјавик, ниту пак предизвикаа значително ширење на пепел во стратосферата, па не дојде до нарушување на воздушниот сообраќај.

Блискиот рибарски град Гриндавик, во кој пред евакуацијата во 2023 година живееле речиси 4000 жители, сè уште е главно пуст поради повремените закани од лава и поврзаните земјотреси. Луксузната спа-зона Блу Лагун и блиската геотермална електрана Свартсенги исто така беа изложени на ризик од лава за време на некои претходни ерупции.

Експертите проценуваат дека ваквите ерупции во оваа област би можеле да се повторуваат со децении, па дури и со векови.

Во Исланд има повеќе од 30 активни вулкани. Оваа северноевропска земја ја прави една од главните дестинации за вулкански туризам кој секоја година привлекува илјадници посетители.

Пред љубителите на олдтајмери, македонскиот тим се претстави со уникатниот „Abarth 1000 TCR“ од 1970 година, којшто беше единствен ваков примерок на настанот.

- Нашиот тим, освен претставувањето на македонските вина и Бахус Класик релито што есенва ќе се одржува во нашата држава, имаше повеќе од успешен настап и освоено прво место во својата категорија. Ова признание е навистина интересно и важно за нас и за нашата држава затоа што е прв пат македонски тим да освои прво место на Интернационален олдтајмер настан во Германија, велат од тимот на „Bacchus Classic“ во изјава за МИА.

На настанот, кој е еден од најпрестижните во Германија и се одржа во градот којшто е под заштита на УНЕСКО, учествуваа 390 автомобили од цела Европа. Возилата беа изложени во централниот парк којшто е опкружен со историски згради со кои се надполнуваше убавината на олдтајмерите.

Во 2024 година, според податоците на Евростат, во ЕУ имало речиси 202 милиони семејства, а само 47,6 милиони (23,6%) од нив имаат деца, додека 76,4% се бездетни. Домашни миленици, пак, имаат околу 91 милион европски домаќинства (46%).

Највисок удел на семејства со деца има во Словачка (35,6%), Ирска (31,0%) и Кипар (28,6%). Спротивно на тоа, најниски удели се регистрирани во Финска (18,0%), Литванија (19,6%) и Германија (20,1%).

Од семејствата со деца, речиси половината (49,8%) имаат едно дете, 37,6% две, а 12,6% имаат три или повеќе деца.

Домаќинствата со едно дете се доминантни во сите земји од ЕУ, освен во Холандија, каде што уделот на домаќинствата со две деца е поголем. Семејства со три или повеќе деца се најбројни во Ирска 20,6%, 18,1% во Шведска и 17,4% во Финска.

Речиси половина од семејствата во ЕУ чуваат домашни миленици. Вкупниот број на домашни миленици е околу 340 милиони, од кои 127 милиони мачки, 104 милиони кучиња, 53 милиони птици, 29 милиони мали цицачи, 22 милиони аквариумски риби и 11 милиони терариуми.

Според Федерацијата на европската индустријата за храна за домашни миленици (FEDIAF), европејците само за исхрана на своите миленичиња, годишно трошат околу 30 милијарди евра, а уште 24,5 милијарди за други поврзани производи и услуги.

Во Македонија, пак, според последниот попис има 538.348 семејства, а од нив околу половината имаат најмалку едно дете.

Што се однесува до домашните миленици, точна статистика нема. Според податоците од Агенцијата за храна и ветеринарство, во 2023 имало 84.949 регистрирани миленици, но се проценува дека нивниот број е поголем и достигнува над 200 илјади.

Во 2024, пазарот на храна за миленици земјава надминал 32 милиони долари.с