Коцевски: Македонија едно големо градилиште, 1200 проекти со помош на Владата се реализираат на целата територија на државата - Канал 5

Македонија

Коцевски: Македонија едно големо градилиште, 1200 проекти со помош на Владата се реализираат на целата територија на државата

Во изминатиот период Владата започна сериозен инвестициски циклус во општините, со цел да се надмине долгогодишниот недостаток на инвестиции во локалната инфраструктура и да се решат проблеми кои директно го засегаат секојдневието на граѓаните.

Коцевски: Македонија едно големо градилиште, 1200 проекти со помош на Владата се реализираат на целата територија на државата

Денеска низ општините се реализираат околу 1.200 инфраструктурни проекти со поддршка од Владата, што претставува значаен обем на инвестиции на локално ниво. Станува збор за проекти кои се однесуваат на патната инфраструктура, водоводи, канализации, животна средина, образованието, спортот, културата и социјалната политика, односно области кои се директно поврзани со квалитетот на животот во секоја локална заедница.

Владата предводена од ВМРО-ДПМНЕ преку два јавни повици на општини им стави на располагање средства од унгарскиот кредит, кои се преточуваат во проекти кои ги подобруваат условите за живот на граѓаните и своевремено ја развиваат и домашната економија.

Преку ресорот транспорт и врски се реализираат вкупно 814 проекти во вкупна вредност од над 11 милијарди денари, од кои 382 се целосно реализирани, додека 432 се во напредна фаза на реализација.

Следната област со најмногу проекти е животна средина со 183, од кои 45 се целосно реализирани, додека 138 се во фаза на реализација со вкупна вредност од над три милијарди денари.

Во образованието одобрени се 55 проекти во вкупна вредност од скоро две милијарди евра за нови училишта и реновирање на постоечките, за нови училишни спортски сали и терени од кои седум проекти се целосно завршени, додека на 48 се уште се работи.

За македонскиот спорт има 36 проекти во вредност од скоро 770 милиони денари, каде што 10 проекти се целосно реализирани, додека 26 се во фаза на реализација, следува културата со 18 проекти во вкупна вредност од над 822 милиони денари, па социјалната политика со 10 проекти вредност од над 771 милион денари.

80 општини во Македонија учествуваа и добија финански средства од Владата за развој и капитални инвестиции насочени кон подобрување на патната инфраструктура, детски градинки, спортски терени и комунални мрежи.

Така, вкупната поддршка од двата јавни повици на Владата за општините Гази Баба и Прилеп за капитални проекти достигна 12 милиони евра, за општина Велес 9 милиони, за општина Дебар се доделија финансиски средства за 26 проекти, за општина Битола дури за 81 проект, за Струмица 13, за Крива Паланка се доделија средства за пет проекти, додека за Неготино се доделија над четири милиони евра за 12 проекти.

Кога се зборува за бројки, секогаш е важно зад нив да се видат конкретните луѓе и конкретните места, затоа што зад проектите во образованието стојат подобри услови за учениците, зад инвестициите во спортот стојат подобри услови за младите и спортските клубови, а зад проектите во животната средина стојат решавања на инфраструктурни проблеми кои директно влијаат врз здравата и уредена животна средина.

Инвестициите во културата го зачувуваат локалното наследство, додека проектите од социјалната политика создаваат подобри услови за граѓаните кои зависат од јавните услуги, додека инвестиции во инфраструктурата значи дека граѓаните добиваат подобри патишта, водоводни и канализациони системи.

Сите овие 1200 проекти решаваат различни локални проблеми за граѓаните, но заедничкиот ефект е подобрување на условите за живеење, затоа целта на оваа Влада предводена од ВМРО-ДПМНЕ е развојот да не биде привилегија само на неколку големи градови и центри, туку инвестициите да стигнат во секоја општина каде што постои реална потреба и квалитетен проект.

Затоа денес може да кажеме дека Македонија е едно големо градилиште коешто може да се види во општините низ целата држава, затоа што граѓаните, без разлика каде живеат, имаат право на подобра инфраструктура, подобри јавни услуги и подобри услови за живот, рече Зоран Коцевски, пратеник на ВМРО-ДПМНЕ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ му честиташе на Федерер за неговиот влез во Куќата на славните (ВИДЕО)

Новак Ѓоковиќ се огласи по повод приемот на Роџер Федерер во Меѓународната тениска сала на славните и му честиташе на еден од неговите најголеми ривали и пријатели.

Ѓоковиќ му честиташе на Федерер за неговиот влез во Куќата на славните (ВИДЕО)

Швајцарскиот тенисер официјално стана член на Салата на славните во Њупорт, а церемонијата беше особено емотивна. Федерер не можеше да ги задржи солзите за време на својот говор, во кој се потсети на својата кариера, семејството и луѓето што го следеа во текот на четирите децении поминати во тенисот.

Генерацијата на која Ѓоковиќ ѝ припаѓаше, исто така, имаше посебно место во неговата приказна, заедно со Рафаел Надал и други великани кои ја одбележаа една од златните ери на овој спорт.

- Роџер, честитки за приемот во Салата на славните. Сите знаевме дека овој ден ќе дојде порано или подоцна. Никој не го заслужува ова повеќе од тебе. За сè што си постигнал, за она што си го претставувал и сè уште го претставуваш за спортот и тенисот. Тоа е нешто извонредно и неверојатно. Ти благодарам што си толку голем амбасадор за нашиот спорт. Се надевам дека ќе имаш прекрасен ден со твоето семејство и ќе ја прославиш твојата неверојатна кариера.

За потсетување, легендарниот Роџер Федерер беше официјално примен во Меѓународната тениска сала на славните во саботата, но церемонијата во Њупорт беше обележана со силни емоции. Еден од најголемите тенисери на сите времиња не можеше да ги задржи солзите додека зборуваше за својата кариера, семејството и спортот кој, како што самиот рече, му „значеше сè на светот“.

Тагови: Роџер Федерер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Канада му одговори на Трамп со нов натпис: Езеро Онтарио, сега и засекогаш (ВИДЕО)

Премиерот на канадската покраина Онтарио, Даг Форд, одговори на потегот на американскиот претседател Доналд Трамп со поставување голем знак на канадскиот брег на езерото Онтарио. 

Канада му одговори на Трамп со нов натпис: Езеро Онтарио, сега и засекогаш (ВИДЕО)

Трамп во четврток потпиша извршна наредба за преименување на езерото Онтарио во „Езеро Америка“, предизвикувајќи остра реакција од Канада, објавува Би-Би-Си.

Иако Трамп рече дека промената ќе стапи на сила веднаш, наредбата му даде на американскиот секретар за внатрешни работи 30 дена да ја спроведе во соработка со Одборот за географски имиња. Одлуката не е обврзувачка за Канада или меѓународните институции. Канадските власти го отфрлија потегот на Трамп.

Форд верува дека Трамп го променил името на езерото затоа што „не му се допаднал начинот на кој Онтарио и Канада се залагаат за себе“. „Во случај претседателот Трамп или некој друг да заборави, ја поставивме оваа табла за да ги потсетиме - ова е езерото Онтарио, сега и засекогаш“, рече Форд, стоејќи пред новопоставениот знак покрај езерото.

Изјавата на Форд е одраз на претходната порака од канадскиот премиер Марк Карни, кој рече дека „работите мора да се нарекуваат со нивните вистински имиња, а ова езеро се вика Онтарио - денес и засекогаш“.

Извршна наредба на Трамп и видеа со вештачка интелигенција

Трамп вчера објави и неколку видеа генерирани од вештачка интелигенција на социјалните мрежи. Во едно, тој со ногата го искина знакот „Езеро Онтарио“ и постави нов на кој пишуваше „Добредојдовте во езерото Америка“. Во друго, јато канадски гуски со фризурата и оружјето на Трамп патролираат по брегот на езерото.

Новиот спор меѓу САД и Канада се случи откако трговските разговори не успеаја. САД воведоа нови царини од 50 проценти на канадска стока во вредност од 20 милијарди долари, а Канада објави дека ќе одговори со контрамерки од ист износ следниот месец.

Од каде доаѓаат имињата на Големите езера?

Имињата на четирите Големи езера - Онтарио, Хјурон, Мичиген и Ири - доаѓаат од јазиците на домородните народи, додека името на Горното езеро доаѓа од францускиот јазик. Езерото Онтарио е најмалото од Големите езера и се наоѓа на границата на канадската покраина Онтарио и американската држава Њујорк.

Извршната наредба на Трамп му наложи на Министерството за внатрешни работи на САД да го промени своето име во официјалниот американски регистар на географски имиња во рок од 30 дена.

Трамп веќе го преименува Мексиканскиот Залив

Ова не е прв ваков потег на Трамп. По враќањето во Белата куќа во 2025 година, тој потпиша слична извршна наредба со која го преименува Мексиканскиот Залив во Залив на Америка. Мексико ја отфрли промената, тврдејќи дека една земја не може еднострано да го промени името на меѓународно водно тело.

Овој потег, исто така, доведе до правен спор помеѓу Мексико и Google, кој го промени името во својата апликација Maps. Како резултат на тоа, корисниците на Google Maps во САД го гледаат името „Залив на Америка“, корисниците во Мексико го гледаат „Мексикански Залив“, додека корисниците во остатокот од светот го гледаат „Мексикански Залив (Залив на Америка)“.

Тагови: Доналд Трамп Онтарио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Движење ЗНАМ: Нема место за глорификација на воени злосторства во Македонија

Во политиката има моменти кога дневнополитичката калкулација мора да престане, а зборовите мора да ја имаат тежината на одговорноста. 

Движење ЗНАМ: Нема место за глорификација на воени злосторства во Македонија

Односот кон воените злосторства, жртвите и правосилните пресуди на меѓународните судови е токму таков момент.

Движењето ЗНАМ за Наша Македонија најостро ги осудува воените злосторства случени на поранешните југословенски простори, вклучувајќи ги и хашките случаи во Македонија од 2001г., и секој обид за нивна глорификација, релативизација или оправдување.

За нас не постојат двојни стандарди кога станува збор за почитувањето на жртвите, меѓународното право и цивилизациските вредности. Ниту еден воен злостор не може да биде оправдан и ниту еден правосилно осуден воен злосторник не може да биде претставуван како пример за почит или восхит.

Објавата е личен став на директорот на Агенцијата за остварување на правата на заедниците и не може да се поистоветува со ставот на Владата, ниту со политиката на носителите на власта и одговорноста за сопственото јавно постапување и лични ставови мора да се преземе лично иинституционално.

Оттука, несериозно и политички нечесно е да се тврди дека ЗНАМ „молчи“, само затоа што не сме реагирале по диктатот и во рокот што некој од опозицијата ни го одредил.

ЗНАМ говори и делува врз основа на сопствени принципи.

Ако навистина сакаме сериозно да разговараме за европските вредности, демократијата, соочувањето со минатото и почитувањето на меѓународното право, тогаш да разговараме без етикетирања, без политички памфлети и без историски конструкции скроени за дневнополитичка употреба. ЗНАМ ја осудува секоја глорификација на воени злосторства и воени злосторници.

Истовремено ЗНАМ, ја отфрла и политичката инструментализација на ова исклучително сериозно прашање со цел создавање колективна вина, етнички поделби и политички конструкции.

Венко Филипче и СДСМ од една сериозна тема создаваат цела политичка конструкција во која се обидува да ги спои партиите од власта и

Движењето ЗНАМ, Србија, Александар Вучиќ, „српскиот свет“, Кина, Русија, МПЦ, кое за нас, претставува, класичен политички спин чија цел е една конкретна постапка да ја претвори во поширока конструкција за дискредитација на цела Влада и на нејзините коалициски партнери.

Истовремено, како Движење и сериозен политички субјект, нема да дозволиме самопрогласени политички толкувачи да ни објаснуваат што мислиме, во што веруваме и за што се залагаме.

Ставот на ЗНАМ е јасен, НАТО и ЕУ се иднината на Македонија!

ЗНАМ ќе продолжи да ја носи својата одговорност кон Македонија со сопствен став, јасни принципи и почит кон државноста, меѓународното право и кон сите нејзини граѓани.

Центар за комуникации и аналитика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер