Клековски: Успешно ја завршуваме годинава, во 2026 година ќе се довршуваат започнатите активности - Канал 5

Здравје

Клековски: Успешно ја завршуваме годинава, во 2026 година ќе се довршуваат започнатите активности

Успешно ја завршуваме 2025 година, земајќи ги предвид промените и целите кои сакавме да ги постигнеме и дека во 2026 година зголемувањето на буџетот ќе биде 2,5 проценти. 

Клековски: Успешно ја завршуваме годинава, во 2026 година ќе се довршуваат започнатите активности

Идната 2026 ќе биде година на стабилизација и на довршување на тоа што беше започнато 2025 година, истакна денеска на средба со новинарите генералниот директор на Фондот за здравствено осигурување, Сашо Клековски.

Буџетот за 2026 година, посочи тој, ќе донесе можност за стабилизација на портфолиото што го градевме во 2025 година, меѓутоа во еден сегмент ќе биде недоволен, а тоа се надоместоците за боледување, бидејќи за годинава констатиравме дека заради растот на просечните плати растат и надоместоците за боледувања, посебно породилните.

Годинава во делот на матичните лекари ги зголемивме капитациите за 33 отсто за медицинарите и гинеколозите, а за стоматолозите беше малку помало зголемувањето, бидејќи претходната година имаа добиено зголемување. Очекуваме заострена казнена политика за целите кои се договорени, а тоа е намалување на употребата на антибиотици и анксиолитици и боледувањата. Ќе има контроли во одредени дејности во однос на двојната наплата на плаќање услуги, односно услуги кои не смеат да бидат наплатени од граѓаните, туку само од Фондот. Значи се фактурира на Фондот и се наплаќа на осигуреникот и првиот извештај ќе го презентираме утре заедно со УЈП, вели Клековски.

Во делот на лабораториите, новина најави во јануари, а тоа е вклучување на нова установа за генетски истражување во системот на здравствената мрежа на Фондот со цел да се зголеми капацитетот за генетските истражувања.

Според него, во јавното здравство клучното постигнување е зголемувањето на платите.

Кумулативно тие се зголемија за 17 проценти во 2024/2025. Зголемувањето беше за сите еднакво. Целта беше пониско платените работни места да добијат подостоинствен третман. Во 2026 година тоа ќе продолжи. Со договор постигнат на синдикатите со премиерот ќе има седум до девет отсто зголемување на платите во март, вели Клековски.

Укажа на напредокот во третманот на пациентите односно примената на покомплицирани методи во Клиничкиот центар, најави натамошно проширување на позитивната листа на лекови, квалитативна контрола на кардиохирургиите и на приватните даватели на услуги за дијализен третман, како и истражување на можноста за почнување генетски скрининг на ембриони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Бекамови го вклучуваат Бруклин во објавата за Денот на татковците и покрај наводната караница

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Чешка ќе ги забрани мобилните телефони во училиштата

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

Чешка ќе ги забрани мобилните телефони во училиштата

Чешката влада поднесе закон за забрана на мобилните телефони во училиштата од септември 2027 година, потврди премиерот Андреј Бабиш, приклучувајќи се кон растечкиот глобален притисок за ограничување на времето што децата на училишна возраст го поминуваат пред екраните.

Забраната ќе се однесува на употребата на телефони во училниците, како и за време на паузите, со одредени исклучоци, како што се здравствени причини или образовни цели.

„Училиштата нема да можат да им дозволат на учениците да земат пауза со своите телефони од други причини“, се наведува во нацрт-законот.

Овој потег следи по мерките на други влади насочени кон ограничување на употребата на социјалните медиуми или мобилните телефони кај децата. Полска овој месец го следеше примерот на земји како Холандија, Јужна Кореја и Италија со забрана на паметните телефони во училиштата поради загриженост за нивното влијание врз концентрацијата и однесувањето на учениците.

На социјалните медиуми, Австралија беше првата што воведе забрана за пристап на деца, а Велика Британија овој месец објави забрана за лица под 16 години. Бабиш нагласи дека владата размислува и за забрана на социјалните медиуми за деца, по примерот на Франција и други земји кои зазедоа построги ставови поради перципираните негативни ефекти врз децата.

Извор: Индекс.хр

Тагови: Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Ќе се согласат на сè...“

Американскиот претседател Доналд Трамп вели дека Иран ќе прифати строги инспекции додека САД и Иран водат разговори за нуклеарниот договор во Швајцарија, при што официјалните лица на двете земји даваат спротивставени изјави.

Трамп: „Ќе се согласат на сè...“

Американскиот претседател Доналд Трамп вели дека Иран ќе се согласи на обемни инспекции за оружје. Трамп ги даде забелешките во неодамнешна објава на неговиот профил на социјалните мрежи „Truth Social“.

Преговарачите од САД и Иран моментално се во Швајцарија каде преговараат за конечен мировен договор што треба да го реши проблемот со нуклеарната програма на Иран. Иранскиот режим вели дека сака да користи нуклеарна енергија само за цивилни цели, но задржува залихи од високо збогатен ураниум.

Меѓународната агенција за атомска енергија (МААЕ) постојано го повикува Иран да ја открие локацијата на своите залихи од збогатен ураниум откако САД и Израел го нападнаа Иран минатото лето.

Потпретседателот на САД, Џ.Д. Венс, денес изјави дека иранските претставници се согласиле да им дозволат на инспекторите на МААЕ да влезат во Иран.

Сепак, Министерството за надворешни работи на Иран негираше дека Техеран прифатил какви било нови обврски во врска со неговата нуклеарна програма за време на разговорите со САД овој викенд во Швајцарија.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер