КК Водњански лисици: Во МКФ има скапо платени професионалци кои работат аматерски - Канал 5

Кошарка

КК Водњански лисици: Во МКФ има скапо платени професионалци кои работат аматерски

Раководството на КК Водњански лисици директно го обвини највисокото раководство на Македонската Кошаркарска Федерација, посочувајќи го за главен виновник што оваа екипа нема да се натпреварува во првата, ниту пак во втората лига на Македонија.

КК Водњански лисици: Во МКФ има скапо платени професионалци кои работат аматерски

Лани тимот на КК Водњански лисици обезбеди место во нашето најквалитетно друштво како второпласирана екипа во Втората лига. Но најавите од федерацијата за засилени норми и правила го натераа раководството на Водњански лисици да се откаже од натпреварување во Првата лига.

Со соопштение кое ви го пренесуваме во целост раководството на КК Водњански лициси ја информира јавноста за својот став:

„Управниот одбор на Кошаркарскиот клуб Водњански лисици Скопје ја информира јавноста дека поради недоследноста и дезинформациите на канцеларијата на Македонската кошаркарска Федерација (МКФ) и Комитетот за итност на МКФ, кој е продолжена рака на Управниот одбор (УО) на МКФ, нашиот сениорски

машки тим, иако минатата сезона како втор во втората Лига се избори за враќање во елитата, не игра во Првата лига во оваа сезона во која напролет клубот ќе наполни 25 години од постоењето.

*Донесените одлуки на МКФ во однос на (условите за) настапот во Првата машка Лига се лоши, своевидна се фарса и се на штета на оние клубови, во кои се вбројуваме и ние, кои успешно создаваат млади кошаркар(к)и.

*Клубов не е дрво без корен*. Освоивме 10 титули и најмалку 10-на сребрени и бронзени медали во многу млади возрасни категории во машка и женска конкуренција. Создадовме, и одовде потекнаа, по неколку членови на А-репрезентациите (Самарџиски и Јане Петровски, а на поширокиот список беше и тренерот на сениорите Софкоски, кај дамите Самарџиска, сестрите Ханка и Едина Муса, Раденковиќ).

Сениорките, водени од тренерот Бобан Самарџиски и Бојана Самарџиска освоија двојна круна во 2001 г. По двапати (во 2000 г. и 2007 г.) сениорките беа втори во првенството и Купот. Јуниорките предводени од Ханка Муса беа двапати првенки.

Амди Муса беше селектор на репрезентацијата до 16 г. на ЕП во Мадрид 2003 г. која заврши седма и за неа тогаш играа 4 наши кошаркари.

*Низ клубов поминале неколку стотици кошаркар(к)и.*

*Не добивме поддршка од МКФ, иако, исто како и во премиерната машка прволигашка сезона (2014/2015), и во оваа сезона *

*планиравме да играме исклучиво со домашни, и тоа млади, кошаркари*. А, нели, треба домашните кошаркари да имаат (достојна) минутажа.

МКФ треба да постои поради клубовите, а не да биде обратно. МКФ треба да помага на клубовите, а не да ги дезинформира.

Нашиот спортски директор и тренер-координатор во сите категории на клубов, Проф. Амди Муса, кој во кошарката е 50 г. како играч, тренер и функционер, во канцеларијата на МКФ, лично од спортскиот директор Владимир Темелковски, беше информиран дека во Првата машка лига сезонава ќе играат само оние екипи кои можат да бидат домаќини во сали кои се според строгите прописи на ФИБА, дури и по цена да првата Лига брои само 6 екипи. Тоа значеше дека не ќе можеме да играме во елитата како порано, во салата во

"Градскиот парк" и дека, со оглед што во сезонава ќе требаше да бидеме домаќини на најмалку 18 натпревари, ќе требаше да потрошиме минимум околу 12.000 евра.

*А, сведоци сме на најновата одлука на УО на МКФ, кој во текот на оваа недела овозможи, сепак, да во регуларниов дел од сезоната ќе може да се игра и во други сали (!)*, а не само во трите сали ("Борис Трајковски", големата сала во "СРЦ Кале" и "Јане Сандански") кои отпрвин беа посочени како единствени сали каде што ќе може да се играат прволигашки натпревари.

*Доколку знаевме дека ќе може да се игра и натаму во сали како што е "Градски парк", која бесплатно ја користевме со години, благодарение на соработката со КК Работнички АД, нашиот клуб ќе ја почнеше сезонава во Првата лига и јубилејот од 25 години напролет ќе го прославевме како прволигаш*.

А, сега, не играме, поради наш револт од односот на луѓето кои ја предводат МКФ, ниту во Втората машка сениорска лига.

*Иако претходно објави дека котизацијата ќе може да се плати на две рати, МКФ подоцна побара истата да биде платена одеднаш, и тоа најдоцна до еден месец пред стартот на елитата!? *

Не можевме навремено да ја уплатиме котизацијата од 10.000 евра бидејќи проценивме дека парите за котизација кои, сепак, ќе ги обезбедевме од своите редови може да отидат во неповрат, со оглед на тоа што ќе немавме сала во која ќе игравме како домаќини.

Укажуваме дека, според нас, доволни се најмногу по околу 3.000 евра од клуб за котизација. Но, МКФ побара 10.000 евра! *На што се трошат сите пари од котизацијата*? *Во МКФ има луѓе кои се скапо платени професионалци (со плати во илјадници евра), а аматерски ја водат Федерацијата*.

*Она што најмногу боли е неподносливата леснотија со која што МКФ се откажа од еден кошаркарски колектив кој сезонава требаше да прослави 25-годишен јубилеј. *

И не само тоа, сега може да биде доведено во прашање натамошното егзистирање на клубов кој откако е формиран секогаш ги почитува(л) прописите и работел на професионално ниво, со ентузијазам и посветеност на неговите тренери во работата со млади таленти.

Порано првата машка кошаркарска Лига беше најгледана во македонскиот спорт воопшто, но изминативе неколку сезони на сите натпревари заедно во било кое коло во текот на регуларниот дел од кошаркарската сезона има помалку гледачи отколку на пример само на еден ракометен натпревар.

И не само тоа. Пред 20-на години КФМ обезбедуваше спонзор на Првата Лига ("Мак-Партнер лига") кој ги сносеше трошоците за службените лица на натпреварите. *Зошто сегашново раководство на МКФ веќе четврта сезона нема најдено спонзор на Првата лига? *

На крај сакаме гласно да резимираме: од ова раководство на МКФ, во последниве повеќе од три години се изнаслушавме за казни, суспензии, котизации, одземање на пасоши, и.т.н., и.т.н. ...

Она што не успеавме да го слушнеме е што тие направија позитивно за клубовите и за кошарката во целост?

Овие одговори ги должат на сите нас кои што сме ја создавале и ја создаваме кошарката, и секако на, спортската, а пред се, на кошаркарската јавност.

Спортски поздрав.

Управен одбор на КК Водњански лисици Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Малиот булдог Каси им го спаси животот на своите сопственици- загина во борба со разбеснета мечка

Омилениот француски булдог на една двојка умре обидувајќи се да ги спаси своите сопственици од разбеснета мечка откако дивото животно ги нападна во дворот на нивниот дом во руралните делови на Северна Калифорнија.

Малиот булдог Каси им го спаси животот на своите сопственици- загина во борба со разбеснета мечка

Џеф и Мелори Вилсон биле во нивниот дом во округот Тринити кога нивното куче Каси само еднаш лаело. Доцна ноќното лаење го натера Џеф да излезе надвор и да го провери дворот, објави Њујорк Пост.

Само што ја отвори вратата, Каси слезе од терасата, а зад мебелот од градината се појави мечка . Мечката потоа го нападна Џеф и го собори на подот.

Несвесен за фаталниот напад, Мелори се разбудил од вревата и излегол надвор да провери што се случува. Мечката потоа ја нападна и неа, нанесувајќи и тешки повреди на лицето и телото.

Во еден момент од нападот, мечката со устата го фатила Каси и почнала да бега. Мелори фрли стол кон мечката, поради што ја испушти Каси. Џеф потоа ја турнал грејачот на градината кон мечката, по што животното конечно побегнало.

Двојката верува дека мечката испаничила откако била закачена меѓу мала ограда околу куќата и отворена порта.

„Мислам дека мечката беше изненадена од нас исто како и ние од неа“, рече Џеф.

Двојката итно ја однела Каси на операција за да ѝ ги санира повеќекратните рани од каснување и длабоките исеченици по должината на 'рбетот. Кога по два дена сама почнала да оди и да пие вода, почувствувале наплив на надеж дека ќе закрепне. Трагично, таа починала следното утро.

Според страницата GoFundMe што ја започнала Рејчел Москоне, пријателка на парот веќе 20 години, Џеф се здобил со две скршени ребра, како и бројни рани од каснување и канџи, додека Мелори претрпела тешки повреди на главата и лицето, скршена рака и дополнителни рани од каснување и убоди.

„Каси се фрли меѓу Џеф и мечката во обид да го заштити“, рече Москон.

Таа додаде дека 7,5-годишната женка француски булдог била сакана членка на семејството Вилсон и „кога на Џеф му била најпотребна, ова мало куче храбро застанало меѓу него и мечката“.

„Таа никогаш не требаше да биде херој, таа не беше наш чувар.

Двојката одлучила да живее во рурална Северна Калифорнија за да биде поблиску до природата и нејзиниот див свет и биле уништени од нападот.

„Ова беше неиспровоциран и крајно необичен состанок што никој од нас не можеше да го предвиди. Можеме да тагуваме за Каси и да бидеме скршени од она што се случи, додека сè уште го почитуваме дивиот свет што припаѓа на овие места“, рече парот.

Тагови: булдог мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сите гледаа во Дакота Џонсон- на премиера во Лондон се појави во прѕирен фустан (ФОТО)

Дакота Џонсон вчера вечер се појави на лондонската премиера на „Verity“ во проѕирен фустан од чипка под кој се гледаше долната облека.

Сите гледаа во Дакота Џонсон- на премиера во Лондон се појави во прѕирен фустан (ФОТО)

Актерката избра беж фустан направен од нежна чипка од дизајнерката Колин Ален за црвениот тепих. Креацијата имаше длабоко деколте со јака слична на шал и крој без ракави. Под проѕирниот фустан, 36-годишната Џонсон носеше контрастна црна долна облека од Fleur du Mal.

Изгледот го комплетираше со нејзината препознатлива права кафеава коса, црн маникир и златен ѓердан, нараквица и неколку прстени.

На премиерата, таа позираше и со Џош Хартнет, со кого глуми во нов психолошки трилер. Во филмот глуми и Ен Хатавеј. За настанот, Хартнет избра црно одело без вратоврска, широки панталони и модерна кроена јакна.

Проѕирните фустани станаа нејзин заштитен знак

Џонсон е веќе позната по изборот на транспарентни материјали за формални настани. На премиерата на филмот „Madame Web“ во Лос Анџелес во 2024 година, таа носеше мрежест фустан од Гучи украсен со кристали, под кој носеше долна облека во боја на кожа.

Во текот на септември 2025 година, таа двапати носеше транспарентни креации. Прво, таа избра црн фустан од чипка со цветен вез за вечерата „Грижа за жените“ на Фондацијата Керинг, а потоа светло виолетов фустан од Гучи на Филмскиот фестивал во Цирих.

На Меѓународниот филмски фестивал Црвено Море во декември 2025 година, таа носеше бел фустан од чипка со длабоко деколте од Клое.

„Се чувствувам убаво во нив, затоа ги носам“

Кога во октомври 2025 година германскиот Вог ја праша дали се грижи дека нејзините фустани се „премногу секси“, Џонсон одговори дека „едноставно не е загрижена“.

„Имав можност да носам некои од најубавите фустани и се чувствувам убаво во нив, затоа ги носам“, изјави таа за списанието.

Тагови: Дакота Џонсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Паника во Берлин: Маж почина, повеќе лица се затруени со гумени бонбони

Повеќе луѓе во Берлин биле сериозно отруени, а еден 42-годишен маж почина откако консумирал гумени бомбони за кои се верува дека содржат THC. 

Паника во Берлин: Маж почина, повеќе лица се затруени со гумени бонбони

Берлинската здравствена служба издаде итно предупредување за опасните слатки. Властите истражуваат три поврзани случаи и се сомневаат дека сите жртви претходно јаделе THC бомбони, пишува БИЛД.

Најлошиот регистриран случај се случил на 22 септември во берлинскиот округ Нојкелн. На Киницер Штрасе, службите за итни случаи пронашле 42-годишен маж со срцев удар во 10:26 часот наутро. „Беше извршена реанимација, но за жал не беше успешна. Телото на починатиот беше предадено на берлинската полиција“, изјави портпарол на надлежната служба за БИЛД. Постојат индикации дека овој маж ги консумирал и спорните гумени бомбони пред неговата смрт.

Четири дена претходно, на 18 септември, беа пријавени два случаи на истата адреса во округот Фридрихшајн во Берлин. Пожарникарите прво интервенирале на Миленштрасе во 10:43 часот наутро поради 30-годишна жена со тешко нарушување на свеста. Според првичните информации, и таа јадела бомбони со THC. Малку повеќе од еден час подоцна, брзата помош пронашла 40-годишен маж со идентични симптоми на истата адреса.

Двајца биле успешно третирани

Двајцата биле пренесени во болница. Сите инциденти биле пријавени во Берлинската здравствена служба. Неговата портпаролка Дерте Арнолд потврдила за БИЛД дека се регистрирани неколку случаи во кои луѓето по консумирање на гумени бонбони со THC имале „различни степени на интоксикација со клиничка слика на опиоиден токсидром“.

Симптомите се во согласност со труење со опиоиди како што се фентанил, хероин, морфиум, оксикодон или метадон. Типични знаци вклучуваат конфузија или губење на свеста, бавно и плитко дишење и зеници со големина на глава на шпенадла. Во најтешките случаи, може да се случи прекин на дишењето и смрт.

Арнолд додаде дека Здравствената служба веднаш ги предупредила градските окрузи, клиниките и советувалиштата за опасностите од ваквите производи. Сè уште не е прецизно утврдено за која супстанца станува збор. Според информациите од BILD, двајца преживеани пациенти биле успешно третирани со налоксон. Станува збор за лек кој ги поништува ефектите на опиоидите и може брзо да ја запре респираторната депресија што е опасна по живот.

Тагови: Берлин гумени бонбони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер