ЌОФТИЊА ВО СПАНАЌ

РЕЦЕПТ НА: ДУШАНКА БОГИЧЕВИЌ

Потребни состојки : 500 гр. мелено месо, 1 главица кромид, неколку чешни лук, 500 гр. спанаќ, 1 главица кромид, 5 јајца, ½ путер, малку масло, малку брашно, малку млеко, малку презла, зачин од сув зеленчук, сол и бибер по вкус.

Постапка:

Во подлабок сад со мелено месо се додава: сечкан кромид, малку сечкан лук, 2 јајца, малку презла, зачин од сув зеленчук и бибер по желба.

Сите состојки се мешаат со рака се додека не се добие хомогена смеса.

Во смесата се додава малку масло, се формираат ќофтиња и се валкаат во брашно.

Потоа се валкаат во матено јајце и се пржат во тава со загреано масло.

Во друга тава се става путерот да се растопи.

Се додава сечкан спанаќ и малку сечкан лук и состојките се пропржуваат неколку минути.

Спанаќот се става во тава и во него се редат ќофтињата.

Одозгора се полеваат со смеса од две матени јајца и малку млеко, зачинета со малку сол.

Се пече во загреана рерна околу 10 минути на 200 степени.

Средба на претседателот Пендаровски со Ана Лирман, германска државна министерка за Европа

Претседателот Стево Пендаровски денеска ја прими Ана Лирман, државна министерка за Европа во Министерството за надворешни работи на Сојузна Република Германија.

Честитајќи ѝ за преземањето на функцијата, претседателот Пендаровски оцени дека посетата на министерката Лирман набрзо по нејзиното именување, ја демонстрира јасната посветеност на германските власти за аспирациите на државите од Западен Балкан за членство во Европската Унија. Претседателот Пендаровски се заблагодари што проширувањето на Европската Унија и Западниот Балкан се меѓу клучните приоритети на новата Влада на канцеларот Олаф Шолц.

Претседателот Пендаровски истакна дека Република Македонија останува посветена на европската агенда и го реафимираше очекувањето за скорешен почеток на пристапните преговори за членство во Европската Унија. Во таа насока, претседателот Пендаровски посочи на подготвеноста на нашата држава за продолжување на дијалогот со Република Бугарија, во духот на добрососедските односи, со цел надминување на блокадата во однос на европските интеграции.

Во контекст на билатералните односи, претседателот Пендаровски оцени дека Германија е клучен политички и економски партнер на земјава и еден од најзначајните трговски партнери во годините наназад. Претседателот Пендаровски изрази очекување за натамошно јакнење на пријателството и партнерството меѓу двете држави, вклучувајќи го сојузништвото во НАТО, како и очекување за натамошно зголемување на трговската размена.

Водата во Скопје безбедна и квалитетна за пиење

Водата во Скопје изминатата недела била безбедна и квалитетна за пиење, покажуваат примероците за физичко-хемиска и микробиолошка анализа земени од 47 мерни места во Град Скопје, информираат од ЈП „Водовод и канализација – Скопје".

Ова го покажува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој земените 196 примероци за физичко-хемиска и 196 примероци за микробиолошка анализа на вода за пиење, од 47 мерни места во град Скопје, во периодот од 10 до14 јануари 2022 покажува дека сите примероци одговараат на Правилникот за барања за безбедност и квалитет на водата за пиење.

Снежно невреме во источниот дел на САД, 200.000 домаќинства без струја

Силно снежно невреме го погоди источниот дел на САД, поради што дојде до прекин на електричната енергија. Повеќе од 200.000 домаќинства во Џорџија, Северна и Јужна Каролина се без струја.

Властите ги предупредија граѓаните да се воздржат од патување поради лошите временски услови. Откажани се 3.000 летови, а 8.000 полетале со доцнење.

Снежното невреме стигна и до Канада, каде за само неколку часа паднаа 20 до 40 сантиметри снег.

притисни ентер