Ќерката на Никол Кидман и Том Круз се пофали со новиот стил(ФОТО)

Ќерката на Никол Кидман и Том Круз се пофали со нов изглед на Инстаграм.

Бела Кидман Круз (27) не објавува често свои фотографии на социјалните мрежи, па нејзиното последно селфи го споделија бројни американски медиуми. Имено, од почетокот на годинава, ќерката на познатите актери објави само три селфија.

Круз (58) и Кидман (53) ја посвоија Бела во 1992 година, а подоцна и нивниот син Конор, роден во 1995 година. Тие се разведоа во 2001 година.

Минатата година, Кидман зборуваше за нејзината врска со Бела и Конор, кои двајцата практикуваат саентологија со нивниот татко. "Можам да ги донесувам своите одлуки. Тие одлучија дека сакаат да бидат саентолози, а мојата работа како мајка е да ги сакам", изјави таа за Австралија Ху.

the procrastination station

A post shared by Bella Kidman Cruise (@bellakidmancruise) on

Кидман сега е оженет со Кит Урбан, со која има две ќерки Сандеј Роуз (12) и Фејт Маргарет (9).

Круз е исто така татко на 14-годишната ќерка Сури, која ја доби со неговата поранешна сопруга Кети Холмс.

Жителите на Гази Баба и Аеродром од денеска до недела ги предаваат старите печки

Жителите на општините Гази Баба и Аеродром што аплицираа за субвенции за набавка на клима инвертери во Град Скопје во текот на продолжениов викендќе можат да ги предадат своите стари печки на дрва или на нафта во Вардариште

Акцијата ќе трае од 10 до 16 часот.

Во Град Скопје до вчера се пристигнати 4.800 апликации, а само од општините Гази Баба и Аеродром се пристигнати над 1. 000 апликации на овој јавен повик.

Изминатите викенди, ваква акции за предавање на старите печки кои користат нееколошки енергенси во замена за инвертер клима уреди за затоплување се организираа во општините Сарај, Шуто Оризари и Карпош.

Значајно е да се нагласи дека во наредните две години, согласно со условите од јавниот повик, градската или државната инспекција може да врши инспекциски надзор на лицата што добиле субвенција, за да се види дали навистина ги користат инвертерите или е направена измама, за што ќе биде поведена постапка за враќање на финансиските средства.

Јавниот повик за доделување субвенции за инвертер клима уреди за затоплување на домаќинствата ги опфати граѓаните кои купиле инвертер од 01.01.2020 година, до завршувањето на повикот на 30.11.2020 години или до денот на исцрпување на средствата. На овој повик граѓаните можеа да аплицираат онлајн.

Според условите во повикот, на граѓаните ќе им бидат целосно надоместени трошоците за набавка на инвертер клима уред, но не повеќе од 62.000 денари во нето износ.

Целта на јавниот повик за доделување субвенции за набавка на инвертер клима уреди е да се придонесе за намалување на аерозагадувањето во Скопје преку намалување на бројот на оџаци кои чадат заради загревање на домовите во текот на грејната сезона, односно во зимскиот период.

Град Скопје

Хрватска: 1867 нови случаи на Ковид-19

Нов неславен рекорд во Хрватска.

Според официјалните податоци кои се објавени после 10 часот, во Хрватска за последните 24 часа се регистрирани 1867 нови случаи со Ковид-19, додека починале седум лица.

Вчера во Хрватска беа регистрирани 1.563 нови случаи на заразени со коронавирус, а починаа 13 лица.

Македонија го празнува 23 октомври- Денот на македонската револуционерна борба

Македонија денеска го празнува 23 октомври- Денот на македонската револуционерна борба.

Во рамки на годинешното одбележување на празникот Владата организираше положување на свежо цвеќе на споменикот на Гоце Делчев во градскиот парк во Скопје, на настанот присуствуваше владина делегација составена од заменик министерот за финансии, Димитар Ковачевски, заменик министерот за култура, Седат Сулејмани и националниот координатор за воени и полициски ветерани, Стојанче Ангелов.

На спомен куќата на Петар Поп Арсов во Богомила, претпладнево владина делегација предводена од министерката за култура, Ирена Стефоски ќе положат свежо цвеќе.

притисни ентер