Ќерката на Мајкл Џексон во провокативен фустан на фестивалот во Кан- шлицот беше преголем(ФОТО) - Канал 5

Забава

Ќерката на Мајкл Џексон во провокативен фустан на фестивалот во Кан- шлицот беше преголем(ФОТО)

Парис Џексон (27), ќерка на легендарниот Мајкл Џексон, привлече огромно внимание на црвениот тепих на 78-от Кански филмски фестивал.

Ќерката на Мајкл Џексон во провокативен фустан на фестивалот во Кан- шлицот беше преголем(ФОТО)

На премиерата на „Млади не!“ таа се појави во раскошен фустан во стилот на стариот холивудски гламур, кој веднаш стана тема на денот меѓу модните критичари и обожавателите ширум светот, пренесе Телеграф.

За оваа посебна пригода, Парис избра кафеав, светкав фустан со висок шлиц од Вивиен Вествуд. Таа носеше чевли со шпиц во иста нијанса, ракавици и впечатлив накит украсен со кристали. Нејзината бронзена шминка ги нагласуваше нејзините сини очи и платинесто руса коса, додека бројните тетоважи што ги покажуваше само дополнително го надополнуваа нејзиниот автентичен, бунтовен имиџ.

Сепак, иако изгледаше спектакуларно, моментот кога се искачи по скалите откри непријатна ситуација – фустанот ѝ се лизна повеќе од планираното, а камерите ја фатија нејзината долна облека. Париз остана смирена и достоинствена, не дозволувајќи малата незгода да ѝ ја расипе вечерта.

Ова ретко појавување на црвениот тепих би можело да означи нова фаза во нејзиниот моден израз. Иако е позната по својот еклектичен стил инспириран од шеесеттите, седумдесеттите и деведесеттите години, Парис сè повеќе експериментира со пософистицирани и гламурозни комбинации.

Далеку од рефлекторите, Парис води тивка, но значајна битка – на почетокот на годината, таа објави емотивна порака на Инстаграм, по повод пет години трезвеност:

„Денес можам да се смеам затоа што сум трезна. Можам да создавам музика. Можам да ја почувствувам радоста што ми ја носат моите кучиња и мачки. Можам да ја почувствувам болката, можам да тагувам. Открив дека животот продолжува, без разлика дали некој е трезен или не - но сега конечно сум тука.“

Освен што е талентирана пејачка и актерка, Парис е и симбол на упорност. Во интервјуата, таа зборуваше за тоа како работењето на себе и духовноста го промениле нејзиниот поглед на животот:

„Дури во последните неколку години навистина почнав да се чувствувам добро во врска со моето тело и да се прифаќам себеси. Моментите на љубов кон себе не се постојани, но лошите се сè помалку и помалку.“

Парис Џексон денес е повеќе од само ќерка на поп-иконата Мајкл Џексон - таа е уметница, борец и инспирација, и на и надвор од црвениот тепих.

Тагови: Мајкл Џексон фустани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер