Ќерката ѝ го заврте грбот на Анџелина Џоли

Нејзината одлука ја шокирала актерката, а се однесува на нејзиниот татко Бред Пит!

Шајло чека да стане полнолетна во мај, па да го оствари тоа што го наумила.

Шајло Џоли-Пит, најстарата биолошка ќерка на Анџелина Џоли и Бред Пит, донела одлука која воопшто не ѝ се допаднала на нејзината мајка. Како што пишува магазинот „Стар“, Шајло која од самото раѓање е под будното око на јавноста, одлучила да го продолжи животот под покривот на нејзиниот татко Бред Пит.

Таа го обожава својот татко

Шајло, која изгледа како го наследила најдоброто од двајцата родители, наскоро ќе стане полнолетна и ќе може да избира каде и како ќе живее. Таа ќе го прослави полнолетството на 15-ти мај, по што ќе се исели од домот на популарната актерка, која сè уште се суди со поранешниот сопруг околу старателството над децата, како и за дел од заедничкиот имот.

- Шајло не е несреќна кај Анџелина, но сака промена. Таа го обожава Бред и отсекогаш била девојчето на тато, изјавил извор за Стар.

Анџелина, се разбира, не е задоволна од одлуката на нејзината ќерка, но свесна е дека во моментот кога Шајло ќе наполни 18 години, веќе нема да може да влијае на неа и на нејзините одлуки.

Покрај Шајло, парот ги има и биолошките близнаци Вивијан и Нокс, како и посвоените деца Медокс, Пакс и Захра.

Додека растеше, Шајло честопати беше мета на озборувања, особено кога се облекуваше како нејзините постари браќа. Но, во последниве години таа израсна во вистинска убавица која плени со својот изглед каде и да се појави.

За разлика од биолошките наследници, посвоените деца на Бред Пит се во лоши односи со него. Медокс има свој живот, Пакс, наводно, не зборува со својот татко по озлогласната кавга во авионот, додека Захра повеќе не го користи неговото презиме.

Извор: srecna.republika.rs

Љутков: Гевгелија е Град на културата за 2025 година

Гевгелија е Град на културата за 2025 година, соопшти министерот за култура и туризам, Зоран Љутков, кој денеска заедно со државниот секретар, Марија Ѓоргова, ги посети институциите од областа на културата во овој град.

Министерот Љутков потсети дека Гевгелија вторпат, по 2011 година, е носител на оваа манифестација, а тоа ја потврдува посветеноста на градот повторно да биде во центарот на културните настани во Македонија.

„Ова признание не е само чест, туку и обврска. Тоа е потврда дека Гевгелија, со својата богатa културна традиција, повторно ќе биде во центарот на културните настани во Македонија. Министерството за култура и туризам стои зад вас и ја поддржува оваа манифестација со 3 милиони денари, со цел да создадеме програма со повеќе од 140 настани во текот на целата година, програма што ќе го освежи културниот живот во овој град“, рече министерот Љутков.

Љутков ја посети и Старата чаршија во Гевгелија, за чија комплетна реставрација, од буџетот на Владата се издвоени 40.675.095,00 денари, со што Гевгелија ќе добие нова визуелна и функционална димензија.

„Овие проекти ќе ја подобрат инфраструктурата и ќе создадат простор за културни настани и уметнички проекти, со што ќе се негува традицијата и ќе се поттикнат нови културни трендови“, рече Љутков.

Според министерот Љутков, Гевгелија, со својата локација и природни убавини, привлекува многубројни туристи, а сега, како што рече, со статусот Град на културата, ќе понуди нови искуства и можности за уживање.

Во рамките на посетата на Гевгелија, министерот Љутков, заедно со своите домаќини, ги посети НУ Музеј – Гевгелија и црквата „Свети Атанасиј“ во село Габрово, соопштуваат од Министерството.

Бен Афлек е 20 години вљубен во Џесика Алба, сега има можност за врска (ФОТО)

По неодамнешниот развод со Џенифер Лопез, Бен Афлек наводно се насочил кон познатата актерка Џесика Алба, која исто така неодамна се разведе по 17 години брак.

Извори за странските медиуми изјавија дека актерот долго време бил вљубен во Алба. „Добро чувана тајна е дека Бен Афлек имал љубов со Џесика Алба пред многу години“, рекле тие и додале: „Тој се интересира за неа речиси 20 години. Сепак, нивните патишта никогаш не се вкрстиле. До сега. Тие имаат силна врска и секогаш кога поминувале време заедно во минатото, хемијата меѓу нив се разбранувала“.

„Бидејќи и двајцата сега се сингл и нивните деца се пораснати, изгледа дека е совршено време нивната врска да процвета“, заклучил изворот.

Раскинувањето на Бен Афлек и Џенифер Лопез се случи пред повеќе од шест месеци, а оттогаш Афлек се поврзува и со Кик Кенеди, ќерката на Роберт Кенеди Јуниор, но таа гласина набрзо беше демантирана.

Исто така, во средината на јануари, Џесика Алба го потврди разводот од Кеш Ворен по речиси 17 години брак. Една недела откако се појавија извештаите за нивната разделба и можен развод, актерката ја потврди веста на социјалните мрежи. „Со години сум на патување на себеоткривање и трансформација – и како поединец и во партнерство со Кеш“, ја започна својата објава на Инстаграм.

„Горда сум на начинот на кој растевме во нашиот брак во изминатите 20 години, но сега е време да започнеме ново поглавје на раст и развој како поединци. Одиме напред со љубов, добрина и почит еден кон друг и засекогаш ќе останеме семејство. Нашите деца остануваат наш најголем приоритет и бараме приватност во овој момент“, порача таа.

Прогласена е вонредна состојба на Санторини, Грција донесе драстични мерки на сила до 1 март

На грчкиот остров Санторини е прогласена вонредна состојба по серијата силни земјотреси кои со денови го потресуваат островот, принудувајќи илјадници луѓе да се евакуираат.

Најсилниот земјотрес, со јачина од 5,2 степени според Рихтеровата скала, го погоди островот вчера вечерта, а се случи на длабочина од пет километри, по напливот на сеизмичката активност.

Илјадници луѓе го напуштија Санторини и околните острови во Егејското Море поради страв дека допрва треба да дојде уште еден – многу поинтензивен земјотрес, кој може да доведе до цунами или дури и вулканска ерупција.

Грчките власти претходно денеска најавија драстични мерки кои ќе важат до 1 март, објави Real.gr.

„Со одлука на Генералниот секретаријат за цивилна заштита, општина Тира прогласува вонредна состојба, со цел да се одговори на вонредните потреби и да се справат со последиците од сеизмичката активност што неодамна се случи во споменатото подрачје. Оваа одредба ќе важи до 1 март“, се наведува во соопштението.

Забележано е дека премиерот Киријакос Мицотакис утре ќе отпатува за Санторини за да ги информира одговорните за сеизмичката активност што го потресе островот. Премиерот ќе биде придружуван од министерот за климатски кризи и цивилна заштита, Василис Кикилијас.

Стотици туристи и жители го напуштија островот со траект, додека многу други побрзаа да одлетаат пред нов земјотрес да го погоди островот.

Брод на крајбрежната стража и воен десантен брод се распоредени во случај да биде потребна евакуација, потврди министерот за цивилна заштита Василис Кикилијас на вонредниот состанок со безбедносните службеници, научниците и премиерот во Атина.

Неколку помали земјотреси, со јачина од 2,4 до 4,5 степени според Рихтеровата скала, беа почувствувани и на Додеканезите, на околу 240 милји од Санторини, во последните 24 часа.

Засега не е забележана поголема штета на островот, но властите преземаат мерки на претпазливост.

На луѓето им се советува да избегнуваат големи собири во затворени простории, мали пристаништа и области каде што може да се случат одрони.

На хотелите им е кажано да ги испразнат своите базени за да се намалат потенцијалните штети на зградите.

Исто така, постојат стравувања дека посилен земјотрес може да предизвика цунами, па властите ги предупредија луѓето да се држат подалеку од крајбрежните области.

Мерки на претпазливост се преземени и на неколку блиски острови во Егејското Море, кои сите се популарни дестинации за одмор, откако во изминатите три дена беа регистрирани повеќе од 200 подводни земјотреси.

притисни ентер