Регион

Ќе успее ли Бугарија да формира нова влада до самитот на ЕУ во декември?

Ветриштата на промените од Бугарија втор ден будат оптимизам дека наскоро би можел да се одврзе македонско-бугарскиот јазол. 

Копретседателот на победничката „Продолжуваме со промените“ и според многумина, извесен мандатар, Кирил Петков во интервју за Нова ТВ вели дека темата Македонија, не треба да биде обремената само со историски прашања и политички пароли, а како што уверува таквиот став го делат и неговите потенцијални коалициски партнери.

-Не треба да го урнеме целиот процес за добрососедството со Македонија и тие да не бидат примени во ЕУ само врз основа на еден критериум, а тоа е историјата., вели Кирил Петков, копретседател на „Продолжуваме со промената“

Но, велат Америка ќе ги притисне новите момчиња и тие ќе кажат „да“ на Македонија?, го праша новинарот на Нова ТВ

– Нема човек на оваа планета која ќе крене телефон, на планетава, не во Бугарија, и на телефон ќе ни рече „направете го ова, зашто јас ви кажав“. Единствениот начин некој да не натера нешто да направиме е да не убеди дека тоа е најправилно за Бугарија. , вели Петков

Изјавите на Петков дел од политичарите во Бугарија ги дочекаа на нож и со чувство дека евентуалната нова влада отсега крева бело знаме во однос на националните интереси.

-Се подготвува отстапка во преговорите со Македонија. Кирил Петков вели дека имаме потреба од нов пристап - политичарите во Бугарија веќе нема да ѝ прават проблем на Македонија. Тоа е исклучително неодоворно и криминално, зашто ги погазуваш националните интереси. , вели Костадин Костадинов, лидер на партијата „Преродба“.

За Симонида Кацарска од Институтот за европска политика, сепак, останува неизвесно дали новата влада би се формирала до лидерскиот Самит на ЕУ кон средината на декември и колку реално би имало простор за дијалог.

-Се уште голем дел од картите се во рацете на претседателот Радев, кој сепак ќе мора да ја има предвид победата на „Продолжуваме со промените“, кои најавија попрогресивна политика во однос на Македонија, вели Симонида Кацарска од Институт за европска политика

Центристичката партија, предводена од хардварскиот двоец Петков и Василев, според најавите, би коалицирала со бугарските социјалсти, „Демократска Бугарија“ и „Има таков народ“ на шоуменот Трифонов.

Автомобилизам

Возачите користат бројни трикови за да ги „надмудрат“ камерите за мерење брзина (ВИДЕО)

Сè повеќе возачи прибегнуваат кон трикови за да избегнат казни за брзо возење, иако таквото однесување е сериозен прекршок што може да доведе до високи казни.

Еден од најчестите трикови е употребата на специјални налепници кои се лепат над постоечките бројки и букви на регистарската табличка.

Овие налепници ги збунуваат камерите, бидејќи ја рефлектираат светлината и не дозволуваат камерата јасно да ги снима табличките, па властите не можат да го идентификуваат возачот и да издадат казна.

Овие налепници се направени така што табличката изгледа целосно легално додека не дојде во контакт со радарски блиц, кога броевите и буквите привремено исчезнуваат.

Иако овие трикови се популарни кај возачите во Европа и САД, модерните радари и камери користат инфрацрвена светлина, така што трикот со рефлектирачки налепници не секогаш функционира. Покрај налепниците, некои возачи користат магнетни лажни таблички кои можат да ги отстранат од далечина, што им овозможува привремено да ја сокријат вистинската табличка кога поминуваат покрај камерите за брзина.

Казните за овие прекршоци можат да достигнат и до 2.000 евра, а доколку ве фатат, последиците може да бидат сериозни. Затоа е најбезбедно да ги следите сообраќајните прописи, за да избегнете високи казни и да заштедите пари.

Македонија

Прв состанок на Социо-економскиот совет со новата влада

Со потпишување на спогодба денеска се конституираше новиот состав на Економско-социјалниот совет..на првата седница присуствуваа премиерот  и претставници на Владата синдикатите и рабодотавачите.

Министерот за економија Бесир Дурмиши, кој воедно е именуван за претседател на ркономско социјалниот совет вели дека иако станува збор за конститутивна седница, ќе се слушнат сите идеи критики и предлози на социјалните партнери, за што во иднина најави транспарентни заеднички одлуки.

„Ќе ги слушнеме барањата и од синдикатите и од работодавачите, односно од сите засегнати страни, па на крај ќе донесеме заеднички одлуки и мерки по што сите страни имаме една цел, а тоа е подобрување на стандардот на нашите граѓани.“

Од ссм на седницата мегудругото побарале раст на платите со брзо темпо и потпишување на општ колективен договор за приватниот сектор ..Иако оваа седница очекувал да се случи порано, претседателот на ССМ Слободан Трендафилов вели дека сепак оптимистички се најавите за зачестени средби на овој совет.

„Сметаме дека аргументите за пораст на платите се на наша страна имајки предвид дека синдиканлната минимална кошничка е веќе 1000 евра, имајки предвид дека државите во нашите држави растат со навистина забрзано темпо.“

Работодавачите не се за како што велат паушално зголемување на платите, туку сметаат дека тие треба да растат согласно продукивноста. Посочија дека се соочуваат со недостаток на кадри и ќе се залагаат за изготвување на стратегија по ова прашање.

„ Она за што ние најмногу би сакале да разговараме е недостаток на работната сила, како да работиме на зголемување на продуктивноста, со тоа ќе ја намалиме сиромаштијата и бројот на луѓе кои примаат минимална плата и сите да бидат позадоволни и посреќни.“

Свое обраќање на седницата имаше и премиерот Христијан Мицкоски кој нагласи дека стабилна економија во државата може да се постигне со владеење на правото и со само со квалитетен дијалог меѓу синдикатите, работодавачите и Владата.

Свет

Израелската војска пукала врз позициите на мировниците на ОН во Либан, има ранети

Израелските сили денеска пукале врз две позиции што ги користат мировниците на ОН во Либан и врз третата позиција вчера, соопштија силите на УНИФИЛ.

Силите на УНИФИЛ соопштија дека двајца нивни членови биле повредени во еден од инцидентите, кога израелски тенк пукал врз стражарското место во седиштето на силите во Накура, удирајќи во кула.

Во другите два инцидента нема жртви, изјави изворот од ОН. „Секој намерен напад врз мировниците е сериозно кршење на меѓународното хуманитарно право“, се вели во соопштението на УНИФИЛ, додавајќи дека за ова прашање разговараат со израелската војска.

Засега нема коментар од израелската војска, која води засилена офанзива во Либан против силно вооружената група Хезболах, поддржана од Иран. Мировните сили УНИФИЛ беа формирани во 1978 година и се проширија по војната меѓу Израел и Хезболах во 2006 година.

Нејзини главни придонесувачи се Франција, Италија, Индонезија, Малезија и Гана. Италијанскиот министер за одбрана Гидо Крозето рече дека пукањето врз мировниците е „целосно неприфатливо“ и претставува јасно кршење на меѓународното право.

притисни ентер