Ќе има ли предвремени парламентарни избори догодина? - Канал 5

Македонија

Ќе има ли предвремени парламентарни избори догодина?

Владата е за редовни избори, но ВМРО-ДПМНЕ е подготвена и за предвремени парламентари- вели премиерот Христијан Мицкоски, кој смета дека се можни сите сценарија, кога веќе е поминат половина од мандатот на Владата. 

Ќе има ли предвремени парламентарни избори догодина?

Ако опозицијата побара, уверува дека ќе излезат на изборно соочување на кое е убеден дека повторно ќе победат.

-Јас само сакам да констатирам факт дека ние влегуваме во втората половина на мандатот, и политички умно е кога ќе влезете во втората половина од мандатот да бидете подготвени на секакви сценарија. Ние сме кажале дека опција која ја преферираме како Влада е редовни избори во 2028 година, но сме подготвени секогаш како политичка партија, доколку тоа опозицијата го бара, да излеземе на терен и повторно да победиме.Христијан Мицкоски – претседател на Влада

Од оппозициската СДСМ реагираат дека премиерот го менувал својот став за изборите. „ Ова не е прв пат Мицкоски да ја менува приказната според моменталната потреба. Има двајца Христијан Мицкоски. Додека имаше пари и можност да се задолжува, Мицкоски тврдеше дека избори нема да има. Сега, им снемува пари, не може да ја задолжува државата и граѓаните колку што сака, одеднаш изборите вели дека се „многу скоро“. – пишува во соопштението на СДСМ.

Во меѓувреме, од следната недела, коалициските партнери Мицкоски, Касами, Меџити и Димитриевски ќе кројат планови за владината реконструција. Од кого премиерот е незадоволен и кој се ќе биде опфатен се уште нема официјални информации. На брифинг со новинарите министерот за здравство Азир Алиу кажа дека не очекува тој да е еден од министрите кои ќе ја напуштат позицијата и изјави дека за него било најважно што сработил, а не колку време бил на функцијата.

-Секој министер или вредноста на министерот не се цени со колку време он бил министер на една функција, туку колку работел или имал чест да раководи со таа функција. Исто е и денеска, јас и да бидам уште еден ден министер, уште една недела или уште една година или две години, тоа воопшто не ми значи ништо. А ми значи колку сум работел, колку позитивни процеси во здравството имало.Азир Алиу – министер за здравство

Сите дилеми околу реконструкцијата според најавите треба да расчистат до крајот на овој месец. Единствено се знае дека треба да се назначи вицепремиер за добро владеење, по оставката на Арбен Фетаи, кој според копретседателот на Вреди, Изет Меџити, ќе добие нова функција во Брисел како специјален претставник на македонската Влада.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин свика итен состанок (ВИДЕО)

Рускиот претседател Владимир Путин свика итен состанок на Советот за безбедност поради Калининград, објави белоруската агенција Некста.

Путин свика итен состанок (ВИДЕО)

На масата пред членовите на Советот за безбедност имало црвени папки со ознака „строго доверливо“.

Вообичаено ваквите состаноци се одржуваат во петок и преку видео врска, но овој пат тие се собраа во среда и лично.

Калининград се смета за едно од главните жаришта на можен конфликт меѓу Русија и НАТО. Путин претходно вети дека ќе го брани „со сите потребни средства“.

Москва постојано го обвинуваше НАТО дека користи воени вежби (како оние предводени од Заедничките експедициски сили) за симулирање на поморски блокади и заземање на Калининград. Како одговор, Русија го воспостави Ленинградскиот воен округ за да ги зајакне своите регионални сили.

Тензиите достигнаа врв по изјавите на балтичките функционери кои разговараа за неутрализирање на одбранбените системи на Калининград. Путин издаде остро предупредување, наведувајќи дека секоја директна воена закана за руските бази или воздушна одбрана ќе биде одговорена со брза и разорна одмазда.

Тагови: Владимир Путин Калининград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сирија го добива првиот парламент по падот на Асад

Првиот парламент на Сирија во ерата по Асад беше формиран, откако привремениот лидер Ахмад ал-Шара назначи 70 пратеници, со што вкупниот број на членови достигна 210.

Сирија го добива првиот парламент по падот на Асад

Првиот парламент во ерата по поранешниот сириски претседател Башар ал-Асад беше формиран денес со објавување на список од 70 пратеници избрани од привремениот лидер Ахмад ал-Шара.

Шефот на изборната комисија на Сирија, Мохамед Таха ал-Ахмад, им изјави на новинарите дека новиот парламент од 210 членови ќе ја одржи својата прва седница во понеделник, објави „NBC News“. Потоа пратениците ќе положат заклетва и ќе биде избран парламентарниот Претседателски совет.

Списокот од 70 пратеници избрани од ал-Шара вклучува 15 жени, со што вкупниот број на жени членки во парламентот достигна 22. Сириските власти ја одржаа првата фаза од парламентарните избори во октомври, освен во јужната покраина Свеида, која е контролирана од вооружени бунтовници Друзи кои се спротивставуваат на централната влада. Гласањето исто така не беше одржано во североисточниот дел од Сирија контролиран од Курдите во тоа време. Изборите во североисточна Сирија се одржаа во мај откако владините сили ја презедоа контролата врз областа за време на конфликтот претходно оваа година. Сè уште не е одреден датум за гласањето во Свеида, но двајца претставници од регионот се меѓу имињата што ги објави Ал-Шара денес.

Парламентот ќе има 30-месечен мандат и ќе работи на нов изборен закон, додека ќе го подготвува теренот за гласање на следните избори. Сирија е без парламент откако бунтовничката офанзива во декември 2024 година, предводена од сега веќе непостоечката група Хајат Тахрир ал-Шам, го заврши владеењето на династијата Асад.

Извор: Б92

Тагови: Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно и нетабилно

Времето утре ќе биде променливо облачно и нестабилно со повремен локален дожд и грмежи.

Утре променливо облачно и нетабилно

Наместа ќе има поинтензивни процеси со пообилен пороен дожд (над 15 l/m²), грмежи, засилен ветер (над 60 km/h) и појава на краткотрајно невреме со град. Минималната температура ќе биде во интервал од 11 до 19, а максималната ќе достигне од 27 до 35 степени.

Во Скопје, променливо облачно и нестабилно со повремени врнежи од дожд, грмежи и засилен ветер. Во делови од котлината ќе има услови за краткотрајно невреме со пообилен пороен дожд и појава на град. Минималната температура ќе се спушти до 17, а максималната ќе достигне до 32 степена.

Во петок ќе се задржи променливо облачно и нестабилно време со повремени врнежи од дожд и грмежи. Локално процесите ќе бидат поинтензивни во форма на невреме со пообилен пороен дожд (над 15 l/m²), електрични празнења, силен ветер (над 60 km/h) и појава на град. Потоа следува период на стабилно и сончево време. Во сабота ќе дува умерен до засилен северен ветер.

Тагови: нетабилно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер