Ќе им се најде ли работа на сите вработени по рамковен?

Колку распределбата на вработените по Рамковен ќе им помогне или одмогне на државните институции ?!

Ова прашање се отвори во јавноста по објавените податоци за тоа колкав и каков кадар ќе добијат некои од институциите. Кај некои приливот на нововработени ќе биде минимален, но во некои напливот на нови кадри ќе се зголеми за дури над 100%. Таков е случајот со Агенцијата за заштита на лични податоци, во која ќе треба да се сместат 30 нови кадри, на сегашните 24. Во Државното правобранителство пак, ќе се приклучат нови 76, на актуелните 106 вработени или преку 70% нововработени.

Во јавноста веќе дел од диртекторите се пожалија дека не биле консултурани и дека не се задоволни од профилот на кадрите.. Таков е случајот со првиот човек на Државниот пазаерен инспекторат Стојко Пауновски, чија инситуција ќе добие 25 нови вработени.. Вчера вицепремиерот Груби кажа дека самите институциите се должни да ги обучат...

„Органите на државната администрација во кој ќе бидат распределени административците, се исто така должни да им овозможат стручна обука со цел да ги подобрат нивните знаења и вештини.“ истакна Артан Груби, вицепремиер и министер за политички систем.

Груби вчера тврдеше и дека во овие луѓе нема само Албанци, туку и граѓани од повеќе етнички заедници, сепак во податоците за структурата на вработени по припадност на заедници што се објавуваат во Годишениот извештај за јавниот сектор, може да се забележи дека големо мнозинство од кадарот всушност се Албанци, односно дури скоро 88%. Потоа, следуваат Турци со 5,68%, Роми нешто над 4,% и Бошњаци 1,37%. Македонците Власи и Срби се во незначителн број, под еден процент. Тоа, пак, го отвора прашањето дали ќе биде нарушена правичната застапеност, овој пат со преголема доминација на Албанците во некои инситуции.

Според планот, до крајот на месецот 1.349 вработени по Рамковен, по повеќе години дома, ќе треба да почнат да одат на работа.

ЌЕ ДОБИЈАТ// ВРАБОТЕНИ ВКУПНО:

Министерство за внатрешни работи 143 12 115

Управа за јавни приходи 92 1 119

Царинска управа 74 1 165

Државно правобранителство 74 106

Управа за водење матични книги 41 517

Министерство за надворешни работи 26 451

Државен пазарен инспекторат 25 271

Агенцијата за заштита за лични податоци 30 24

Пешевска: Денес е денот на нејзиното височество – жената,среќен 8-ми март

Почитувани дами, Ви се обраќам на овој посебен ден за нас жените, Меѓународниот ден на жената, кој се празнува низ целиот свет. 

Своевремено, Клара Цеткин во 1911 година за прв пат го организирала овој ден на жената, како резултат на нејзината борба за женски права.

И во 21 век ние говориме и се бориме за женски права и рамноправност во сите сфери во општеството. И ако некој ме праша дали е доволно направено? Секако дека ќе кажам не.

Бидејќи и покрај многуте закони во нашата земја, сепак во изминатиов период бевме сведоци на низа дискриминации на жените,

Како што беше случајот со родилката од Дебар.

Текстилните работнички ширум земјата во време на пандемијата.

Жените вработени во приватниот сектор, кои и во време на пандемија одеа на работа.

Мобингот врз вработените во општина Лозово и мобингот низ многу институции во државата.

Скандалот со групата „Јавна соба“ на телеграм, преку која се вршеше насилство врз жени и девојчиња и уште многу други случаеви.

Пандемијата не уназади во женските права бидејќи откако се затворија градинките и училиштата, жените во поголем дел останаа дома, се грижеа за домот и семејството, некои ги загубија своите работни места и со тоа жената стана уште поранлива.

Сите податоци покажуваат дека во време на пандемијата има зголемување на семејното насилство за 45%, од кои што најголем број жртви се токму жените.

Владата носеше мерки, за кои немаше родова анализа и сите мерки допринесоа за устоличивување на родовиот стереотип дека жената треба да биде само мајка и домаќинка.

Не можам, а да не ги спомнам здравствените работнички кои беа најизложени во борбата со короната, со што ја заслужуваат сета наша почит и благодарност. Тие се херои на ова време.

Сите овие случувања покажуваат дека треба уште поревносно да се залагаме за женските права, треба да го кренеме гласот за секој еден случај на дискриминација или насилство, говор на омраза, па во таа насока, јавно ги повикувам сите женски политички организации да се обединиме и заедно да се избориме за заштитата и унапредување на правата на секоја една жена во Република Македонија.

Ние, жените го заслужуваме тоа.

Жената е таа која има дарба да дарува живот, жената го трасира патот на своите деца и ако таа е столб на семејството, тогаш можам слободно да кажам дека жената е столб на општеството.

Ние жените покрај тоа што сме успешни мајки и домаќинки, сме успешни деловни, вработени жени, во сите сфери во општеството.

Денес е денот на нејзиното височество - жената!

Бидете горди, што сте жени.

Мудри, достоинствени, храбри и силни, а истовремено нежни и внимателни.

Среќен 8-ми март!

Жаклина Пешевска, претседателка на УЖ на ВМРО-ДПМНЕ

За една недела се самопопишале над 32.000 лица од дијаспората

Во првата недела од пописот, преку електронската апликација се самопопишале 32.752 лица од дијаспората, соопшти заводот за статистика.

-Бројот на попишани расте секој ден. Проблемот со ненавременото добивање на повратна порака за влез во апликацијата е надминат и апликацијата беспрекорно фунцкионира. Самопопишувањето за едно лице трае само 10 минути и воопшто не е сложено. Ги охрабруваме и мотивираме иселениците да одвојат кусо време и да се самопопишат. – сооштија од заводот за статистика и потсетуваат дека иселениците можат да се самопопишат до 21 април.

Утре без струја делови од општините Ѓорче Петров и Кисела Вода

Заради технички зафати во дистрибутивната електро мрежа утре без електрична енергија ќе останат дел од корисниците од општините Ѓорче Петров и Кисела Вода, соопштуваат од РЦУК – Скопје.

Во периодот од 09:00 до 13:30 часот без напојување со електична енергија ќе останат корисниците од дел од улицата „Борис Сарафов", спроти поранешна полиција, улиците „Борис Сарафов" зграда 2 и 4, „Крсто Раковски", булеварот „Партизански Одреди" кон „ЈСП", Општина Ѓорче Петров.

Во периодот од 08:30 до 13:30 часот без струја ќе бидат корисниците од населбата Драчево: дел од улицата „Живко Фирфов" бр.85, 38, 40, 42, 44, 48, Општина Кисела Вода, а од 11:00 до 15:00 часот корисниците од населбата Драчево, односно улицата „Чупино Брдо", Општина Кисела Вода.

притисни ентер