Кинезите со револуционерно откритие- направиле батерија што ќе трае подолго од автомобилот - Канал 5

Автомобилизам

Кинезите со револуционерно откритие- направиле батерија што ќе трае подолго од автомобилот

Еден од најголемите стравувања при купување електричен автомобил е ист со години: колку долго всушност ќе трае батеријата.

Кинезите со револуционерно откритие- направиле батерија што ќе трае подолго од автомобилот

Сега, кинескиот производител CATL тврди дека овој проблем полека станува минато, бидејќи развил батерија што може да го надживее самиот автомобил.

Според податоците објавени од компанијата, новите 5C батерии задржуваат околу 80 проценти од својот капацитет дури и по 1.400 циклуси на полнење и празнење на температура од 60 степени Целзиусови. Ако се земе предвид теоретскиот опсег од околу 600 километри по циклус, тоа значи приближно 840.000 километри вкупно возење.

Уште поимпресивни резултати доаѓаат со пониски температури. На околу 20 степени Целзиусови, што е поблиску до идеалните услови за работа за литиум-јонски батерии, CATL вели дека батеријата задржува најмалку 80 проценти од својот капацитет дури и по 3.000 циклуси, или околу 1,8 милиони километри. Ова, според нив, е дури шест пати подобро од моменталниот просек во индустријата, што значи дека батеријата би можела да трае подолго од возилото во кое е инсталирана.

Овие резултати беа постигнати благодарение на комбинација од технолошки подобрувања. CATL истакнува погуст и порамномерен катоден слој што ја намалува деградацијата, како и посебен додаток во течниот електролит што служи за „поправка“ на микропукнатините и намалување на загубата на литиум. Покрај тоа, подобрен е и системот за управување со батериите, кој може прецизно да ја насочи течноста за ладење кон делот од склопот што се прегрева, што дополнително го продолжува животниот век на комплетот.

CATL, исто така, ја нагласува можноста за полнење до 100 проценти за само 12 минути, што би можело значително да ја промени секојдневната употреба на електричните автомобили. Сепак, сè уште не е познато кога овие 5C батерии ќе влезат во масовно производство и во кои модели ќе се појават прво.

Доколку овие податоци се потврдат во реално возење, електричните автомобили би можеле да влезат во нова фаза, во која батеријата повеќе нема да биде потрошен дел, туку компонента што лесно може да го придружува целиот животен век на возилото.

Тагови: автомобилот Батерија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер