Свет

Кинескиот вирус зеде над 100 жртви, потврден првиот случај во Германија

Се претвора ли светот во свет на ѕидови. Хонг Конг стана првата област што ја затвора копнената граница кон Кина. 

Попладнево лидерката на административниот кинески регион со маска на лицето драматично порача дека ги укинува експресните возови и фериботите кон и од Кина.

-Најсигурен начин за контрола на епидемијата е редуцирање на движењето на луѓето од едно на друго место. Нашите нови прописи значат не само редуцирање на патниците од Кина кон Хонг Конг, туку и обратно, вели Кери Лам, лидер на Хонг Конг.

Слична иницијатива веќе се покрена и во Јужна Кореја. Над половина милион граѓани се потпишаа на петицијата, со која бараат да им се забрани влез во земјата на луѓе кои доаѓаат од Кина, која веќе се соочува со ѕидови на сопствена територија. Повеќе села во околината на Вухан се самоизолираат и поставуваат сопствени пунктови. Велат никој не може да не заштити, како самите себе си.

-Ние го изградивме ѕидот. Нашето село не сака да прима гости од надвор, вели жител на село во Кина.

Глобалната психоза се интензивира откако бројот на заразени во Кина преку ноќ се зголеми за двојно. Билансот на инфицирани сега изнесува пет илјади, а бројот на жртви надмина сто. За стравот што завладеа во жариштето на епидемијата, најдобро зборува видеото направено среде бел ден во 11 милионскиот Вухан.

Болеста досега се рашири во 20-ина земји, а Германија од синоќа е втората европска земја, по Франција, која пријави заболени од корона. Дури и во Париз, како што велат дел од граѓаните, не е лесно да се биде дел од жолтата раса.

-Француските државјани од кинеско потекло, дури и да не се Кинези, се директно посочувани и стигматизирани во јавниот транспорт. Тоа неразумно и дискриминирачко, изјави жител на Париз.

Со слични искуства се соочиле и група туристи од Тајван во Хрватска. За време на обиколката на Шибеник носеле натписи „Не сме од Кина“.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер