Кинески СУВ со неверојатни 1.400 КС- забрзува до 100 км/час за само 3,1 секунди (ФОТО) - Канал 5

Автомобилизам

Кинески СУВ со неверојатни 1.400 КС- забрзува до 100 км/час за само 3,1 секунди (ФОТО)

Четири месеци откако го претстави својот нов луксузен SUV, Zeekr 9X, на Шангајскиот автомобилски саем, кинескиот производител конечно ги објави официјалните спецификации.

Кинески СУВ со неверојатни 1.400 КС- забрзува до 100 км/час за само 3,1 секунди (ФОТО)

Иако премиум моделот со целосна големина веќе е визуелно претставен, деталите беа непознати до сега. Објавените податоци го потврдуваат она на што сме навикнати со новите модели од Кина - спецификации што ја прават понудата на некои западни конкуренти да изгледа застарена, пишува Carscoops.

Хибридна моќност од речиси 1400 КС

Моделот 9X е првиот plug-in хибрид во гамата на Zeekr, кој досега беше исклучиво електричен. Под хаубата се наоѓа 2,0-литарски четирицилиндричен турбо мотор со моќност од 275 КС, кој работи во комбинација со дури три електрични мотори. Заедно тие испорачуваат неверојатни 1381 КС, што е извонредна бројка за SUV.

Благодарение на оваа моќност, кинескиот бренд тврди дека 9X забрзува од 0 до 100 км/ч за само 3,1 секунда и достигнува максимална брзина од 240 км/ч. Но, перформансите се само дел од приказната.

Револуционерна батерија и брзо полнење

Податоците од Министерството за индустрија и информатичка технологија на Кина потврдуваат дека клиентите ќе можат да избираат помеѓу батерии од 55 kWh и 70 kWh. Поголемата опција моментално е најголемата батерија некогаш инсталирана во сериски plug-in хибрид, и овозможува до 302 км автономија исклучиво на електричен погон. Благодарение на архитектурата од 900 волти, полнењето на батеријата од 20 до 80 проценти трае само девет минути, што дополнително ја издвојува од повеќето конкуренти на пазарот.

Со должина од 5.239 mm, ширина од 2.029 mm и висина од 1.819 mm и меѓуоскино растојание од 3.169 mm, 9X е навистина импозантен феномен за СУВ. Меѓу деталите, се издвојуваат дигиталната инструмент табла, големиот централен екран на инфозабавниот систем и преклопниот екран за забава наменет за патниците во задниот ред.

Напредни системи за помош на возачот

Кога станува збор за интелигентно возење, Zeekr 9X е опремен со системот Qianli Haohan H9, познат и како G-Pilot H9. Овој систем комбинира пет LiDAR сензори - вклучувајќи една единица со долг дострел и четири за следење на слепата точка и покриеност на околината - со двојни Nvidia Drive Thor-U чипови.

Иако официјалните цени сè уште не се потврдени, првичните проценки сугерираат дека 9X ќе се продава во Кина за помалку од 100.000 долари. Преднарачките на домашниот пазар започнуваат подоцна овој месец.

Тагови: забрзува новиот СУВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер