Кинески атлетичарки на СП трчаа штафета во спротивна насока (ВИДЕО)

Кинеската женска штафета стана хит на социјалните мрежи по неверојатната грешка во финалната трка на 4x100 метри на Светското првенство во Доха.

Кинеските атлетичарки направија грешка во последната измена затоа што не ја сменија штафетата во одредениот дел од патеката, а потоа следеше хаос. Кога сфатија дека не ја смениле палката на време, атлетичарките трчаа десетина метри наназад за да ја сменат палката на вистинскиот простор.

Но, тогаш сфатија дека мора да се вратат на почетокот на просторот , што ги збуни затоа што веќе не знаеја која девојка треба да биде пред кого за да ја земе палката. Тие застанаа на патеката, разговараа што да прават, се вратија неколку метри назад и конечно ја предадоа палката.

Девојката која ја понесе повторно застана и ги праша другите што да прави, а тие и рекоа да трча. Кинезите не се откажаа затоа што сакаа да ја завршат трката со цел да се квалификуваат за на Олимпијадата. Но, во целиот овој хаос, тие не ја донесоа палката до крај и беа дисквалификувани.

притисни ентер