Кинеска писателка во судски спор со болница , каде одбиле да и замрзнат јајце-клетки зашто била немажена - Канал 5

Живот

Кинеска писателка во судски спор со болница , каде одбиле да и замрзнат јајце-клетки зашто била немажена

Немажена жена од Кина, инаку успешпна писателка,  денеска поднесе тужба против болница која одбила да ги замрзне јајце - клетките поради нејзиниот брачен статус.

Кинеска писателка во судски спор со болница , каде одбиле да и замрзнат јајце-клетки зашто била немажена

Тоа е прв ваков правен случај на жена која се бори за репродуктивните права во Кина, пренесува Ројтерс.

Поточно, според кинескиот закон за вештачко оплодување, само на брачните двојки им е дозволено да користат вакви медицински услуги и мора да обезбедат доказ за нивниот брачен статус.

31-годишната Тереза ​​Ксу во болницата во Пекинг во ноември 2018 година побарала за и ги замрзне јајце- клетките бидејќи во тој момент се концентрирала на кариерата како писателка.

Инаку, квалитетот на женските јајца се намалува со стареењето и претставува проблем за зачнување во подоцнежна возраст. Користејќи медицинска постапка, можно е да се отстранат јајце - клетките од жена и да се замрзнат , за да се користат подоцна.

Ксу изјави дека при првата посета на болницата, докторката ја прашала за нејзиниот брачен статус и ја советувала да се породи сега наместо да ги замрзнува јајцата. За време на нејзината втора посета,докторката ја известила дека не може да ја продолжи постапката.

„Дојдов таму на професионален третман, и наместо тоа, бев убедувана да ја ставам настрана кариерата. Во ова општество и култура, јас веќе сум била подложена на премногу притисок “, изјави Тереза.

Болницата одбила да го коментира овој случај за Ројтерс.

Брзо растечката кинеска економија создаде услови невенчаните жени да станат финансиски независни, но истото не важи и за владините политики и медицинските услуги.

„Ова е системски проблем затоа што ја става нежената жена во тешка позиција“, додаде Ксу, која исто така рече дека размислува за нелегални клиники.

Оние жени кои можат да си го дозволат тоа , одат во странство за да ги замрзнат своите јајца. Ксу рече дека ја разгледувала опцијата, но за неа е премногу скапо. На пример, во Тајланд, таа би платила околу 14,000 долари за оваа услуга.

Ксу смета дека нејзиниот судски процес ќе трае со месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка.

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието на денешната надзорна расправа за причините за воведувањето администрација во Алта банка АД Битола, улогата и постапувањето на Народната банка и институционалната одговорност, ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка пред случајот да стане предмет на јавна дебата и дали за тоа биле известени Владата или други надлежни институции.

Петровска го заснова прашањето на надлежностите утврдени во членовите 2, 3 и 4 од Законот за Агенција за разузнавање. Притоа посочи дека Агенцијата нема регулаторна улога во банкарскиот систем.

„Дали Агенцијата имала сознанија за можни ризици по безбедноста во смисла на нарушување на политичката и економската стабилност, но и за можни трансакции кон земји кон кои имаме воведено санкции, пред случајот со Алта банка да стане предмет на дебата во јавноста? Дали за тоа беа известени Владата или други надлежни институции?“, праша Петровска.

Во дополнителното прашање, Петровска побара одговор дали Агенцијата располага со потврдени или непотврдени сознанија за евентуални контакти со Давор Мацура во врска со Алта банка. Прашањето се однесуваше на можни контакти во текот на 2026 година, директно или преку посредници, со лица од политички партии во земјава или лица поврзани со нив, како и со лица од бизнис или медиумските кругови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повторно гори во теснецот (ВИДЕО)

Иранската војска денеска соопшти дека два нафтени танкера се запалиле откако удриле во поморски мини во Ормускиот теснец.

Повторно гори во теснецот (ВИДЕО)

Морнарицата на Иранската револуционерна гарда (ИРГЦ) наведе дека два нафтени танкера – кои ги прекршиле прописите – ги исклучиле своите системи за навигација и идентификација и се обиделе да го напуштат Ормускиот теснец преку неовластена рута, под закрила на американските воени сили. Притоа, тие удриле во поморски мини и се запалиле, пренесува агенцијата ИРНА.

Во соопштението се додава дека, и покрај напорите на американскиот воен персонал да ги изгаснат пожарите, пловилата остануваат зафатени од пламени и се напуштени.

Во соопштението, упатено до сопствениците на бродовите, се напоменува дека за безбедно поминување низ Ормускиот теснец е неопходна „координација со иранските вооружени сили“.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторно зачестени измамнички пораки за наводна наплата на сообраќајни прекршоци

МВР апелира на внимателност

Повторно зачестени измамнички пораки за наводна наплата на сообраќајни прекршоци

Министерството за внатрешни работи ја информира јавноста дека во изминатиот период повторно е забележана зачестена појава на измамнички пораки преку СМС, електронска пошта и социјалните мрежи, со кои граѓаните се доведуваат во заблуда дека треба да извршат уплата за наводно направен сообраќаен прекршок регистриран од системот „Безбеден град“.

Станува збор за обиди за фишинг измами, при што преку лажни пораки и линкови се бара од граѓаните да пристапат до веб-страници и да внесат лични и банкарски податоци, со цел нивна злоупотреба.

МВР апелира до граѓаните да бидат особено внимателни и да не отвораат сомнителни линкови, да не внесуваат податоци од платежни картички, лозинки и други лични информации на непроверени веб-страници, ниту да вршат уплати преку линкови добиени во сомнителни пораки.

Воедно, потсетуваме дека официјалните СМС известувања за сообраќајни прекршоци од системот „Безбеден град“ се испраќаат од испраќачот „MVR-SC“, задолжително ја содржат регистарската ознака на возилото со кое е направен прекршокот, а линкот води до официјалната веб-страница со домен http://safecountry.mvr.gov.mk

Секторот за компјутерски криминал при Министерството за внатрешни работи презема мерки и активности за откривање и санкционирање на сторителите на ваков вид измами.

Тагови: пораки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер