Кина и Русија ставија вето на нацрт-резолуцијата на СБ за дополнителни санкции кон С. Кореја

 Кина и Русија ставија вето на резолуцијата на ОН поддржана од САД за воведување нови остри санкции кон Северна Кореја, поради серијата тестирања на интерконтинентални балистички ракети што можат да носат нуклеарни боеви глави.

Гласањето во 15-члениот Совет за безбедност заврши со 13 гласа „за" и два „против-2, што ја означи првата сериозна поделба меѓу петте постојани членки на најмоќното тело за вето на ОН. Советот за безбедност воведе санкции за Северна Кореја по првата нуклеарна проба во 2006 година и оттогаш ги заоструваше мерките, обидувајќи се да ја ограничи севернокорејската нуклеарна и балистичка ракетна програма и да го спречи нивното финансирање.

Амбасадорката на САД Линда Томас-Гринфилд повика на единство пред синоќешното гласање, нарекувајќи ги севернокорејските тестирања на ракетите „закана за целата меѓународна заедница".

Пред гласањето, Кина го објави своето противење на новите санкции кон Северна Кореја, а кинескиот амбасадор во ОН, Џанг Јун, ги повика Соединетите Држави да спроведат „практични" активности за обновување на дијалогот со Пјонгјанг и изнаоѓање политичко решение за ситуацијата на Корејскиот полуостров, каде што кризата трае уште по Корејската војна (1950-53) што беше окончана со примирје, а не со конкретен мировен договор.

Јужна Кореја завчера објави дека Северна Кореја извршила пробно лансирање на интерконтинентална и две ракети со краток дострел. Севернокорејската армија оваа година има извршено 17 проби на своите ракетни капацитети.

Во последната резолуција за санкции усвоена во декември 2017 година, Советот за безбедност за обврза на дополнително ограничување на извозот на нафта во Северна Кореја доколку таа лансира балистичка ракета со интерконтинентален дострел.

Амбасадорот на САД во ОН рече дека последните четири години „две членки" на Советот за безбедност, јасно алудирајќи на Кина и на Русија, го блокирале секој обид да се спроведат санкциите на Обединетите нации против Северна Кореја.

Резолуцијата што синоќа не беше усвоена требаше да го намали извозот на сурова нафта во Северна Кореја од четири на три милиони барели годишно и да го намали извозот на рафинирани нафтени деривати од 500 илајди барели годишно на 375 илјади. На Северна Кореја исто така требаше да и биде забранет и увозот на минерални горива, минерални масла и минерални восоци. Покрај тоа, резолуцијата предвидуваше забрана за продажба или транспорт на тутунски производи во Северна Кореја, заострување на поморските санкции и забрана на извозот на часовници и ѕидни часовници од таа држава, како и на делови за нив.

Предложената резолуција требаше исто така да наметне глобално замрзнување на имотот на групата „Лазарус", создадена од Северна Кореја. Според текстот на документот, „Лазарус" вршела кибер-шпиунажа, кражба на податоци, кражба на пари и деструктивни операции со малициозен софтвер против владини, воени, финансиски, производствени, издавачки, медиумски и забавни институции, како и бродски компании и критична инфраструктура.

Резолуцијата, доколку беше усвоена, ќе ги замрзнеше и средствата на трговската корпорација „Korea Namgang Trading" што испраќа севернокорејски работници во странство, а кои носат приход на државата.

Санкции беа предвидени и за компанијата „Хегумганг трејдинг", за која во нацрт-документот е посочено дека имала склучено договор со компанија од Мозамбик за воена опрема вредна шест милиони долари.

Ќерката на Пол Вокер: Абортирав во 2020 година, имав среќа што најдов добар доктор

Медоу Вокер, ќерката на починатиот актер Пол Вокер, проговори за абортусот што го доживеала во 2020 година.

Медоу реши да проговори на оваа тема по одлуката на Врховниот суд за абортус, со која беше поништено федералното право на абортус, воведено со пресуда стара 50 години.

Медоу на Инстаграм откри дека абортирала за време на пандемијата, пред две години.

„Денес беше голем чекор назад во историјата, длабока неправда ги погоди жените ширум Соединетите држави. Има безброј жени кои се мачеа со одлуката да направат абортус. И јас се борев со тоа во 2020 година. Кога светот подлегна на пандемијата, јас барав абортус“, напиша 23-годишната девојка.

„Тоа е многу приватно и лично искуство, такво и треба да биде“, вели таа, додавајќи дека „имала среќа да наиде на добар доктор кој ја поддржувал во текот на целиот процес“.

„Да знаеш дека сега уште повеќе жени нема да имаат можност да бараат безбеден абортус и да донесат одлука за нивното тело го крши срцето. Во свет кој постојано ги маргинализира жените, ова изгледа како најголемиот напад врз нив. Забраната за абортус не ги спречува абортуси, спречува безбедни абортуси“, заклучи таа.

По објавата таа наиде на голем број негативни пораки.

"Количината на омраза што ја добив по оваа објава е неверојатна. Престанете да ме следите ако не се согласувате со мене. Не останувајте таму и пишувајте ужасни работи", им порача таа на хејтерите.

Коза активирала нагазни мини во Запорожје, ранети 40 Руси

Најмалку 40 руски војници се повредени откако украинска коза активирала експлозив поставен околу болницата во Запорожје со своето хаотично движење, пренесува британски „Телеграф“.

Војниците поставувале мини кога коза, која побегнала од фарма во селото Кински Роздори, ги активирала експлозивните направи.

Козата предизвикала верижна експлозија.

Шефот на украинската разузнавачка служба изјави дека руски војници поставувале мини околу локалната болница. Набргу по поставувањето на минската замка, кон областа дошла коза и извршила верижна експлозија во која се повредени десетици војници.

„Со своите хаотични движења, козата активираше неколку гранати. Како резултат на тоа, неколку Руси се здобија со повреди со различна тежина“, пишува разузнавачката служба.

Се проценува дека се ранети 40 војници. Животното е наречено „Козата на Киев“, а судбината на козата засега не е позната.

Извор: Телеграф

Штрајкот на ССМ во регионите погодени од невремето ставен во мирување

Штрајкот ќе биде во мирување до завршување на потребата за ангажирање на дополнителни капацитети за справување со последиците од невремето во погодените региони.

На итна седница на Штрајкувачкиот одбор – Претседстелството на ССМ одржана по електронски пат донесена е едногласна одлука за ставање во мирување на генералниот штрајк во регионите на општините Делчево, Виница и Демир Капија, кои попладнево беа погодени од невреме, заради потребата од ставање на сите расположливи капацитети за справување со последиците од елементраната непогода.

Штрајкот ќе биде во мирување до завршување на потребата за ангажирање на дополнителни капацитети за справување со последиците од невремето во погодените региони.

– По информации добиени од штрајкувачите од погодените региони од невремето, како и заради ограничувањата предвидени со правилата за генералниот штрајк неопходно беше да се донесе Одлуката врз основа на која 100 отсто од вработените во јавниот сектор во погодените региони, а кои штрајкуваат ќе бидат ставени во функција за расчистување на последиците од невремето. Нашите колеги браќа и сестри синдикалци се веќе на терен и истите помагаат на најпогодените, информира за МИА од ССМ.

притисни ентер