Средба Николоски-Варнс: Потврдена посветеноста на стратешкото партнерство со САД и унапредувањето на билатералната соработка
1Средба Николоски-Варнс: Потврдена посветеноста на стратешкото партнерство со САД и унапредувањето на билатералната соработка
3Коњановски: Буџетот за 2027 носи 40,8 милијарди денари за капитални инвестиции и 123,8 милијарди за пензии
Дисциплинска комисија ќе одлучува дали сестрата што пресече прст на бебе пак ќе работи со новороденчиња
1Дисциплинска комисија ќе одлучува дали сестрата што пресече прст на бебе пак ќе работи со новороденчиња
МакедонијаКешишев тврди дека прв пат ги видел Панче и Вања по објавите на Фејсбук за нивно исчезнувањеОбвинетиот Влатко Кешишев денеска во Основниот кривичен суд изјави дека Панче и Вања прв пат ги видел по објавите на Фејсбук за нивното исчезнување. Тој денеска сведочеше за нивните грабнувања при што според неговите одговори за истите во главно имал улога да чува стража. Сите обвинети, како што посочи, ги запознал во Опера Хаус во 2021 кога со штипски сопартиец зборувале за Движење Трета. -Палчо го запознав на демонстрација, протест во Скопје и повеќе се запознавме во хотелот Опера Хаус, таму ги запознав и Велимир и Боро, рече тој. Обвинетиот Александар Ѓорчевски, како што посочи, за прв пат го видел во судница. Кешишев денеска рече дека присуствувал на копањето на дупката во Велес, мислејќи дека барале злато. -Да, тоа беше во 2022 во недела дојде Велимир во работно одело отидовме на местото Рудник, од кај Катланово, таму имало многу стар пат што бил за Велес и од таму се оди за Рудник. Кога стигнавме таму извадив копаче и лопата и тргнав со него. Во прв момент помислив дека бараме злато бидејќи не ми беше кажано ништо, стигнавме до одредена длабочина, се спакувавме и се вративме назад, без зборови, рече тој. Дополни дека повторно се враќале, копале и не разговарале ништо. -Третиот пат кога копавме Вељо ми кажа дека за ова не треба никој да знае, може и глави да летаат. Ме предупреди да имам до знаење. Бидејќи дупката била замислена за намена за киднапирање на лица. После се вративме во штабот и Вељо му кажа на Палчо до која длабочина. Потоа ја завршивме дупката до таа замислена длабочина. Вељо стави капак од даски и се вративме назад во штабот и му кажав на Палчо дека е сѐ во ред и дека има доволно длабочина, дополни тој. Кешишев рече дека ги слушал Велимир и Палчо како разговарале на таа тема за грабнување. -Во почетокот ги слушав не мислев дека имаат сериозна намера бидејќи толку време помина, гледам ништо не се случува и јас го сметав тоа како желба, како фантазија, рече тој. На прашањето кој беше иницијатор, одговори дека не знае точно. -Точно не знам кој беше иницијатор. Прво тој муабет го почнуваше Вељо, рече тој. Кешишев одговори потврдно на прашањето дали знае каде живее обвинетиот Велибор Манев и дал има одено во неговиот дом, при што посочи дека претходно таму бил за партиски активности и на слава, а последен пат при грабнувањето на Панче. На снимките презентирани од дворот на обвинетиот Манев се гледа дека пристигнуваме со Рено Кангу и по пристигнувањето од совозачкото место каде што седите вие вадите еден ранец, може ли да го опишете, праша неговиот адвокат. -Темно плава, тегет, внатре немам отворено, не знам што имам бидејќи беше на Палчо, тој си го носеше со него, а вообичаен не претурам по туѓи работи. Ранецот и ќесата со мотороли ги однесовме во гаражата, каде што пиевме кафе и се договараа што како да биде, рече тој. Прашан што разговарале таа вечер, Кешишев одговори дека се разговарало за Панче, каде живее и како да се пријде до него, до куќата. -Во домот на Велибор се задржавме пола саат. Потоа земаа токи воки тројцата и тргнаа спрема куќата на Панче, мене ме оставија да го земам Кангуто и да чекам долу на страна на патот за да се вратат тие, рече тој. Прашан која беше целта во разговорите за грабнувањето на Панчо, одговори дека целта била возилото. -Целта била за возило пред сѐ, човек што живее сам, што нема да го барате, за да бидат полесни околностите, да се грабне возилото за друга намена, рече тој. Кешишев рече дека грабнувањето на Панче било успешно вториот пат „утрето сабајле, кога отидовме рано наутро јас и Палчо со кангуто и ме остави мене на паркинг плац покрај пругата. Вељо имаше Моторола со која му кажуваше на Палчо дека патот е чист, рече тој. Посочи дека разбрал дека Панче е грабнат и убиен дури откако се вратиле во партијата. На прашањето што се случува во деновите по грабнувањето на Панче и пред грабнувањето на Вања, рече дека останал со Палчо. -Кога излезе сликата на фејсбук од Панче јас и Палчо бевме сами, мислев да одам за Штип некој ден, Палчо ми кажа дека му требам, да останам таму, рече тој. Прашан дали некогаш со Палчо одел во обиколка каде што живее Вања, одговори негативно. -Немам одено во обиколка. Само знаев дека се работи за уцена, за пари, појма немав за кои лица се работи. Не знаев колку пари и кој треба да ги земе. Еднаш му кажав на Палчо, мислев дека тоа беше пред да се случи тоа со Панче, дека не се потребни такви работи, тој ми кажа, може и самиот да потврди, да ќутам, да седам на страна и да не се мешам и јас немав право на збор, рече Кешишев. Меѓу Палчо и Вељо беа сите договори и планови, дополни тој. -Договараа што како да биде, тој муабет се правеше подлого време и поверував кога се случи тоа, рече тој. Прашан каква била неговата улога во грабнувањето на Вања, одговори „ми беше кажано да ја поместам колата до влезот, до скалите, да го отворам гепекот и да седнам на совозачко“. -Утрото кога ја грабнавме Вања тргнавме од штабот со Кангуто до Радишани Палчо, Вељо, јас, Боре, каде што беше паркиран Цитроенот. Таму ме остави Палчо и ние тројцата влеговме во Цитроенот. Тој тргна пред нас со Моторола, а Вељо го возеше Цитроенот до местото, рече Кешишев. Потоа, откако пристигнале на местото, посочи дека останал подолу. -Чекав таму цело време, стоеја, разговараа, потоа се завртев, гледав дека работат, копаат, следниот пат кога се завртев, Палчо во раката држеше пиштол, тоа јасно се гледа, пак се завртев спрема патот да не наиде некој, потоа слушнав истрел, пукање, тапо, рече Кешишев. Дополни дека откако завршиле, Палчо ги избришал лопатите и копачот со WD40, и ги ставил во Рено Кангу. -Влеговме позади Боре и јас, а по нас со Цитроенот тргна Велибор, излеговме на асфалтот кај местото Бразда и на едно 500 метри ми кажа лопатите и копачот да ги фрлам во една дупка покрај патот, јас ги фрлив и продолживме спрема местото каде што требаше да се запали Цитроенот, рече тој. По палењето на Цитроенот, како што дополни, се вратиле во штабот и по кратко време Велибор и Боре тргнале за Велес, а Палчо останал. -Кога го прашав што е ова, не ми одговори ништо, јас се повлеков во кујната. Не ми беше јасно за целите настани што се случија, немаше одговор од него, доволно ми беше што го видов на слика детето на фејсбук, рече тој, дополнувајќи „сите бевме замислени, секој на свој начин, не разговаравме ништо“. Прашан дали знае чив е пиштолот и мотролите што се користеле, одговори „Не можам да тврдам, што сум слушнал овде дека бил на Боре“. Во однос на прашањето каде се наоѓа пиштолот и мотролите, одговори „мислам дека сѐ беше во Ранецот оставено, а ранецот секогаш го носи Палчо“. Потоа Кешишев сведочеше во однос на патувањето на Палевски за Белград. На крајот од испитувањето од неговиот адвокат, на прашањето дали на местото „Дупки“ слушнал истрел исто како на местото Бразда, одговори „слушав малку ама беше подруг звукот". Испитувањето продолжи со прашања од обвинителството. Претходно, обвинетиот Љупчо Палевски беше отстранет од судницата поради сомневање за влијание во исказите. На минатото рочиште беше сослушуван обвинетиот Боре Видевски кој ги негираше исказите дадени од Обвинителството посочувајќи дека нема никаква поврзаност со убиствата на Вања и Панче. Претходно, беше сослушан обвинетиот Велибор Манев кој во детали ги образложи грабнувањета на Вања и Панче, при што посочи дека координатор и извршител на убиствата бил обвинетиот Љупчо Палевски Според најавеното, по сослушувањето на Кешишев, треба да сведочат таткото на Вања, Александар Ѓорчевски и Љупчо Палевски. Во обвинението стои дека Љупчо Палевски, Боре Видевски, Велибор Манев, Влатко Кешишов и Александар Ѓорчевски, заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп. Грабнувањето на оштетениот Панче Жежовски во Велес, пак, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје. Малолетната Вања и велешанецот Панче, беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес. Тагови: палчо Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЗдравјеДисциплинска комисија ќе одлучува дали сестрата што пресече прст на бебе пак ќе работи со новороденчињаДали медицинската сестра што пред неколку дена му пресече дел од палецот на новороденче наместо фластерот за инфузија пак ќе работи со бебиња на ГАК ќе одлучи дисциплинска комисија составена од доктор, адвокат и синдикален претставник формирана приОваа комисија има рок од 60 дена да даде заклучок, потврдуваат од ГАК, а додека трае постапката, сестрата која има искуство од 20 години е суспендирана од досегашната позиција и е префрлена во млечната кујна. Таткото на бебето, Аднан Азизи за Канал 5 вели дека добил уверување дека утре ќе му биде доставена целата медицинска документација и со неа случајот и официјално ќе го пријави во МВР, а потоа ја ќе поднесе тужбата до ГАК, со цел тоа што ѝ се случило на неговата ќеркичка Лејла да не се случи на друго бебе. -Утре ќе ги земеме. Професорот ми кажа да дојдеме во петок, утре ќе одам да ги земам сите документи, после ќе ги однесеме во МВР и потоа со адвокатот. Јас не ја знам сестрата (што му го пресекла прстот на детето), јас Клиниката ќе ја тужам, па како ќе каже судот понатаму, така ќе правиме. Јас и да ја познавам сестрата, работа со персоналот немам, имам со Гинекологија, затоа Клиниката ќе ја тужиме,- - Аднан Азизи – родител. Поради потврдата од страна на Клиниката за Гинекологија дека повредата се случила во болница што случајот го дефинира како „несакан настан“ здравствените власти сметаат дека со формирањето на дисциплинската комисија случајот ќе биде затворен и нема да има оформување на дополнително стручно тело, бидејќи е потврдено дека станува збор за грешка. Од вчера бебето е дома, на домашно лекување со антибиотици, а според појаснувањата тоа има пократок палец, бидејќи при операцијата била ампутирана дисталната фаланга на прстето, односно последниот коскен дел од палецот, за да може раната хируршки да се обработи и затвори. Родителите добиле насоки дека дури кога девојчето ќе наполни 15 или 16 години ќе може да се направи реконструктивна операција на пластична хирургија, со цел да се добие нормален изглед на палецот. Тагови: ГАК Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаСредба Николоски-Варнс: Потврдена посветеноста на стратешкото партнерство со САД и унапредувањето на билатералната соработкаЗаменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава. На средбата беше потврдена посветеноста на стратешкото партнерство и унапредувањето на билатералната соработка Посебен акцент на разговорот беа економската и трговска соработка, инфраструктурните проекти и нивната реализација, притоа беше потврдена ефикасната реализација на стратешките проекти од национален и регионален интерес. Вицепремиерот Николоски додаде дека изградбата на автопатите на коридорите 8 и 10-д се реализираат со одлична динамика согласно предвидените рокови. Се разговараше и за соработката во рамките на НАТО Алијансата и прашањата поврзани со безбедноста и стабилноста на регионот. На средбата се разговараше за билатералната соработка меѓу двете земји и поддршката на САД во делот на реформските процеси на Македонија. Притоа беше истакната важноста на континуитетот на партнерските односи, заедничката посветеност на реализацијата на приоритети и продлабочувањето на соработката особено во делот на економијата и трговската размена, соопштуваат од Министерството за транспорт. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиНови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:088 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45
МакедонијаНови пријави за сексуално насилство врз деца: Дали казните и законските рокови ги штитат жртвите?Случаите на сексуално насилство врз деца во фокусот на јавноста по најновите информации на МВР - во полициските билтени се регистрирани нови кривични пријави за силување на деца кои не наполниле 15 години.СВР Скопје поднело кривична пријава против П.Н. (47) и А.Т. (62) од Скопје, поради постоење основи на сомнение за сторено кривично дело „Силување на дете кое не наполнило 15 години“. Според информациите од МВР, во јули 2025 година пријавените извршиле полови дејствија врз малолетник. Уште една кривична пријава е поднесена против 49-годишен скопјанец, кој се сомничи дека во февруари годинава силувал дете кое не наполнило 15 години. Повторувањето на ваквите случаи го отвора прашањето дали актуелните законски решенија и казни се доволни за заштита на децата. Па така, според адвокатот Александар Тумановски, потребно е да се посвети внимание и на временските рокови во кои треба да се завршат случаите кога силувањето врз дете го врши друг малолетник. Посочува и конкретен пример, кога случајот не добил правна завршница во законскиот рок. -Во законот за права на децата е предвидено да се заврши постапката за година и 6 месеци, државните институции, меѓу кои и судот не успеаја во тој рок...за жал жртвата има дупла виктимизација бидејќи не се осудени тие лица, постапката заврши со запирање на таа постапка против тие лица и со тоа жртвата остана жртва без остварување на своите права,- изјави Александар Тумановски, адвокат. Државата да биде немилосрдна и во поглед на казните за силување на деца, смета Тумановски – истакнувајќи дека покрај високи казни, треба да се разгледаат и други казнени методи, кои би биле во согласност со меѓународното право. – Треба да се испита и меѓународната пракса во поглед на казнувањето – дали освен казнувањето се користат и други методи на казнување за таквите престапи за таквите лица кои извршуваат такви дела, така да се треба да стои во оптек за да се спречи полов напад на деца,- изјави Александар Тумановски, адвокат. Со измените на кривичниот законик од 2014 година, се предвидуваше и хемиска кастрација за делото силување на дете, но во пракса, тој метод никогаш не беше применет. За силување дете кое нема 15 години сега се предвидени казни од најмалку 12 години, па се до доживотен затвор, а истата казнена политика е дел и од новиот предлог Кривичен законик кој допрва треба да влезе во собраниска процедура. И во актуелниот и во предложениот кривичен законик казните за силување на дете кое наполнило 15, а не наполнило 18 години се движат од најмалку 10 години, па се до доживотен затвор. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter