Македонија

Кешишев: Планот за убиството на Вања го смисли Палчо

Уверувајќи дека му бил верен послушник на Љупчо Палевски кој во мобилниот телефон го запишал како „Царот“, обвинетиот Влатко Кешишев тврдеше дека не бил целосно свесен за планот и убиствата на Вања Ѓорчевска и Панче Жежовски.

Во полиција му било страв да пријави а кога на Палевски му ја покажал сликата од исчезната Вања дека се бара, тој му рекол да стои настрана и да молчи. Влатко Кешишев пред да го даде својот исказ се согласи Палевски да биде отстранет од судница откако неговиот адвокат рече дека поради влијание и страв може да не ја каже вистината. Судијата го отстрани Палевски, а Кешишев тврдеше дека киднапирањето на жената за која подоцна ќе дознае дека е всушност девојче, е план на Палевски. Тој само ги слушал наредбите и возел.

-Велибор го возеше „цитроенот“ до зградата. Паркиравме на паркингот. Излегоа Боре и Вељо, а мене ми кажаа да останам во „цитроенот“, да не го гасам, да биде запален. Кога влегоа во зградата и мене ми дадоа моторола. Имавме јас, Вељо и Палчо кој беше во кангуто. По 10-15 минути Вељо ми рече да се препаркирам пред влезот и да го отворам гепекот. Прво излезе Боре, јас седнав на совозачкото место. Велибор носеше врзана вреќа и ја стави во гепекот. Тој возеше до местото Бразда, каде се заврши сѐ.-Влатко Кешишев - Обвинет.

Кога статсале кај Бразда по наредба на Палевски стоел на оддалеченост од 20 метри за да внимава некој да не наиде.

-Се свртев два-три пати да видам што се случува. Првиот пат разговараа, гепекот беше отворен. Не знам што разговараа, бев далеку. После кога се завртев гледам дека почнаа да копаат. Последниот пат кога се свртев, Палчо во рака држеше пиштол. Се свртев да гледам кон патот да не наиде некој и слушнав истрел, пукање, ама некако тапо. На крајот ме викнаа да побрзаме за да се затрупа телото. Јас не го видов телото оти веќе беше затрупано со земја. Потоа Палчо ги избриша лопатата, ашовот и копачот со WD-40. Ги стави во „кангуто“.-Влатко Кешишев - Обвинет.

Неговата одбрана тврди дека немал директна улога во грабнувањата и убиствата. Но за одбраната на Палевски пак тврди дека исказот на Кешишев му бил наметнат.

-Со неговиот исказ се потврдија нашите наводи дека истиот немал преземено никакви дејствија кои го ставаат на местото соизвршител ниту пак извршител. Истиот нема никаква улога во извршување на грабнување а уште помалку во извршување на убиства. Бил во положба на потчинетост.изјави – Игор Ефремов – Адвокат.

-Нити Велибор нити Кешишев кажуваат јавно дека биле таму, чуле ама не виделе. Како можеш да бидеш присутен да не видиш?изјави – Јовица Страшевски – Адвокат.

За време на киднапирањето на Панче Жежовски, раскажа дека по насока на Палевски го возел реното кангу. Две години претходно заедно со Велибор Манев потврди дека ја ископале дупката во месноста Рудник. Следно рочиште за случајот е закажано за во петок.

НБА

НБА плејоф: Минесота поведе, први победи за Орландо и Милвоки

Кошаркарите на Минесота поведоа во серијата до четири победи во плејофот на Западната конференција во НБА лигата со триумф над Лос Анџелес Лејкерс, додека Орландо и Милвоки ја намалија негативата на 1-2 во плејофот на Источната конференција.

Минесота поведе во серијата со 2-1, откако синоќа во Минеаполис го победи ЛА Лејкерс со 116-104 во третиот натпревар од плејофот на Западната конференција. Џејден Мек Дениелс постигна 30 поени, а Ентони Едвардс го заврши натпреварот со поен помалку.

Леброн Џејмс беше најефикасен во редовите на Лејкерс со 38 поени, а Лука Дончиќ додаде 17 поени со осум асистенции и седум скокови.

Орландо намали на 1-2 во серијата по победата над Бостон со 95-93 во третиот натпревар од првото коло од плејофот во Источната конференција. Франц Вагнер беше најдобар стрелец на Орландо со 32 поени.

Милвоки, исто така. го намали дефицитот на 1-2 во серијата до четири победи откако на домашен терен беше поуспешен од Индијана со 117-101.

Гари Трент Јуниор и Јанис Антетокунмпо постигнаа по 37 поени за Милвоки, а Трент постигна девет тројки во 12 обиди и со тоа го израмни рекордот во плејофот на франшизата поставен од Реј Ален во финалето на Источната конференција во 2001 година. /МИА

Тагови: НБА плејоф

Регион

Нафтена индустрија на Србија доби трето одложување на воведување санкции од САД

Нафтена индустрија на Србија (НИС) доби трето одложување на воведување санкции од САД поради мнозинскиот руски капитал во таа компанија.

Овојпат, воведувањето на санкции беше одложено за дури два месеца, односно до 27 јуни. Рокот на претходно одложените санкции изминува в понеделник - 28 април.

„Добри вести за граѓаните на Србија. Србија успеа да добие ново одложување на санкциите за НИС, овојпат за два месеца, до 27 јуни. Благодарност до нашите американски партнери за разбирањето на ставот на Србија“, напиша Вучиќ на својот Инстаграм профил buducnostsrbijeav.

Во средата, компанијата НИС поднесе ново барање до Министерството за финансии на САД за издавање посебна лиценца со која се одложува целосното спроведување на санкциите, а целта е да се овозможи компанијата непречено да работи и по 28 април.

Тагови: НИС санкции

Фудбал

Прв пораз сезонава на ПСЖ во Франција

Надежите на ПСЖ дека ќе ја заврши актуелната сезона во француското фудбалско првенство без пораз завршија, откако синоќа претрпе шокантен пораз од Ница на домашен терен со 3-1.

Гостите поведоа преку Морган Сансон (34 минута), а Фабијан Руиз до крајот на полувремето израмни за ПСЖ (41), но Ница во продолжението постигна два гола преку Сансон (46) и Јусуф Ндајишимије (70).

Со ова заврши серијата на ПСЖ од 30 натпревари без пораз во француското првенство, во кое клубот од Париз веќе ја одбрани шампионската титула.

Пораз од Ница за составот предводен од Луис Енрике доаѓа пред полуфиналниот дуел против Арсенал во вторник во Лигата на шампиони. /МИА

Тагови: ПСЖ Франција