Кејт Винслет: Некои од моите први интимни искуства беа со жени - Канал 5

Шоу биз

Кејт Винслет: Некои од моите први интимни искуства беа со жени

Познатата актерка Кејт Винслет откри дека нејзините први интимни искуства како тинејџерка биле со жени, зборувајќи отворено за тоа во неодамнешното појавување во подкаст. 

Кејт Винслет: Некои од моите први интимни искуства беа со жени

Појавувајќи се на подкастот „Тим Дикинс“ на 24 декември, 50-годишната актерка се потсети на улогата во филмот „Небесни суштества“ (Heavenly Creatures) од 1994 година, која ја направи позната. Филмот го следи опсесивното пријателство помеѓу две тинејџерки, играни од Винслет и Мелани Лински, а актерката сега откри како нејзините сопствени искуства ѝ помогнале да се поврзе со ликот.

„Ќе споделам нешто што никогаш порано не сум го споделила. Некои од моите први интимни искуства како млада тинејџерка всушност беа со девојки“, објасни таа. „Бакнав неколку девојки и неколку момчиња.“

„Во таа фаза од животот, секако бев љубопитна и мислам дека имаше нешто во таа навистина интензивна врска што ја имаа овие две жени што длабоко го разбирав“, додаде Винслет, осврнувајќи се на филмот. „Веднаш бев вовлечена во вртлогот на тој свет во кој се наоѓаа, кој очигледно стана ужасно штетен за двајцата, а тие имаа огромни несигурности и ранливости.“

Од „Титаник“ до режисерско деби

Улогата во „Небесни суштества“ во режија на Питер Џексон ја започна нејзината кариера. Следеа успешни проекти како „Разум и чувства“ и „Хамлет“, но таа го зацврсти својот статус како меѓународна ѕвезда со улогата во блокбастерот „Титаник“ од 1997 година, каде што глумеше заедно со Леонардо Дикаприо.

Винслет неодамна го имаше своето режисерско деби со божиќната семејна драма „Goodbye June“, која е достапна на Нетфликс, а во која глуми и заедно со актери како Тони Колет, Џони Флин и Хелен Мирен.

Приватност и семејство

Денес, актерката е во брак со Едвард Абел Смит, со кого има 12-годишен син, Бер Блејз. Таа има 25-годишна ќерка, Миа Триплтон, и 22-годишен син, Џо Мендес, од нејзините претходни бракови. Винслет е позната со години по тоа што го држи својот приватен живот подалеку од очите на јавноста.

„Никој навистина не знае што се случи во мојот живот. Никој навистина не знае зошто мојот прв брак не траеше; никој не знае зошто мојот втор не траеше. И горда сум на тие тишини“, изјави таа за списанието WSJ. во 2015 година.

Страв од откривање на сексуалноста во Холивуд

Со текот на годините, Винслет стана и гласен застапник за правата на ЛГБТК+ заедницата. Во интервју за „The Sunday Times“ во 2021 година, таа зборуваше за стравот со кој се соочуваат актерите во индустријата за забава ако одлучат јавно да ја откријат својата сексуалност.

„Не можам да ви кажам колку млади актери познавам - некои познати, некои штотуку почнуваат - кои се преплашени дека нивната сексуалност ќе биде откриена и дека тоа ќе им застане на патот на нивното ангажирање во хетеросексуални улоги“, рече таа во тоа време.

Тагови: Кејт Винслет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Катица Ќулавкова: Во мигот кога ОН ни поставија дополнителен услов, започна нашата голгота

На денот на осамостојувањето се чувствуваше голема радост и сите ја споделувавме таа радост што Македонија остварува некаков вечен сон.

Катица Ќулавкова: Во мигот кога ОН ни поставија дополнителен услов, започна нашата голгота

На денот на осамостојувањето се чувствуваше голема радост и сите ја споделувавме таа радост што Македонија остварува некаков вечен сон, радоста значеше дека македонскиот народ и знаеше да го процени историскиот миг дека со кој се заокружува еден процес на легитимирање на нацијата со државата, изјави академик Катица Ќулавкова во вечерашното издание на „Вести плус“.

Со самото наше барање да бидеме признати од ООН, во мигот кога ни поставија дополнителен услов, започна нашата голгота и таа трае до денес. Тогаш го направивме првиот исклучок, нешто што се рефлектира денес и за ЕУ, со многупати променет Устав, оценува Ќулавкова.

Според неа, Бугарија започна со блокади и таа дискриминирачка улога кон македонскиот јазик, култура и народ, затоа што ние самите создадовме услови, покажавме слабости и дека сме подготвени на многу отстапки сами започнавме во сопствената држава да го маргинализираме македонскиот јазик, кој треба да е интегративниот фактор во една држава.

Ќулавкова вели дека општеството е премногу поделено по повеќе основи, неопходно според неа е да се обединат сите партии за тоа што е државен национален интерес независно од нивните политички концепти или етнички принципи. Треба да не поврзуваат идеолошки, развојни, културни принципи, цели и идеали, вели таа, а МАНУ треба да биде повидлива и погласна во однос на клучните проблеми и прашања кои не се чисто политички туку бараат одговор од науката.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Младиот битолчанец Михаил Николовски спаси семејство од Бугарија на плажа во Грција

Вистинска драма денеска се случила на плажата во Олимпијада, Грција, каде силните бранови однеле тричлено семејство од Бугарија.

Младиот битолчанец Михаил Николовски спаси семејство од Бугарија на плажа во Грција

Во моментите кога жената панично повикувала на помош, од присутните на плажата реагирал битолчанецот Михаил Николовски. Без двоумење влегол во разбрануваното море и, според сведоштвото на неговото семејство, најпрво ја извлекол жената, потоа детето, а на крај и таткото.

По спасувањето, присутните на плажата го поздравиле Михаил со силен аплауз.

Веста за храбриот Михаил ја пренесоа повеќе медиуми од регионот, со пофалби за потегот на младиот Македонец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Останува во затвор поранешната ѕвезда на Премиер лигата- судењето му е закажано за идната година

Поранешниот англиски фудбалер Џои Бартон ќе остане во притвор откако новото барање за кауција беше одбиено од судот во Ливерпул. 

Останува во затвор поранешната ѕвезда на Премиер лигата- судењето му е закажано за идната година

Почетокот на судењето, кое беше закажано за минатата недела, беше одложено за 8 март 2027 година.

Обвинение и судска одлука

Бартон беше обвинет за нанесување тешки телесни повреди на Кевин Линч, што 44-годишниот поранешен фудбалер го негираше на суд и се изјасни за невин. Наводниот напад се случил на 8 март во Хајтон. Обвинителството тврди дека на инцидентот му претходело заедничко консумирање алкохол во локален голф клуб.

Според обвинението, Линч претрпел сериозни повреди на окото во нападот. Тој е поранешен тренер во пониска лига и основач на академија за специјално образование. Бартон се појави на рочиштето преку видео врска од затворот ХМП во Ливерпул. Откако судијата Дејвид Потер го одби барањето за кауција, Бартон само кимна со главата за да покаже дека ја разбира одлуката.

Следното прелиминарно рочиште е закажано за 11 декември оваа година, а се очекува главниот претрес да трае околу две недели. Потоа Бартон ќе добие шанса да ја презентира својата одбрана пред поротата.

Кариера и контроверзии

За време на неговата кариера, поранешниот играч од средниот ред беше почитуван поради неговите фудбалски вештини, но стана познат и по инцидентите надвор од теренот. Неговото однесување честопати привлекуваше исто толку медиумско внимание како и неговите игри.

Своите најдобри играчки години ги помина во Премиер лигата, каде што играше за Манчестер Сити, Њукасл Јунајтед, Квинс Парк Ренџерс и Барнли. Во Англија беше член на Евертон, а во странство го носеше дресот на Марсеј и Ренџерс. Одигра еден натпревар за англиската репрезентација, во 2007 година против Шпанија.

По завршувањето на играчката кариера, се префрли на тренерска работа. Ги водеше Флитвуд Таун и Бристол Роверс, но тој период од неговата кариера беше обележан и со јавни конфликти и дисциплински проблеми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер