Шоу биз

Кејт Холмс: Том 10 години не ја видел ќерката Сури

Поранешната сопруга на големата холивудска ѕвезда Том Круз, убавата Кејти Холмс откри во јавноста шокатни детали за односот на својот екс сопруг со нивната ќерка.

Холивудската актерка Кејти Холмс откри голем број незгодни детали кога е во прашање врската помеѓу нејзината ќерка Сури и нејзиниот татко, познатиот актер Том Круз.

Актерката Кејти Холмс отворено сподели дека била заштитничка кон својата ќерка Сура, со оглед на тоа што тинејџерката била предмет на интензивно медиумско внимание по разводот на нејзините родители.

44-годишната Кејти во интервју за магазинот „Гламур“,раскажа како нејзината ќерка растела под постојано внимание на јавноста и била цел на папараците во текот на нејзиното детство.

- Она што ми беше навистина важно со Сури, со оглед на тоа што беше толку многу изложена на јавноста уште од рана возраст, е навистина да ја заштитам - нагласи Кејт, додавајќи дека е благодарна што е мајка на 16-годишно девојче.

– Таа е фантастична личност – открила актерката.

Медиумското внимание насочено кон Сура додека растеше беше резултат на неконвенционалните односи на нејзините родители што заврши во 2011 година. По нивниот развод, Том се отуѓи од Сури, а нивната врска наводно допрва треба да се обнови.

Според американските медиуми, познатиот актер повеќе не е дел од животот на својата ќерка и веќе подолго време не е во контакт со неа. На Кејти по разводот и беше доделено целосно старателство над Сури, а мајката и ќерката моментално живеат заедно во Њујорк. Круз наводно се согласил да плаќа 400.000 долари годишно за издршка додека Сури не наполни 18 години. Тој, исто така, наводно се согласил да ги плати сите трошоци на Сура, вклучително и „медицински, стоматолошки, осигурување, образование, факултет и други воннаставни трошоци“.

Сепак, тој не е јавно виден со својата ќерка од 2012 година.

- Сури повеќе не го познава својот татко и не поминува време со него цела деценија. Таа не оди да ги гледа неговите филмови и тој не е дел од нејзиниот живот - рекол извор близок до Холмс.

Ѕвездата на „Топ Ган“ во минатото призна дека неговото членство во Скиентолошката црква е делумно причината поради која се оддалечил од животот на неговата ќерка.

На прашањето дали Кејти го завршила нивниот брак „делумно за да ја заштити Сури од скиентологијата“, тој одговори: „Тоа беше едно од тврдењата, да“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на главниот штаб за кризи: Водата во Гостивар останува забранета за употреба

Водата во Гостивар се уште не е безбедна за пиење и останува да се користи исклучиво за технички потреби.

Ова денеска го соопшти министерот за внатрешни работи Панче Тошковски по седницата на Главниот штаб за управување со кризи. На состанокот било одлучено во наредниот период да се интензивираат контролите на квалитетот на водата, се додека не се добијат три последователни исправни микробиолошки анализи. До тогаш, жителите ќе продолжат да добиваат флаширана вода, а според Тошковски, досега се дистрибуирани речиси 600 илјади литри. Во меѓувреме, продолжува хиперхлорирањето на водоводниот систем. Тошковски вели дека присуство на хлор е регистрирано на сите контролни точки, што е показател дека дезинфекцијата се одвива успешно. Паралелно се испира примарната мрежа, за што упати и апел граѓаните да ги отвораат чешмите за да се исчисти и секундарната водоводна мрежа во домовите.

Од ЈП „Водовод и канализација“ велат дека бактеријата Proteus mirabilis ( проетус мирабилис), која беше пронајдена во дел од примероците, е очекувана поради застојот на водата во системот за време на целосната забрана за користење.

Во меѓувреме, Министерството за здравство информира дека вчера биле регистрирани 78 прегледи, шест помалку од претходниот ден. За споредба, на 18 јули, кога беше врвот на кризата, биле евидентирани 650 прегледи. Според здравствените власти, во овој момент состојбата е стабилна, а бројот на пациенти постепено се намалува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов круг преговори меѓу Либан и Израел во Рим

Во Рим денеска почнa седмиот круг преговори меѓу Либан и Израел со посредство на САД, насочен кон спроведување на рамковниот договор постигнат во јуни.

Разговорите се фокусирани на постепено повлекување на израелските сили од јужен Либан, распоредување на либанската армија во ослободените подрачја и решавање на преостанатите гранични прашања. Либанската влада соопшти дека работи на договор што би довел до целосно повлекување на израелските сили, додека Вашингтон нагласува дека процесот мора да се одвива постепено за да се избегнат нови безбедносни ризици. Преговорите во Рим ќе траат до 6 август и треба да постават основа за поширок мировен и безбедносен договор меѓу двете земји.

Тагови: Израел Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Министерот за полиција сега ќе ја анализира водата во Гостивар - додека граѓаните сѐ уште се трујат

Паче Тошковски, министер за внатрешни работи, најави „почести анализи“ на водата во Гостивар.

Министер за полиција ќе ја проверува водата?

Каде е министерот за здравство Клековски?

И тој е на екскурзија како Мицкоски?

Нема место на светот каде министер за полиција што до вчера се занимаваше со хиперхлорирање, денеска станува стручњак за анализи на вода.

Што работеа досега?

Зошто дури сега најавуваат анализи?

Водата беше прогласена за „технички исправна“ само затоа што тоа го рече Мицкоски.

Нема официјален документ.

Нема потпис.

Никој не сака да преземе одговорност.

Директорот на Дирекцијата за заштита и спасување Стојанче Ангелов вчера јавно потврди дека има бактерија.

Повторно се врши хиперхлорирање.

Кога се прави хиперхлорирање - водата не е за употреба, ниту за капење.

Граѓаните сѐ уште ги мијат садовите и се капат со вода што содржи опасна бактерија.

Сѐ ова се случува само за да се спаси лажната изјава на Мицкоски.

Обвинителството мора веднаш да застане на страната на граѓаните и да покрене кривична одговорност против:

• Христијан Мицкоски

• Сашо Клековски

• Паче Тошковски

За свесно загрозување на здравјето на граѓаните на Гостивар.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.