Кашлица, еден од највознемирувачките симптоми во сезоната на настинка и грип

Сезоната на кашлица започна. 

Кашлица, еден од највознемирувачките симптоми во сезоната на настинка и грип

Иако е целогодишен симптом, со настапување на променливо време и пониски температури, кашлицата е се почеста, особено кај децата! Кашлицата како симптом е една од најчестите причини за консултација на амбулантскиот доктор и една од најчестите причини за земање или препишување на некој лек.

ДЕФИНИЦИЈА И ПРИЧИНИ ЗА КАШЛИЦА

Кашлицата претставува рефлексно реагирање на организмот на надворешен причинител. Претставува физиолошки заштитен механизам на дишното стебло, кој помага во одржување на неговата проодност. Кашлицата има значајно влијание врз квалитетот на животот. Причинители за кашлица можат да бидат инфективните агенси (вируси, бактерии, габички), алергени од инхалаторно потекло, надворешни честички кои се инхалирани при несреќни случаи од неорганско потекло, пример метални струготини итн.

НАЈЧЕСТИ ПРИЧИНИТЕЛИ

Повеќе од 200 вируси во природата може да предизвикаат респираторна инфекција и кашлица. Такви се риновирусот, коронавирусот, вирусот на инфлуенца, параинфлуенца, аденовирусот и други. Влезна врата на инфекцијата е мукозата на горните дишни патишта, носот и грлото. Потоа тие навлегуваат во клетката и почнуваат да ја користат за делба и создавање на бројни нови копии.

Дали знаете дека постојат различни типови на кашлица? И дека за различен тип на кашлица постои различен третман? Едниот тип е сува и надразнителна кашлица, а другиот е влажна и продуктивна (се создава секрет). И двете можат да бидат гласни, вознемирувачки и да го намалат квалитетот на вашиот живот.

Како да ги разликувате двата типа на кашлица?

Сува кашлица

Надразнителна кашлица без секрет, пропратена со суво и надразнето грло

Скокот/чешање

Нема што да се искашла, а имате потреба за кашлање

Продуктивна или влажна кашлица

Зголемено создавање на секрет во белите дробови кој неможе да се исфрли

Трае подолго од сувата кашлица

Со секое кашлање се чувствувате подобро

КАКО ЈА ТРЕТИРАМЕ КАШЛИЦАТА

Различните типови на кашлица треба да се третираат на различни начини поради различните симптоми на кашлицата. Антитусиците се препорачуваат за смирување на сувата и надразнителна кашлица. Тие ја препокриваат слузницата со заштитен слој при што го намалуваат рефлексот на кашлање.

Сирупите од тегавец и исландски лишај се идеални за третман на сува кашлица, бидејќи немаат централно дејство, што е особено важно за детската популација.

Екстракти од исландски лишај - содржи голема количина на слузи кои ја прекриваат, заштитуваат и навлажнуваат надразнетата и сува слузница на устата и грлото и на тој начин ја смируваат сувата кашлица. Експекторансите се препорачуваат за полесно искашлување во случај на продуктивна кашлица

Експекторанси, како што е сирупот од бршлен – се препорачуваат за полесно искашлување во случај на продуктивна кашлица. Го разводнуваат густиот секрет кој се создава во дишните патишта и на тој начин го олеснуваат искашлувањето. Пиење многу течности и навлажнување на воздухот во затворен простор во вистинска мера, исто така, помагаат во ублажување на продуктивна кашлица. Најдобар современ пристап во третман на некомплицирани, акутни инфекции на респираторен тракт е да се третираат со природни сирупи. Екстракт од листот на бршлен ја поттикнува бронхијалната секреција и на тој начин го олеснува искашлувањето. Исто така, ги шири бронхиите, што го прави погоден и за третман на мешовит тип на кашлица.

Д-р Марина Цветаноска , семеен лекар

Најмалку 20 загинати и 300 повредени во земјотресот во Мјанмар, а 3 лица се загинати во Тајланд

 Најмалку 20 лица загинаа во Мјанмар и три во Тајланд во земјотресот со јачина од 7,7 степени според Рихтеровата скала што денеска го погоди централниот дел на Мјанмар и беше почувствуван низ Југоисточна Азија, пишува „Њујорк Тајмс“.

Најмалку 20 загинати и 300 повредени во земјотресот во Мјанмар, а 3 лица се загинати во Тајланд

Според д-р Кјав Зин од општата болница во градот Мандалеј, во тој град загинале најмалку 20 луѓе, а 300 се повредени.

„Се повеќе и повеќе повредени пристигнуваат, но немаме доволно лекари и медицински сестри“, рече тој.

Земјотресот предизвика уривање на мостови и неколку згради низ Мјанмар, вклучително и во Нејпидо, главниот град на земјата, објави весникот „Global new light od Myanmar“.

Црвениот крст соопшти дека во земјотресот се оштетени и урнати зградите и јавната инфраструктура и изрази загриженост за состојбата на браните.

Најмалку три лица загинаа во земјотресот во Бангкок, а 90 лица останале заробени под урнатините

Најмалку тројца работници го загубија животот кога 30-катна кула во изградба се урна во Бангкок по денешниот силен земјотрес, изјави тајландскиот вицепремиер Фумтам Вечајачаи.

Тој рече дека 90 лица останале заробени под урнатините. Уривањето на кулата следело по силниот земјотрес со јачина од 7,7 степени според Рихтеровата скала. Извлечени седум лица, додека потрагата ја отежнуваат урнатините.

Земјотресот, чиј епицентар беше во близина на Мандалеј во Мјанмар, предизвика значителна штета и во тој град и во други региони на Мјанмар. Неколку минути подоцна следел уште еден силен потрес од 6,4 степени според Рихтер, објави Американскиот геолошки институт.

Властите прогласија вонредна состојба во неколку региони, вклучително и главниот град Нејпидо и Мандалеј.

Кулата која се урнала за неколку секунди била наменета за владини канцеларии.

Медиумите објавија дека земјотресот бил почувствуван и во Бангладеш, Индија, Тајланд, Лаос и Кина.

Влада: Нема официјално барање од СДСМ за лидерска средба, отворени сме за секаков предлог

Нема официјално барање од СДСМ за лидерска средба, отворени сме за секаков предлог и иницијатива за помош.

Влада: Нема официјално барање од СДСМ за лидерска средба, отворени сме за секаков предлог

По најавата на лидерот од опозициската СДСМ Венко Филипче дека следната недела во Собранието ќе иницира лидерска средба по пожарот во Кочани, денеска од Влада велат дека кај нив нема стасано официјално барање, ниту пак иницицијатива од СДСМ, но дека Владата и премиерот се отворени за секаков предлог и иницијатива која има за цел да помогне.

- Не е пристигнато официјално барање до Владата, ниту пак има иницијатива од СДСМ. Забележани се само најави од медиуми. Вакви сериозни ситуации налагаат сериозен пристап. Владата и премиерот се отворени за секаков предлог и иницијатива која има за цел да помогне, велат од Владата за МИА.

Претседателот на СДСМ Венко Филипче кој синоќа гостуваше на Донаторската вечер за помош на семејствата на настраданите и повредените во пожарот во Кочани организирана од ТВ Канал 5, најави дека идната недела во Собранието ќе ги повика на средба лидерите на најголемите политички партии на кои ќе им го презентира неговиот план - што тој смета дека е обврска да се направи за државата бидејќи, рече, „очигледно е дека конвенционалните начини на водење на политика, на политичка борба, не даваат доволно брзо резултати“.

-Не се доволни само зборовите дека ни е потребно единство, дека ни е потребно некакво обединување. Тоа треба да го претвориме во вистински дела и вистински чекори зашто тоа е нешто што најмалку може да го направиме за 60-те семејства, 59 кои останаа без деца, другите што кои имаат стотина деца на лекување и, секако, целото општество кое гледаме сега како бара некакви промени. Младите излегуваат на улица и бараат промена, а младите се категорија граѓани кои не ги интересира ниту минатото, ниту сегашноста, туку ги интересира иднината. И ние треба добро да размислиме како политичари што треба да направиме, рече Филипче.

ЕУ е „подготвена“ да обезбеди поддршка по земјотресот во Мјанмар и Тајланд

Претседателката на Европската комисија, Урсула фон дер Лајен денеска изјави дека блокот од 27 нации е подготвен да помогне по силниот земјотрес од 7,7 степени според Рихтеровата скала, што ги погоди Мјанмар и Тајланд.

ЕУ е „подготвена“ да обезбеди поддршка по земјотресот во Мјанмар и Тајланд

„Потресни сцени од Мјанмар и Тајланд по разорниот земјотрес. Моите мисли се со жртвите и нивните семејства. Подготвени сме да обезбедиме поголема поддршка“, напиша Фон дер Лајен на мрежата Икс.

притисни ентер