Македонија

Касами ретерира за поддршката за Дехари во Кичево по јавните прозивки од премиерот Мицкоски

Кичево не се создава со кандидати што се расправаат и жртвуваат во име на јазикот, знамето, историјата, пишува во негова објава Фатмир Лимани од Вреди, кој испадна од трката за градоначалник на Кичево...

Биљал Касами ретерира за поддршката за Фатмир Дехари за Кичево. По јавните прозивки од премиерот Мицкоски тој денеска во изјава за медиумите се повика на партиското соопштение испратено претходно денеска во кое Вреди се дистанцира од ставовите на Касами и ги повикаа луѓето од Кичево сами да ја донесат пресудата за Дехари, за кого уште во кампањата повикале да се повлече по објавувањето на компромитирачките материјали. Касами во изјавата вети и дека ќе биде градоначалник на сите граѓани на Тетово без разлика на етничката проипадност.

Премиерот Мицкоски во празничниот говор вчера му одговори на Касами дека секоја акција има реакција откако тој во ТВ дебата пред неколку дена отворено кажа дека покрај за Кичево поддршка за албанските кандидати ќе дадат и во другите места кадешто Албанци и Македонци влегоа во вториот круг, а истото го очекува и од ДУИ за нивните кандидати.Вечерта на митинг во Аеродром Мицкоски порача дека ВМРО-ДПМНЕ се жртвувале со поддршката на кандидатите на Вреди, а за возврат не добиле ниту почит.

- Понекогаш, додека ги реализиравме овие стратешки цели крваревме како ВМРО-ДПМНЕ и поднесовме жртва. Не беше лесно, многу ми беше тешко кога ги гледам нашите сопартијци од Тетово, Гостивар, Струга, Чаир, Дебар и за тоа плативме цена и за тоа има жртва. И ние не бараме ништо, не бараме за возврат ништо затоа што имаме цел, ние бараме почит за жртвата којашто сме ја дале за друг, не ја добивме и тоа нема да го заборавиме, изјави Мицкоски.

Промената на ставот на ВЛЕН ја најави уште синоќа Фатмир Лимани, кој испадна од трката за градоначлник на Кичево, со објавата на социјалните мрежи што во јавноста беше протолкувана како поинаков став од тој Биљал Касами за гласање по етнички клуч во вториот круг.

-Кичево не се создава ако се бара под сенката или знамето на албанизмот да се дегенерира до незамисливи нивоа, да се изгубат моралните вредности што потоа се продаваат како национални вредности. Кичево не се создава со кандидати што се расправаат и жртвуваат во име на јазикот, знамето, историјата, хероите со кои немаат никаква генетска врска, ниту пак ги карактеризира нивната храброст. Кичево не се создава со пароли дека треба да остане „наше“ или дека повторно ќе биде „наше“, затоа што тоа „наше“ (нашите деца и внуци) секојдневно си заминува во странство., напиша Лимани.

Од друга страна, коалицијата веќе даде јавна поддршка на кандидатот за градоначлник на Скопје од ВМРО-ДПМНЕ, Орце Ѓорѓиевски, и кандидатите на ЗНАМ во Куманово и Центар – Максим ДИмитриевски и Мирослав Лабудовиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија се соочува со сериозна закана, кажа Мерц откако бил пронајден уште еден вооружен дрон кај аеродромот во Лајпциг

Експлозивни дронови пронајдени во близина на аеродромот во Лајпциг покажуваат дека Германија е под закана, изјави канцеларот Фридрих Мерц откако беше објавено дека бил откриен уште еден ваков уред.

„Нападот со беспилотни летала во Лајпциг, меѓу другото, покажува дека се соочуваме со многу реални закани. германија е под зголемен надзор од хибридни напаѓачи“, рече Мерц. Германските власти за борба против тероризмот отворија истрага на 5 август откако еден вработен на аеродромот во Лајпциг пронајде дрон што носел експлозивна направа, на која детонаторот очигледно откажал. Истражителите пронашле уште еден дрон на 14 август во близина на аеродромот во Лајпциг.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски за Јотова: Нема да навлегувам во дискусија со луѓе заглавени во минатиот век

„Нема да навлегувам во било каква дневна дискусија со луѓе кои што се заглавени во минатиот век, со своите политики кои што ги водат“.

Тоа изјави премиерот Христијан Мицкоски одговарајќи на новинарско прашање во однос на изјавите на бугарската претседателка Илијана Јотова.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар кај Градско, пренасочени ер-тракторите од Китка

Во повеќе делови од земјава денеска се активни пожари на отворен простор.

Центарот за управување со кризи информира дека до 13 часот се регистрирани вкупно 11 пожари, од кои шест сè уште се активни, еден е ставен под контрола, а четири се целосно изгаснати. Продолжува интензивната интервенција за ставање под контрола на пожарите во селата од областа каршијака, а директорот на дирекцијата за заштита и спасување Стојанче Ангелов информира дека сериозен пожар избил пожар во општина Градско, а поради неговото ширење пренасочени биле и ер-тракторите. Наведе дека итно биле испратени противпожарни екипи од Велес, Неготино и Кавадарци, но не биле доволни да се сопре огнената стихија којашто се движела со голема брзина, поради што ги пренасочил ер-тракторите коишто од рано утрово дејствувале на големиот пожар на планината китка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.