Касами отфрла каква и да е поддршка на ВРЕДИ за Дехари во Кичево, вели погрешно бил разбран - Канал 5

Македонија

Касами отфрла каква и да е поддршка на ВРЕДИ за Дехари во Кичево, вели погрешно бил разбран

Јас не можам да застанам во поддршка на еден кандидат кој му наштети на Кичево –на три дена пред изборите Биљал Касами го смени ставот за Фатмир Дехари и категорично отфрли било каква поддршка од Вреди за кандидатот на ДУИ во вториот круг. 

Касами отфрла каква и да е поддршка на ВРЕДИ за Дехари во Кичево, вели погрешно бил разбран

Една недела по контроверзното интервју за албанска телевизија во кое изјави дека ВЛЕН ќе го поддржат Дехари во Кичево наместо кандидатот на ВМРО-ДПМНЕ Александар Јованоски, Касами во вчерашното интервју за „Алсат-М“ кажа дека неговата изјава била прогрешно протолкувана, а Дехари според него е најслабиот кандидат на ДУИ, кој не донесл ништо добро во Кичево и покажал неморално однесување. Жестоката реакцијата на премиерот Мицкоски за неговата првична изјава рече дека не ја гледа како опомена бидејќи бил изваден од контекст.

– Прво не сметам дека имаше дисциплинирање. Напротив, ние треба да го имаме во предвид контекстот, местото и медиумот во кој беше дадена една таква изјава и самиот контекст во кој отпосле беше пренесена, како изјава што после целосно ја извади од суштинската идеја. И покрај фактот што ние би поддржале кандидат Албанец, бидејќи сметаме дека би бил подобар кандидат за сите граѓани, во овој случај на Кичево, не можеме да застанеме позади еден кандидат кој ДУИ од моментот кога го извади, го извади за да го изгуби Кичево – изјави Касами.

Лидерот на ВМРО-ДПМНЕ Христијан Мицкоски вчера го помина денот во Кичево, од каде испрати пораки за обединување на изборите во недела за нивниот кандидат, без разлика како што рече етничката, верската и политичката припадност. Тој упати жестоки критики до ДУИ и Дехари и ги повика Кичевци да веруваат во вредности, а не како што рече, во приказни.

-Секој оној кој ќе биде исправен пред предизвикот дали да го поддржи Александар или неговиот против кандидат, нека се присети на вредностите кои ги застапува Александар и вредностите кои ги застапува неговиот против кандидат. Дали вие сакате да живеете во средина во којашто ќе владеат криминалот, блуд, разврат и уцени? Дали сакате Кичево да биде домаќин на блуд, разврат, криминал и уцени? Заборавете на етничката припадност, сетете се на вашите ќерки, на вашите внуки, дека некоја од нив може да биде жртва на овој човек. Затоа, кога ќе го имате пенкалото во рака, верувајте во вредности, не во басни, не во приказни, порача Мицкоски во Кичево.

Мицкоски и Вреди ја смирија топката по острите пораки во јавноста минатата недела. Освен интервјуто на Касами, меѓуентичките тензии се подгинаа и по настапите пред дијапсората на кандиатот на Вреди за Бревница, Хаќим Рамадани, кој заедно со кандиатот на ДУИ повикуваа за етничко гласање – од кои Вреди се огради како лични ставови.

Тагови: касами Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Четири мажи избодени со нож во центарот на Лондон, жена уапсена

Четири мажи беа избодени со нож во лондонската населба Ковент Гарден во среда, а полицијата уапси жена во нејзините 40-ти години.

Четири мажи избодени со нож во центарот на Лондон, жена уапсена

Жената е приведена под сомнение за напад и поседување оружје, објави Скај њуз.

Ковент Гарден е една од најпознатите туристички области во центарот на Лондон.

Повредените се однесени во болница

Службите за итни случаи им пружиле помош на повредените на местото на настанот, по што биле однесени во трауматски центар во близина на центарот на градот.

Тежината на нивните повреди сè уште не е објавена.

Лондонската полиција соопшти дека првичните информации сугерираат дека инцидентот е поврзан со менталната состојба на осомничената.

Фото: ВИ

Тагови: жена Лондон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Отстранети опасни гранати во Кумановско и од водата на Охридско Езеро

При пронаоѓање заостанати гранати, бомби, па и оружја од минатите војни и конфликти и се што личи на тоа, граѓаните не треба да го допираат или поместуваат.

ДЗС: Отстранети опасни гранати во Кумановско и од водата на Охридско Езеро

Дирекцијата за заштита и спасување (ДЗС) отстрани опасни неексплодирани експлозивни средства (НУС) – гранати и други оружја од минатите војни во почетокот на август, што беа пронајдени и во Кумановско и на крајбрежјото, во водата на Охридско Езеро, со асистенција на МВР и учество и на други служби и институции од државата.

Конкретно, Дирекцијата за заштита и спасување (ДЗС) ги отстранува согласно стандардните оперативни процедури (СОП), безбедно, се до нивно целосно уништување, преку вработените пиротехничари. Прво беа отстранети две артилериски 75-милиметарски гранати кај село Мургаш, Кумановско. Потоа, од Охридско Езеро близу брегот кај Љубаниште, е пронајдена рачна бомба од Прва светска војна. Интервенциите беа спроведени од ДЗС во координација и со соодветни мерки со повеќе институции со МВР, при што во Охридско помагаше СВР Охрид со езетската полиција на пиротехничарот на ДЗС, Зоран Пејев.

Инаку, при пронаоѓање заостанати гранати, бомби, па и оружја од минатите војни и конфликти и се што личи на тоа, граѓаните не треба да го допираат или поместуваат, туку едноставно да се јават за локацијата со опис на тоа што виделе и пронашле, на Единствениот повикувачки број 112 во ЦУК, по што ќе се преземат соодветни мерки од институциите според стандардни оперативни процедури и пиротехничарите на ДЗС соодветно ќе ја остранат опасноста по граѓаните и материјалните добра.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дејство на „ер трактор“ на ДЗС за целосно гаснење на пожарот во кавадаречко (ВИДЕО)

Дејство на еден од авионите „ер трактор“ на Дирекцијата за заштита и спасување за целосно гаснење на пожарот во кавадаречко.

Дејство на „ер трактор“ на ДЗС за целосно гаснење на пожарот во кавадаречко (ВИДЕО)

На видеото се гледа дел од вчерашното воздухопловно дејство на противпожарните авиони „ер трактор“ на ДЗС за целосно гаснење - ликвидација, на пожарот во кавадаречко.

YouTube video

Тагови: ДЗС ер трактор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер