Кошарка

Карпош Соколи му пружи силен отпор на фаворитот Партизан

Кошаркарите на Карпош Соколи загубија синоќа на гостувањето кај Партизан со 76:72 во меч од 17. коло од АБА лигата во кој одиграа рамноправно со силниот ривал кој е во серија од осум победи во ова натпреварување.

Хендикеп за македонскиот претставник беше и долгото и напорно патување кон српската престолнина поради лошите временски услови и сообраќајна несреќа на автопатот Скопје - Белград.

„Соколите“ беа подобар противник на стартот од средбата, по што домаќинот го засили ритамот, но средбата беше релативно изедначена се до крајот на првото полувреме кое заврши со само плус три за црно-белите (34-31). Белграѓани клучната предност ја обезбедија во третиот период, кој го добија со десет поени разлика (26-16), а по само неколку минути во последната четвртина ја имаа најголемата позитива од 16 разлика (63-47). Но, тоа не ги откажа избраниците на тренерот Драган Николиќ, кои максимално се бореа до самиот крај, што им донесе убедливо добиени последни десет минути (25-16) и чесен пораз во пресметка со еден од најдобрите тимови во моментов во АБА-лигата.

Бојан Трајковски со 19 поени и Зоран Вркиќ со 18 поени и седум скока беа најдобри кај „карпошовци“, а двоцифрен поентерски ефект имаа уште и Кендрик Пери со 12 и Драган Зековиќ со 10 поени.

Соколи имаат ефект 5-12 (победи-порази) и се моментално на 9.место, додека Партизан е втор со учинок 14-3.

Следен противник на Карпош Соколи во дебитантскиот настап во друштво на најдобрите екипи на просторот на поранешна СФР Југославија е за седум дена кога во „Борис Трајковски“ ќе гостува загрепска Цибона, тимот со кој денеска ќе се сретне вториот македонски претставник во регионалното натпреварување, МЗТ Скопје Аеродром. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 28.09.2026 до 02.10.2026 зема 200 примероци за физичко-хемиска и 200 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.