Но, за Велигден пулсира во знакот на христијанството... Голем број верници годинива пристигаа во црквата, како што велат, да посведочат на чудо, и со молитва секој од нив се обидуваше да дојде и да влезе во древната црква на светиот гроб, за да се поклонат пред него ... Се смета дека во Базиликата на Светиот Гроб, нарекувана и Црква на Воскресението, е местото каде бог бил погребан ... За да се влезе во „светиот гроб“ кој се наоѓа во црквата се чека со часови...па внатре има редици верници што по цел ден стојат во колона пред него...

-Свеќа за мир и здравје... Илјадници верници дојдоа тука, во Црквата на светиот гроб за да го допрат каменот и да помолат...

Тука се наоѓа и плочникот на кој било положено христовото тело, па верници оставаат молитви испишани на хартија,

На момент ги оставаат и чантите или марамите за да се впие мирисот од плочникот па парчето ткаенина за да биде благословено... Секој се поклунува на различен начин...

Голем број на луѓе се собираат и во сабота кога според христијанското верување се случува нешто невообичаено кое верниците го сметаат за доказ за верата. Тие раскажуваат оти во пресрет на христовото восресение преку зрак светлина од небото се создава оган што се смета за благодатен. Се уште велат, не се ни свесни дека искусиле духовен момент што ќе го паметат целиот свој живот.

-Тоа треба да се доживее. На сите им посакувам да дојдат и да го доживеат ова што јас го доживеав. Да можат да посведочат. Христијанската вера сведочи дека бог восреснува и дека бог е тука со нас, повеќе од 2.000 години.

-Ова е нешто особено, нешто што ќе ми остане и во срцето и во душата за целиот мој живот. И секогаш би доаѓала тука во светата земја.

-Овде навистина се е чудо. Едноставно, не сме се уште свесни дека дојдовме и се поклонивме тука, ова е најголема светост за православните христијани од цел свет.

Во Ерусалим, за Велигден има и Македонци. Оние што ги сретнавме кажаа дека дошле туристички, а помеѓу нив беше и малата Дарија. Таа пред камерата на Канал 5 раскажа што видела преку нејзините детски очи.

Она што остава впечаток се поворките на деца кои носеа знамиња и големи икони, марширајќи, свирејќи со гајди и тропајќи со тапани, во ист ритам ...

Иако невообичаено одбележување за македонските христијани, ова е неповторлива слика што може да се види низ древните улици на стариот град Ерусалим само за Велиден ...

Вака се земаше благодетниот оган од тука, а првпат македонска делегација дојде да го земе светиот оган.... Митрополит Тетовско – гостиварски г. Јосиф вели дека ова се денови за најголема радост за христијаните.

И тука, за празничните денови се потврдува дека само преку меѓусебна и комплетна почит се постигнува напредок и хармонија вели Даријан Сотировски, директор на Државната комисија за односи со верските заедници и религиозни групи, кој беше дел од македонската делегација за Велигден беше во Израел.

Израелските власти годинава воведоа посебни мерки за безбедност, па за преземањето на благодетниот оган не се пропуштаа голем број верници.

Дополнителни контроли на патници по случаен избор имаше и на аеродромите.

За Велигден најсилно обезбедување имаше во стариот град, кој инаку е поделен на четири населби: еврејска, христијанска, исламска и ерменска. Над тесните сокаци што водат до црквата се забежуваа безбедносни камери, а на секој чекор има вооружени полициски службеници и специјални воени единици.

Иако изминатиот период имаше вооружени инциденти, официјалните појаснувања на израелските власти се дека строгите чекори за безбедност се превземаат за да се избегнат стампеда и повреди на огромниот број на верници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.