Канадската покраина Квебек се надева на дожд и странска помош во борбата против пожарите

Канадската провинција Квебек се надева дека дождот и помошта однадвор би можеле да помогнат во борбата против повеќето од 100 шумски пожари што произведуваат обрачи чад што ги задушуваат градовите на брегот на Атлантикот.

Официјални лица од покраината наведуваат дека до понеделник ќе има околу 1.200 пожарникари, вклучително и повеќе од 100 од Франција, кои ќе се борат со пожарите во шумската провинција со само 8,5 милиони жители, која зафаќа површина поголема од Германија, Шпанија и Франција заедно.

-Се предвидува малку дожд... и во следните неколку дена постои ризик ситуацијата да остане критична. Но доаѓањето на француските пожарникари навистина ќе помогне, изјави министерката за шумарство Мајт Бланшет Везина.

До синоќа низ цела Канада имаше 422 активни пожари, од кои 125 во Квебек. Канадските шумски пожари редовно се случуваат во потоплите летни месеци, но обемот на сегашните пожари - и нивното толку рано појавување - е без преседан.

Федералниот метеоролог Џералд Ченг вчера изјави дека врнежите се очекуваат во Квебек во текот на викендот, но додаде дека „останува да се види дали тој дожд ... е доволен за гаснење на пожарите“.

Властите во пацифичката провинција Британска Колумбија, каде што беа евакуирани неколку мали населби, малку спомнуваат за напредок во гаснењето на пожарите.

-Условите се многу суви во моментов. Бидете внимателни за да можеме да дадеме се од себе за да избегнеме катастрофална сезона на пожари, изјави премиерот на Британска Колумбија, Дејвид Еби.

Од градовите во северниот дел на Квебек евакуирани се повеќе од 13.000 лица.

Министерката Везина изјави дека некои патишта, што беа затворени, сега повторно отворени, додавајќи дека „се оди во вистинска насока“.

Запрашан за потенцијалот да им се дозволи на луѓето да се вратат дома, министерот за јавна безбедност на Квебек, Франсоа Бонардел, кажа: „Јасно е дека ситуацијата може да остане проблематична до понеделник навечер“. /МИА

Во тек реставрација на пештерската црква „Света Богородица“ на островот Мал Град, кај Пустец

 Со европски пари се реставрира црквата „Света Богородица“ на островот Мал Град, кај Пустец, Мала Преспа, под надѕор на Регионалната дирекција за национална култура од Корча.

-Во тек е реставрацијата на црквата „Света Богородица“ на островот Мал Град, каде на виделина излегуваат дел од извонредни византиски фрески. Во исто време се поставува и надворешната врата, изработена врз основа на оригиналната, која се наоѓа во Музејот на средновековна уметност во Корча, објави општина Пустец. Со овој прекуграничен проект кој е продолжение на проектот „SmartCulTour“ ќе биде санирана и патеката до неа, а ќе биде поставено и осветлување на островот, информираа од општина Пустец.

Додаваат дека проектот е финансиран од Европската Унија преку ИПА Програмата за прекугранична соработка и со заложба на општините Битола и Пустец, како и Дирекцијата за музеи од Битола, Регионалната дирекција за културно наследство Корча и Младинскиот културен центар од Битола.

Оценуваат дека „оваа соработка ќе го подигне односот меѓу нашите институции и држави на друго ниво“

Пештерската црква „Света Богородица“, со својот фрескоживопис отскокнува од другите пештерски цркви расфрлани по бреговите на Преспанското и Охридското Езеро.

Островот Мал Град се наоѓа на три километри североисточно од Пустец на југоисточниот брег на Преспанското Езеро.

Врз основа на записите сочувани на неа, оваа црква претрпела три измени. Во првиот натпис пишува дека основач на црквата е Бојко со жена му Евдокија во 1345 година. Во вториот натпис, пишува дека црквата е возобновена во 1369 година од Кесар Новак, неговата жена Кали, неговиот син Амирал и неговата ќерка Марија. А, третиот натпис датира во 1607 година, кога е насликана надворешната западна фасада. Внатрешноста на црквата е целосно живописна и е доста позната по ѕидните фрески од византискиот палеолошки стил.

Видео: Ники Минаж уапсена поради дрога, снимила се и објавила: „Ме наместија“

Контроверзната раперка Ники Минаж е уапсена на аеродромот Шипхол во Амстердам во Холандија, јавуваат локалните медиуми, а пренесува Скај њуз. 

Раперката го снимила нејзиното апсење и се` објавила на социјалните мрежи.

На снимката се слуша како полицаецот и вели: „Ти си уапсена“.

"Се обидоа да ме спречат да дојдам на концертот. Ми ги земаа торбите пред да ги видам. Ги ставија во авионот. Сега велат дека чекаат царина. Вака изгледа кога луѓето се дебело платени пари за да се обидат да ја саботираат турнејата откако сè останато не успеало“, се пожалила таа.

Холандската полиција соопшти дека 41-годишна Американка била уапсена под сомнение дека поседувала лесни дроги, но не го навела името на жената за која станува збор. Уметницата наводно се подготвувала да лета за Манчестер на концерт во арената Co-op Live каде што требало да настапи.

КФОР демантира дека учествувал во преговори за повлекување на Срби од Бањска

Кфор денеска ги демантираше тврдењата од неодамнешниот извештај на Меѓународната кризна група (МКГ) дека учествувала во наводните преговори за повлекување на група „српски борци“ по настаните во селото Бањска минатата година.

„Тоа не е точно. Кфор во ниту еден момент не бил вклучен во наводните преговори“, се посочува во соопштението на Кфор.

Во соопштението се демантираат наводите од извештајот на МКГ дека по настаните во Бањска во септември минатата година, припадници на КФОР преговарале за „повлекување на група српски борци во околните шуми, од каде исчезнале“.

притисни ентер