КАМПАЊА ЗА ЕЛЕКТРИФИКАЦИЈА: „ PUMPED WITH ENERGY (ИСПОЛНЕТА СО ЕНЕРГИЈА) – OPEL MOKKA ELECTRIC“ - Канал 5

КАМПАЊА ЗА ЕЛЕКТРИФИКАЦИЈА: „ PUMPED WITH ENERGY (ИСПОЛНЕТА СО ЕНЕРГИЈА) – OPEL MOKKA ELECTRIC“

"Pumped with energy (Исполнета со енергија) – Opel Mokka Electric!" Ова е тврдењето на новата европска кампања на Opel за најпродаваниот електичен SUV на „Blitz“. 

КАМПАЊА ЗА ЕЛЕКТРИФИКАЦИЈА: „ PUMPED WITH ENERGY (ИСПОЛНЕТА СО ЕНЕРГИЈА) – OPEL MOKKA ELECTRIC“

• Полна со енергија: Mokka Electric „го заведува“ кабелот за полнење кој „танцува“

• Привлекува погледи: смел и елегантен дизајн на SUV бестселер моделот кој воодушевува

• Заклучок: Jung von Matt создаде извонредна рекламна кампања од 360°

"Pumped with energy (Исполнета со енергија) – Opel Mokka Electric!" Ова е тврдењето на новата европска кампања на Opel за најпродаваниот електичен SUV на „Blitz“. Opel Mokka е смела, елегантна и пред сè: електрифицирана. Mokka Electric не само што овозможува одговорно уживање при возењето со нула емисии, исто така висински привлекува погледи. Буди емоции и чувството „го сакам“. И исто како и Mokka Electric, клипот и сите придружни дигитални и печатени формати се издвојуваат. Бидејќи „ѕвездата“ покрај самата Mokka Electric, е светло жолт кабел за полнење што оживува кога ќе наиде на привлечниот SUV.

„Opel е прогресивен бренд – фокусиран на најважното. Ја водиме електрификацијата напред за да им овозможиме на нашите клиенти да уживаат при возење без емисија и инспиративна, привлечна мобилност. Сето ова е отелотворено во нашиот неверојатен SUV модел – Opel Mokka Electric – и совршено се одразува во новата кампања, каде што дури и кабелот за полнење е заведен од моделот. Можете да ја почувствувате енергијата што ја зрачи овој автомобил. И не само на ТВ, исто е во сите медиумски формати. Со своите перформанси, најсовремена технологија и дизајн, Opel Mokka Electric е исполнета со енергија!“, изјави Rebecca Reinermann, потпретседател за маркетинг на Opel.

“Pumped with energy” (Исполнета со енергија): Opel Mokka Electric го заведува кабелот – „кобрата за полнење”

Кампањата се одвива во живо низ Европа од 15 мај во различни медиумски формати. Во клипот, кој сега се емитува на главните ТВ канали, кабелот за полнење се лизга околу Mokka Electric како кобра, очигледно фасциниран од компактното, неконвенционално електрично возило на Opel. Прво, кабелот нежно се лизга преку смелиот и елегантен капак на мотор, а потоа ја проверува внатрешноста со целосно дигиталниот кокпит Pure Panel. Конечно, се отвора вратичката за полнење. “Chrging cobra” („Кобратa за полнење“) не покажува двоумење и се впушта да ја снабди Mokka Electric со енергија.

Daniel Schweinzer, извршен креативен директор на Jung von Matt HAVEL, изјави: „Многу брендови на автомобили практично ги кријат електричните кабли во нивната комуникација. Со нашата кампања за Mokka, го правиме спротивното: покрај главниот лик го истакнуваме и кабелот како симбол на електричната мобилност. И, се разбира, кабелот е веднаш заведен од Mokka - очигледно еден од најатрактивните електрични автомобили на пазарот“.

Јасна изјава: вредностите на брендот и карактеристиките на Mokka Electric накратко

Mokka беше првиот модел на Opel кој го носеше лицето на брендот Opel Vizor и Pure Panel кокпитот. И тоа беше првото возило во портфолиото на германскиот производител на автомобили кое беше достапно како електрична верзија уште од самиот почеток. Со тоа го отвори патот за понатамошните модели на Opel и столбовите на брендот – Modern German (Модерен германски дух), Greenovation и Detox (Детокс). Исто така, ужива постојана популарност и стана бестселер низ Европа. Минатата година целосно електричната верзија веќе сочинуваше 29 % од целата продажба на Mokka. Во Германија тој број беше уште поголем и изнесуваше 43 %.

Автомобилот е буквално полн со енергија - а одговорните во агенцијата Jung von Matt HAVEL, кои работат за Opel од почетокот на годината, сумираа што го карактеризира брендот и особено Mokka Electric во нивната прва кампања за производителот на недвосмислен, емотивен и допадлив начин.

Искусете ја Mokka Electric: на сите канали

Тврдењето „ Pumped with energy (Иполнета со енергија) – Opel Mokka Electric“ може да се види низ Европа на сите популарни канали: покрај ТВ-рекламирањето, Opel користи големо, дигитално рекламирање „надвор од домовите“, во градовите за да го привлече вниманието кон новата кампањата и Mokka Electric. Покрај тоа, видеата, рилсовите и слично ќе ја рашират веста на социјалните мрежи и другите дигитални канали. И, се разбира, рекламите со голем формат ќе се појавуваат во високо тиражните печатени медиуми.

Добитникот на наградата „Златен управувач 2021“ не само што ги привлекува погледите со својот смел, елегантен дизајн - тој импресионира и со своите перформанси. Електричниот мотор со 100 kW/136 КС и 260 Nm максимален вртежен момент овозможува моќно и тивко возење. Со батеријата од 50 kWh може да поминете до 338 km без емисија на штетни гасови според WLTP. Регенеративниот систем за сопирање ја прави Mokka Electric уште поефикасна. Ова овозможува да се поврати енергијата при возење или сопирање. А батеријата може да се наполни до 80 проценти за околу 30 минути користејќи станица за полнење со директна струја од 100 kW.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кети Пери подготвува одмазда против екс сопругот Расел Бренд

Кети Пери подготвува одмазда против екс сопругот Расел Бренд, по пресудата, светската музичка ѕвезда сака да ги открие мрачните тајни од нивниот брак.

Кети Пери подготвува одмазда против екс сопругот Расел Бренд

Откако нејзиниот поранешен сопруг, комичарот Расел Бренд, беше прогласен за виновен за силување и сексуален напад, пејачката Кети Пери наводно размислува за првпат јавно да ги изнесе сите детали од нивниот бурен брак.

Според британските медиуми, поп-ѕвездата сака да ја раскаже својата верзија на приказната преку автобиографија, како и преку документарна серија која би можела да биде достапна на некоја од големите платформи за стриминг.

Како што пренесува „Мејл он сандеј“ (Mail on Sunday), преговорите за овој проект наводно веќе се започнати, а нејзиниот тим стапил во контакт со „Нетфликс“ (Netflix) и „Хулу“ (Hulu).

Според извори, пејачката со години одбивала понуди да зборува за својот поранешен сопруг, чекајќи да завршат судските постапки против него. Со години таа молчеше за својот брак со контроверзниот комичар.

Мегапопуларната Пери наводно сакала да почека да заврши судењето пред да одлучи дали пред јавноста ќе открие што се случувало зад затворените врати на нивниот дом. – Кети со текот на годините добила неколку понуди да ја раскаже својата приказна, но не сакала да разгледа ниту една од нив пред да заврши судењето. Од тој брак има многу работи што јавноста не ги знае. Тоа беше многу мрачен период од нејзиниот живот – изјавил извор за британскиот весник.

Расел Бренд минатата недела во Лондон беше прогласен за виновен за силување и сексуален напад врз неколку жени. Злосторствата за кои е осуден се случиле во периодот од 2004 до 2009 година, пред тој да се ожени со познатата пејачка.

Љубовната приказна на Кејти Пери и Расел Бренд некогаш изгледаше како бајка. Тие се венчаа во 2010 година во Индија, но нивниот брак не потрае ниту година и пол. Пејачката претходно откри дека за одлуката за развод дознала преку текстуална порака.

Со години по разделбата, таа навестуваше дека во нивната врска имало многу повеќе отколку што некогаш му открила на јавноста. Исто така, призна дека на почетокот се обвинувала себеси за крајот на бракот, но дека со текот на времето ја дознала вистината. – Мислев дека јас сум виновна што бракот заврши, но потоа ја дознав вистинската вистина – изјави таа тогаш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Басани од Светската банка: Народната банка е силна институција што придонесува за стабилен и отпорен банкарски сектор

Народната банка има докажани резултати во зачувувањето на монетарната и финансиската стабилност. 

Басани од Светската банка: Народната банка е силна институција што придонесува за стабилен и отпорен банкарски сектор

Таа придонесе за создавање стабилен и отпорен банкарски сектор и за зајакнување на капацитетите на земјата за управување со економијата во согласност со европските стандарди, оценува Антонела Басани, потпретседателка на Светската банка за Европа и Централна Азија, во интервју по повод одбележувањето 80 години централнобанкарско работење во државава.

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите. „Во Северна Македонија, кредибилната и независна централна банка има суштинско значење за зачувувањето на монетарната и финансиската стабилност во периоди на значителна глобална економска и геополитичка неизвесност. Групацијата на Светската банка е горда на извонредното партнерство што го градиме со Народната банка во изминативе децении, како и на напредокот што го постигнавме заедно“, посочува Басани.

Како значајни достигнувања од долгогодишната соработка, Басани ги издвојува модернизацијата на платежниот систем, пристапувањето на земјата кон Единствената област за плаќања во евра (СЕПА) и подготовките за воспоставување национален систем за инстант плаќања, заснован врз моделот на Европската централна банка. Според неа, овие достигнувања покажуваат како долгорочната соработка придонесува за градење посилни институции и носи конкретни придобивки за граѓаните и компаниите. „Овие придобивки ја зајакнуваат економската интеграција преку поедноставно и поевтино испраќање и примање средства низ Европа, а истовремено им овозможуваат на компаниите, особено на малите и средните претпријатија, полесно да инвестираат, да се натпреваруваат и да растат“, нагласува Басани.

Притоа, таа ја нагласува и значајната улога на Народната банка во процесот на европската интеграција. „Со напредокот на земјата во процесот на пристапување кон Европската Унија, Народната банка ќе има клучна улога во усогласувањето на финансиската регулаторна рамка со правото на ЕУ, вклучително и во областа на прудентната регулатива, супервизорските практики, механизмите за управување со кризи и осигурувањето на депозитите, платежните системи, како и новите европски стандарди во областите на одржливите финансии и дигиталната отпорност“, порачува потпретседателката на Светската банка, Басани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Одложена прес конферецнија во земјоделство за кравите во Крива Паланка

Денеска не се одржа вториот состанок во министерството за земјоделство за проблемот со кравите во Крива Паланка и се одложи прес конференцијата, потврди градоначалникот на Крива Паланка, Сашко Митовски.

Одложена прес конферецнија во земјоделство за кравите во Крива Паланка

На првиот состанок заедно со министерството за земјоделство и Агенцијата за храна било предложено план за делување.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер