Камионите блокирани на Ќафасан почнаа да минуваат низ Дебар и продолжуваат преку граничниот премин „Блато“ - Канал 5

Македонија

Камионите блокирани на Ќафасан почнаа да минуваат низ Дебар и продолжуваат преку граничниот премин „Блато“

 Врз основа на договорот на македонските и албанските надлежни служби камионите блокирани на Ќафасан почнаа да минуваат низ Дебар и продолжуваат преку граничниот премин „Блато“.

Камионите блокирани на Ќафасан почнаа да минуваат низ Дебар и продолжуваат преку граничниот премин „Блато“

За само неколку часа, преку граничниот премин „Блато“, на македонско – албанската граница кај Дебар, минаа најмалку 30 камиони, кои беа блокирани на преминот „Ќафасан“, кај Струга, како и други камиони кои биле известени дека не може да го продолжат патот кон Албанија од преминот кај Струга.

Според Локалната дирекција за граница и миграција во Корча, на камионите им е дозволено да транзитираат со ист транзит и документација, како и на оние возила што се веќе царинети, а доколку имаат оштетени пломби, ќе бидат повторно поставени нови.

Четири дена транспортните камиони беа блокирани на граничниот премин Ќафасан поради блокирањето на патниот правец ГП „Ќафасан„ – Елбасан, делница Либражд-Перњас поради свлечиште и големи оштетувања на коловозот и мостот кај Прењас.

Малите и лесни возила, меѓу кои и со македонски регистарски ознаки, иако во многу помал број, се движат по спореден пат Малиќ – Моглица – Грамш – Елбасан, каде значително се зголемени патролите на сообраќајната полиција, која апелира на голема внимателност.

Генералниот директор на Царинската управа на Албанија, Бесмир Беја, претходно изрази голема благодарност за разбирањето на македонските власти во правец на надминување на актуелната состојба, со дозволата камионите да минуваат преку „Блато“.

Натоварени камиони или приколки преку „Блато“ ќе минуваат секој ден од 12 до 24 часот, додека нетоварени камиони ќе можат да минуваат 24 часа. На овој премин не се дозволува премин на прехранбени производи од животинско потекло и нафтени производи, категории што мора да поминат низ Косово за влез или излез од Албанија.

Тагови: Ќафасан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер