Со векови стариот „Камени Мост“, кој што го поврзува новиот со стариот дел на градот, неретко се корсти како попатен јавен тоалет.
– Срамота. Самата слика од тунелите згрозува, полни се со смет, расфрлана е дури и облека, а од камената конструкција која што е сквернавена со секакви натписи, веќе почнале да никнуваат трева и дрва.
Овој мост граѓаните велат е од историско значење и го сочинува духот на метрополата.
-Што за вас значи камениот мост – Историјата на Скопје.
-Камениот мост е симбол на градот Скопје.
- Историја.
-Кој може да замисли кога е правен и кој сега може вакво нешто да направи, затоа е многу значаен, не само за мене, за сите.
Но, односот кон една од најстарите градби во главниот град го коментираат како несовесен и омаловажување на овој споменик. нешто што покрај нашите граѓани, како главна атракција го посетуваат и туристите.
Тоа е чувството на луѓето, значи немаат култура, да има култура не би било така, на мостот треба да се внимава и да се чува. Ова е лоша слика за нас. Не би требало да го третираме вака, ама тоа до луѓето зависи. Кога образование на ниво, ќе имаме и одржување на средината во која што живееме. /Го користат како тоалет/ Тоа е појава која од поодамна се случува, тоа е менталниот склоп.
Навечер мостот речиси и да не се истакнува, како што е случај во сите европски метрополи кои ги истакнуваат историските симболи. Повеќе од половина од светлата поставени долж оградата не работат. Директорот на управата за заштита културно наследство пак смета дека совесноста на граѓаните е на добро ниво, според него, бездомниците го прават сметот, па апелираше до одржувачите на редот да бидат поажурни.
-Повеќе би сакал да апелирам до органите на редот, отколку до свесноста на граѓаните. Сметам дека свесноста е на релативно добро ниво, но за жал секогаш ќе имаме социјални случаи, односно за жал имаме бездомници кои штетат на вакви објекти. – Аријан Асланај – Директор на УЗК.
За ваквата состојба на мостот, контактиравме со Град Скопје прашувајќи ги што ќе се преземе за да се промени состојбата во која се наоѓа „камени“ – но досега одговор не добивме.