Македонија

Камбовски со предупредување - не брзајте со измените на кривичниот законик

Да не се избрзува со носење на измените на Кривичниот законик без консултација со стручната јавност, порачува универзитетскиот професор по кривично и академик Владо Камбовски.

Иако вели дека е добро што се прави корекција на спорните измени од 2023 година сепак вели дека под итно мора да се работи на новиот КЗ кој го изготвуваше работна група составена од експерти.

-Во однос на овие сега брзи делумни измени на КЗ добра е иницијативата само ќе треба уште еднаш една поширока консултација со академската заедница, со судии со јавни обвинители, бидејќи знаете материјата на казненото право е исклучително чувствителна материја и видовме како едни зимени во КЗ набрзина протнати предизвикаа вистински потрес во државата во однос на владеењето на правото,- изјави – Владо Камбовски – Академик.

Со предлог измените на КЗ кои вчера до собранието ги достави група пратеници од владејачкото мнозинство, се враќа злоупотребата на службената положба при јавните набавки но со помала казна од претходно односно со горна граница до 10 години затвор. Повисоки казни има и кај злосторничко здружување и несовесно работење. Според Камбовски простор за корекции има посебно кај степенот на одговорност.

-Затоа треба да се отвори тоа прашање, имате различни модалитети на основното дело и квалифицираните облици на делото, така што ќе треба да се усогласат тие степени на одговорност и според тоа и степенувањето на казната за одделните облици кај злоупотребата,- изјави – Владо Камбовски – Академик.

Со предложените измени, освен во делот на злоупотребата на службената положба, се воведува и ново кривично дело во врска со Злоупотреба на снимка, фотогфрафија, аусио запис со сексуално експлицитна содржина, без согласност од лицето, а се врши и ревидирање на кривичните дела од соообраќајот, поврзани со проектот Сејф сити.. Кога ќе се најдат на дневен ред пред пратениците не се знае, а од Минстерството за правда велат дека во меѓувреме продолжуваат да работат на подготовка на нов КЗ и во моментов се врши усогласување со 4 нови ЕУ директиви – за заштита на живторна средина, за семејно насилство, поврат на средства и конфискација и предлог директива за борба против корупција..

Тагови: кривичен законик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кевин Костнер „уловен“ со 31 години помлада девојка

Нова романса на повидок, холивудски актер виден со жена помлада од него за 31 година

Холивудската ѕвезда, актерот Кевин Костнер поттикна гласини за романса откако е фотографиран со 40-годишната Џенифер Милбурн.

71 годишниот Кевин Костнер предизвика нови гласини за романса откако беше фотографиран со Џенифер Милбурн (40), животен тренер од Колорадо.

Ѕвездата на филмот „Танц со волците“ е фотографиран со Милбурн во Санта Барбара, Калифорнија, а според „Дејли мејл“, тие изгледале многу блиски.

Костнер и Милбурн биле забележани и во локалниот супермаркет „Албертсонс“, каде што, според очевидци, купувале житарици, сок од грејпфрут, стекови и зеленчук.

Милбурн потекнува од Аспен, Колорадо, каде што Костнер го поседува пространиот ранч „Данбар“. Кога новинарите стапиле во контакт со неа и ја прашале дали е во врска со актерот, таа наводно го прекинала разговорот.

По разводот од Кристин Баумгартнер во 2023 година – по 18 години брак – актерот постојано се поврзуваше со други жени.

Во 2024 година се појавија гласини дека е во врска со Џенифер Лопез, откако двајцата беа забележани заедно во продавницата „Кемо Сабе“ (Kemo Sabe) во Аспен; сепак, се покажа дека нивната средба немала романтичен карактер.

Подоцна, во 2025 година, Костнер беше поврзуван со Кели Нунан Горс, поранешната сопруга на милијардерот Алек Горс. Во тоа време, извор изјави за „Ас викли“ (Us Weekly) дека тие уживаат во приватна и неформална врска.

Тагови: Кевин Костнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Моќна Барселона – најдобриот старт во историјата на клубот

Фудбалерите на шпанскиот шампион Барселона блескаат на почетокот на новата сезона и имаат седум победи на исто толку натпревари.

Гигантот од Ноу Камп, врза шест победи во Ла Лига и забележа уште една во Лигата на шампионите.

Досега, најдобрите учиноци беа остварени во сезоните 1929/30, 1960/61 и 2018/19, кога Каталонците забележаа шест победи по ред.

Овие седум победи под водство на Ханси Флик ѝ овозможија на Барселона да стекне убедлива предност во Ла Лига, со три бода предност пред Реал Мадрид.

Тие исто така поставија рекордни бројки во однос на постигнатите голови – 33 на седум натпревари, што претставува просек од пет гола по натпревар.

Тимот постигна „само“ два гола на натпреварот против Билбао, четири против Леванте, по пет против Елче, Рајо, Валенсија и Фејенорд, па дури и седум против Расинг.

Во моментотв Барса е и единствениот тим без пораз во Ла Лига по првите шест кола. До поразот од Севиља во средата, таков учинок имаше и Депортиво.

Тагови: БАРСЕЛОНА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопје или див запад? (ВИДЕО)

Деца јаваат коњ на улица Скупи во Скопје, и во еден момент едно од децата паѓа.

На социјалната мрежа Фејсбук е објавена видеоснимка на која се гледаат малолетни деца како јаваат коњ по фреквентна улица, без надзор од возрасно лице и без соодветна безбедносна опрема.

На снимката се забележува и момент во кој едно од децата паѓа од коњот. Засега нема информации за состојбата на детето, ниту дали при падот се здобило со посериозни повреди.

Случајот отвора прашања за безбедноста на децата и одговорноста на возрасните, особено имајќи предвид дека станува збор за улица на која се одвива јавен сообраќај.

Дополнително, се поставува прашањето дали ваквото однесување претставува сериозен ризик за учесниците во сообраќајот и кој би сносел одговорност доколку дојде до сообраќајна несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.