Какви тајни крие оваа колосална статуа од 16-от век? - Канал 5

Какви тајни крие оваа колосална статуа од 16-от век?

435 години опстојува оваа статуа во природно опкружување во Тоскана. Издлабена во карпата, како да извира од самата природа. Делото на уметникот Џовани ди Болоња или Џанболоња (роден како Жан Болоњ) завршено во 1580 година, крие во себе тајна за која малку се знае...

Какви тајни крие оваа колосална статуа од 16-от век?
Статуата е висока 10 метри и претставува маж кој со раката притиска чудовиште, од чија уста тече изворска вода. Позната е како „Allegory Of The Apennines“ и се наоѓа во Вила Ди Пратолино во Тоскана, Италија.



Сега е откриено дека статуата во себе чува интригантна тајна. Неколку тајни простории се скриени во нејзината камена структура. Собите се конструирани така што во нив да може да чивее човек. Овој модел ја покажува поставеноста на просториите во скулптурата.




Не се знае кој ги користел просториите во скулптурата. Според легендата, внатрешноста на главата е користена како камин, а кога ќе бил запален огал, чад излегувал од ноздрите на колосалното уметничко дело.



Дебнеска паркот каде е поставена статуата е отворен за посетители.



Нејзиниот творец, Жан Болоњ, познат како Џанболоња, ја изработил во 1580 година. Тој е роден во Франција во 1529 година а починал во Фиренца 1608 и се смета за најважниот и најоригинален скулптор на 16 век после Микеланџело.

Во 1581 негов современик напишал:

- Неговата најголема желба е да биде еднаков со Миекланџело и според многумина тоа веќе го постигнал, и може да го надмине ако поживее.

Последната мермерна скулптура на Џовани ди Болоња, „Херкул и Кентаур“ која се наоѓа во Фиренца, го покажува неговиот извонреден равој и голема, драматична моќ.





/ извор: brightside.me

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Одделот за внатрешна контрола на Министерството за внатрешни работи ги испитува околностите под кои битолчанецот приведен за физичко и психичко насилство врз 21-годишната партнерка, избегал низ прозорец од СВР Битола и веќе пет дена е во бегство.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Девојката на 10 ноември пријавила дека била физички нападната од партнерот, кој ја давел и ја удирал, по што побарала лекарска помош.

По пријавата, насилникот дошол во СВР Битола во придружба на родител, но, кога му било соопштено дека ќе биде задржан, скокнал низ прозорецот и избегал од полициската станица.

Бидејќи пријавениот сè уште не е пронајден, девојката е сместена во шелтер-центар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СВР Битола го лиши од слобода лицето пријавено за семејно насилство

Денеска полициски службеници од СВР Битола, во координација со бранителот на лицето К.У.(24) и Основното јавно обвинителство Битола, презедоа мерки лицето доброволно да се предаде во СВР Битола.

СВР Битола го лиши од слобода лицето пријавено за семејно насилство

Денеска во 12:00 часот, К.У. доброволно се предал и е лишен од слобода. Со него се врши службен разговор од страна на инспектори од криминалистичката полиција при СВР Битола.

Против него, на 11.11.2026 година, е поднесена кривична пријава поради постоење основи на сомнение за сторени кривични дела „Загрозување при семејно насилство“ по член 144 став 3 и „Телесна повреда при семејно насилство“ по член 130 став 2 од Кривичниот законик.

Се преземаат понатамошни мерки и активности во координација со надлежното Основно јавно обвинителство Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кина и САД разговараа за царините и трговијата

Кина и Соединетите Држави (САД) одржаа прв состанок на трговски совет во рамките на нивниот билатерален механизам за економски и трговски консултации, соопшти кинеското Министерство за трговија. 

Кина и САД разговараа за царините и трговијата

Двете страни преку видео-врска разговараа за аранжман за взаемно намалување на царините – кој опфаќа стоки во вредност од 30 милијарди долари од секоја страна – како и за трговијата со земјоделски производи и други прашања, објави весникот *Global Times*. Во своето соопштение, кинеското Министерство наведе дека разговорите биле искрени и конструктивни.

„Двете страни ќе продолжат да го користат овој совет за решавање на трговските прашања, проширување на соработката и намалување на преостанатите проблеми“, се додава во соопштението.

Хе Јадонг, портпарол на кинеското Министерство за трговија, претходно изјави дека взаемното намалување на царините би можело да помогне во стабилизирање и проширување на вкупната трговија меѓу Кина и Соединетите Држави.

Тој нагласи дека двете страни остануваат во близок контакт во врска со спроведувањето на договорот и го повика Вашингтон да соработува со Пекинг за да се осигура дека оваа трговска рамка наскоро ќе стапи на сила, со што ќе се олесни трговијата со земјоделски производи, пренесува Танјуг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер