Забава

Како да се стигне до Холивуд по сценарио на Игор Томески од Тетово

Уште како дете креираше и продуцираше аматерски филмови, па талентот и ангажираноста беа основа да добие американска факултетска стипендија од 250 илјади долари.

Сега веќе е апсолвент по филмска и телевизиска продукција во Њујорк, но воедно и со силно темпо граби кон филмскиот бизнис и кон Холивуд. Ваква е животната патека на 22-годишниот Игор Томески од Тетово, по која се движи со силни и одлучни чекори, стекнувајќи успех со силната мотивираност, но и талент, трудољубивост и креативност.

Стекнатото искуство веќе го користи за заземање место во американскиот филмски бизнис. Со колегата од факултет Џереми де Бери отвориле филмска и телевизиска продукција со седиште во Њујорк и во Џексонвил. Веќе работат на првиот професионален долгометражен холивудски игран филм „Раса", акциона авантура, за кој се преговара за државно и приватно финансирање. Со оглед на тоа дека се работи за високобуџетен дебитантски филм што ќе биде проект и на Здружението на филмски актери на Америка (Screen Actors Guild of America) и Здружението на писатели на Америка (Writers Guild of America), таргетирани се актери од А и Б-категорија и други креативци од овие професионални здруженија, а веќе се планираат учества и на филмските фестивали во Кан и Санденс.

– Во филмот сум сценарист и продуцент. Режисер е Конор Бреј, кој има повеќе меѓународни награди. Меѓутоа, во нашиот опус на работа не се ограничуваме само на играната комерцијална продукција од типот на Холивуд. Освен такви типови проекти, веќе работиме и на алтернативната сцена, на уметнички филмови и видеа, како и реклами, спотови, документарни филмови и слично. Нашата работа ја гледале, ја препознале и покажале интерес за соработка филмски имиња како Ед Харис, Џонатан Трупер, Шерил Хил Кехејн Коперман, како и бродвејското име Кенет Вирт, и многу други, рече Томески.

За овој филм го има изработено сценариото од 200 страници, а со тоа успева да стане член на Writers Guild of America (Здружение на сценаристи/писатели од Америка), со што здружението ги заштитува правата на сценариото, како и правата на Игор Томески како сценарист, продуцент и филмски работник воопшто. На тој начин обезбедува заштита на минималната плата на час, на ден или на месец, како филмаџија во и надвор од границите на САД на професионални филмски, телевизиски и останати медиумски продукции во кои би бил вклучен или би вклучил договор за соработка.

Неговите почетоци со глумата се уште на осумгодишна возраст, кога бил дел од телевизиската играна серија за деца и млади на Весна Петрушевска „Бејби шоу" во периодот од 2003 до 2005 година.

– Дома пред гости имитирав скечови од хумористичната серија К-15, па еден роднина им препорача на моите родители да ме однесат во детското драмско студио на Весна Петрушевска во Скопје. Таму ги покажав моите способности за глума, таму беше моето прво искуство на телевизиски сет со професионална филмска опрема и со национални ѕвезди како Сенко Велинов, K-15, Ламбе Алабакоски, Ребека, и сметам дека од тој период се трасираше мојата животна патека по која одам ден-денес, се потсети Игор на почетоците.

Понатаму во детството и како ученик во „ОУ Лирија" – Тетово и во средно училиште главна преокупација на Игор беше актерството во театарски претстави за деца и возрасни, пишување сценарија, режирање и продуцирање аматерски играни филмови, скечеви и слична филмска и телевизиска продукција, како и цртање стрипови, пишување текстови и секаков вид креативна работа. Веќе на 15 години тој има напишано, продуцирано и режирано три долгометражни филма, во кои има вклучено над 200 млади учесници од Тетово. За време на средношколските студии, таа бројка и опсег на филмски и театарски проекти се зголемуваше, со повеќе регионални и национални награди и внимание. Во последната година од средното образование, со веќе богат успех, како и големо лидерско, мотивирачко, општество искуство, како и уметничко аудиовизуелно портфолио, се стекнува со членство во Нобеловото здружение за истакнати светски матуранти, како единствен од Македонија и Балканот. Од таму добива и парична награда и потврда за своите лидерски, мотивирачки и уметнички квалитети, како и за реализираните проекти, лично од Келс Нобел од Нобеловото семејство, внукот на Алфред Нобел, основач на Нобеловите награди, што го прави Игор првиот Македонец во историјата со ваква награда.

Со тоа што создава богата биографија и широко повеќестрано искуство, известен е дека е примен од осум престижни факултети што нудат стипендии во Америка и во Европа, меѓу кои и на Шангајската листа на најдобри 100 светски универзитети како Колумбија, Њујоршки универзитет и Бостон универзитет. Првата академска универзитетска година ја започна во Пидмонт колеџ во Атланта, Џорџија, САД, каде што е седиштето на Нобеловото здружение, со студии за двојна диплома и за театарска глума и режија и за филмска и телевизиска продукција.

– Стипендијата значеше целосна школарина, домување, трошоци за живот и сè потребно. Фондот беше околу 60 илјади долари годишно, или четврт милион долари за сите четири години. Моите трошоци беа само авионски карти до таму. Таму добив наградата за најдобар актер за 2015/2016 што ми овозможи да направам академски трансфер и да се преселам во големиот Њујорк. Во 2016-та се префрлив на Менхетенвил колеџ во Њујорк, каде што стекнав најсилно искуство, бидејќи покрај нашите предавања и нашата пракса на вистински холивудски филмски сетови, правевме студентски филмови буквално секој викенд со нашиот студентски филмски клуб на кампус во кој бев дел од екипата на продуцентите и за кој сме продуцирале и работеле на повеќе од 20 студентски филма. Значајно е да се спомене дека со колегите сме учествувале како асистенти на продуценти на снимање на холивудскиот блокбастер „Маршал" и во телевизиското студиото на Џими Кимел на Бродвејската улица, на форматот Сатрдеј Лајв. На универзитетскиот филмски фестивал Менхетенвил колеџ филм фестивал беа прикажани мои авторски филмови од Македонија на македонски јазик, како меѓу филмовите што се направени во рамки на факултетот, така и во меѓународната категорија на професионални филмови од светска конкуренција – вели Игор, инаку роден 1996 година во Тетово.

Не го заборава и родниот крај. Во последиве 3 месеци живее во Тетово и во Скопје и работи на повеќе проекти од национален и меѓународен карактер, со соработка со УСАИД и Европската Унија.

– Сакам да им помогнам овде на колегите, уметниците и младите со своето различно и долгогодишно светско искуство што го имам стекнато во Америка. Моментално, заедно со поголема екипа од над 150 млади продуцираме масовен мултиетнички филмско-музички видеопроект во кој темата ни се младите, нивната финансиска зависност или независност и недостигот на граѓански активизам и младинската активност во општеството и во културата, вели тој.

Исто така и во Македонија има своја филмска и телевизиска продукција, како и културно-уметничко здружение. Се надева дека и тука ќе продолжи со создавањето многу креативни продукции и проекти, со оглед на богатото портфолио на обуки во САД во однос на проектниот менаџмент во културата и планира продукцијата и здружението со исто темпо како и пред неговото заминување во САД, без разлика каде и да се наоѓа.

Во Америка се враќа ова лето, каде што во текот на 2019 година по четиригодишни универзитетски студии на Менхетенвил колеџ го очекува подигнувањето на двете американски дипломи, како за филмска и медиумска продукција така и за комуникациски науки. Исто така ќе продолжи со продукција на неговиот дебитантски долгометражен филм „Раса", други проекти, како и започнување магистерски студии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина организира спортски игри за хуманодни роботи- еден го собори рекордот на Усеин Болт

Кинески хуманоиден робот истрча 100 метри за само 9,39 секунди, побрзо од светскиот рекорд на Усеин Болт од 9,58 секунди.

Импресивното време беше постигнато во квалификациската трка на Светските игри за хуманоидни роботи што се одржаа во Пекинг.

Тиангонг Ултра, развиен од Пекиншкиот иновативен центар за хуманоидни роботи, ја освои својата квалификациска група на отворањето на второто издание на натпреварувањето.

Го престигна натпреварувачот пред самата цел

Иако првично заостануваше, Тиангонг Ултра го престигна Лајтнинг, робот поврзан со кинескиот производител на паметни телефони Хонор, на целта. Лајтнинг ја заврши трката за 9,47 секунди, што е исто така побрзо од 9,58 секунди што Болт ги истрча во 2009 година на Светското првенство во Берлин.

Роботите, сепак, имаа малку повеќе проблеми со запирањето по спринтот. Откако ја поминаа целта, тие продолжија да се движат кон заштитните душеци. Тиангонг ја изгуби рамнотежата и се лизна кон работ на патеката, принудувајќи ги гледачите да избегнуваат, додека Лајтнинг беше изнесен од патеката откако падна.

Огромен напредок за само една година

Резултатот е особено интересен во споредба со минатогодишното натпреварување. На првото издание на Ултра игрите Тиангонг, тој победи на трката на 100 метри со време од 21,50 секунди. За само една година, времето е преполовено повеќе од преполовено. Истиот робот го освои првиот светски полумаратон за хуманоидни роботи во Пекинг минатата година.

Кинеските државни медиуми објавија дека Лајтнинг истрчал 100 метри за 9,32 секунди за време на прелиминарното тестирање претходно во саботата и достигнал максимална брзина од 14,5 метри во секунда.

Лајтнинг, исто така, го освои полумаратонот за хуманоидни роботи оваа година со време од 50 минути и 26 секунди. За овогодинешното натпреварување, истражувачите ги продолжија неговите нозе за десет сантиметри, од 95 сантиметри на 1,05 метри.

Роботите боксуваат, играат фудбал и пинг-понг

Спринтот е само еден дел од многу поголем настан. Второто издание на Светските игри на хуманоидни роботи трае пет дена, а роботите се натпреваруваат во бројни спортски дисциплини.

Публиката може да гледа роботски бокс, фудбал, скок во височина, пинг-понг, боречки вештини, гимнастика, кревање тегови и танцување.

Веќе на почетокот на натпреварот, се случија неколку сцени кои привлекоа внимание на социјалните мрежи. Еден робот ја изведе препознатливата прослава на Кристијано Роналдо на фудбалскиот терен со неговото познато „Сиууу“, додека на церемонијата на отворањето роботите учествуваа во синхронизиран марш.

Иако сè може да изгледа како забава за публиката, спортските дисциплини им овозможуваат на производителите да тестираат способности кои се важни и за практичната примена на роботите - од брзина и рамнотежа до координација и способност за реагирање на промените во околината.

Тие исто така мора да работат и работи од реалниот живот

Овогодинешните Игри не се само за спорт. Од вкупно 51 дисциплина, 21 од нив се однесуваат на сценарија од реалниот живот. Роботите мора да извршуваат задачи поврзани со индустријата, домаќинството, трговијата, канцелариите, хотелите и спасувањето, меѓу другото.

Некои од задачите што изгледаат едноставни за човекот претставуваат сериозен предизвик за роботите. На пример, тие мора да ракуваат со алатки, да поврзуваат кабли и да полнат електрични автомобили. Ваквите задачи покажуваат колку хуманоидните роботи напреднале, но и колку простор има за развој.

Кина инвестира многу во хуманоидни роботи

Кина ја смета хуманоидната роботика за една од своите стратешки важни индустрии и очекува дека напредокот во вештачката интелигенција и хардверот ќе ја забрза примената на ваквите машини во производството, логистиката и секојдневниот живот.

Интересот за оваа индустрија силно расте во последните години, а кинеските технолошки компании инвестираат големи суми во развој на роботи кои еден ден би можеле да извршуваат работни места за луѓето или да ги заменат во физички тешки и опасни задачи.

Светските игри на хуманоидни роботи се одржуваат во Националниот овал за брзо лизгање во Пекинг, познат како Ледена лента. Овогодинешното издание собра повеќе од 2.000 роботи од стотици тимови од различни земји, што е значително зголемување во однос на првото издание на натпреварот.

Ако ја погледнете трката од 100 метри, на некои настани прашањето повеќе не е дали роботите можат да ги стигнат луѓето, туку колку брзо можат да ги престигнат.

Тагови: Усеин Болт хуманоидни роботи

Европа

Србинот Милош (40) отишол во војна протов Украина- сега ќе му се суди во Белград

Вишото јавно обвинителство во Белград (ВЈТ) денес до Високиот суд достави обвинение против 40-годишен српски државјанин, осомничен за учество во руско-украинската војна како припадник на руски воени единици.

Вишото јавно обвинителство во Белград (ВЈТ) денес до Високиот суд достави обвинение против 40-годишен српски државјанин, осомничен за учество во руско-украинската војна како припадник на руски воени единици, за што е пропишана затворска казна до пет години, пренесе Индекс.

Според соопштението за медиумите објавено на веб-страницата на ВЈТ, постои основано сомнение дека Милош Н. учествувал во војната и вооружениот конфликт на територијата на Украина од септември 2024 до ноември 2025 година како припадник на воената формација на Руската Федерација, една од страните во конфликтот, иако не е државјанин на таа земја и не бил ангажиран во никаква официјална меѓународна мисија.

Србинот е обвинет дека „патувал во Москва по сопствена иницијатива, каде што потпишал договор со претставници на Министерството за одбрана на Руската Федерација за месечен надомест, во кој се обврзал да биде дел од вооружените сили на Руската Федерација во следните 12 месеци“.

Зеленски неодамна го посети Белград

Според член 386а од Кривичниот законик на Србија, српски државјанин кој учествува во војна или вооружен конфликт во странска земја како член на воени или паравоени единици, а нема државјанство на таа земја или е член на официјална мисија на меѓународна организација чиј член е Србија, подлежи на затворска казна од шест месеци до пет години.

Украинскиот претседател Володимир Зеленски ја оствари својата прва официјална посета на Србија претходно овој месец. Тој се сретна со српскиот претседател Александар Вучиќ, а по состанокот изјавија дека не разговарале за воена соработка. На неодамнешниот самит Украина-Југоисточна Европа, Вучиќ беше единствениот кој не ја потпиша заедничката декларација со која се осудува агресијата на Русија врз Украина.

Србија вели дека го поддржува територијалниот интегритет и суверенитет на Украина и е потписник на сите претходни декларации на Обединетите нации од почетокот на војната, но одбива да се придружи на меѓународните санкции против Москва за нејзината инвазија на Украина, што Кремљ официјално ја нарекува „специјална воена операција“.

Зеленски, исто така, во Белград изјави дека на Украина ѝ е потребна воена помош од светот и дека тој ја очекува, но оцени дека „некои земји имаат ограничувања во ова“.

Тагови: Србинот украина

Шоу биз

Камерон Дијаз по враќањето на глумата, има нов филм- ќе се појави кон крајот на годината

Камерон Дијаз го продолжува своето враќање кон глумата со новата акциона комедија „Лош ден“, која пристигнува на Нетфликс на 11 декември.

Заедно со датумот на премиерата, стриминг услугата ги објави и првите фотографии од филмот.

Во филмот, Дијаз игра самохрана мајка за која еден обичен ден се претвора во низа проблеми. Додека поминува низ она што може да биде најлошиот ден во нејзиниот живот, таа се обидува по секоја цена да го одржи ветувањето што ѝ го дала на својата ќерка.

Филмот е режиран од Џејк Шимански, познат по својата работа во познатата серија „Должност на жирито“, додека сценариото го пишува Лаура Солон. Бо Бауман е продуцент, а Солон и Марк Моран се извршни продуценти.

Дијаз ја предводи екипата во која се Даниел Брукс, Рензи Фелиз, Џон Хигинс, Марк Дуплас, Џесика Белкин, Ед О'Нил, Роб Кордри, Ајден Мајери, Бен Шварц, Рета, Ема Пирсон, П.Џ. Бирн, Шери Кола, Еди Патерсон и Бек Бенет.

Нетфликс сè уште не откри многу повеќе детали за заплетот, а првите фотографии даваат само краток увид во она што ги очекува гледачите.

Продолжува со враќањето по десетгодишна пауза

За Дијаз, Лошиот ден е уште еден проект по долго отсуство од Холивуд. Актерката, позната по филмовите „Сите се луди за Мери“, „Маската“, „Одмор“ и серијата „Чарлиевите ангели“, не снимала филмови речиси десет години.

Таа се врати на глумата со акционата комедија на Нетфликс „Назад во акција“, во која глумеше заедно со Џејми Фокс. Тоа беше нејзиниот прв филм по „Ени“ од 2014 година.

Сепак, 53-годишната актерка не сака однапред да утврди со кое темпо ќе продолжи нејзината кариера. Во интервју за списанието „Емпајр“, таа објасни дека сака да ја задржи слободата да одлучува за секој иден проект.

„Тешко е да се објасни. Ако кажам нешто, тоа веднаш станува голема приказна“, рече таа.

„Го задржувам правото никогаш повеќе да не снимам филм, но исто така и да прифатам улога доколку сакам. Не однапред одредувам ништо. Отворена сум за она што има смисла за мене и моето семејство во одреден момент“, додаде таа.

„Лош ден“ пристигнува на Нетфликс на 11 декември.

Тагови: Камерон Дијаз