Како американските царини ќе се одразат на Македонија? - Канал 5

Македонија

Како американските царини ќе се одразат на Македонија?

Неизвесност кај инвеститорите, зголемување на невработеноста, раст на инфлацијата – царините на америкаснкиот претседател Доналд Трамп негативно ќе се одразат на глобалната економија, оценуваат дел од експертите во земјава.

доналд трамп

Иако сметаат дека постои можноста да дојде до промена на реториката на Трамп и евентуални отспаки, со можноста за елеминирање на царините за одредени земји, сепак, ниту универзитетскиот професор Борче Треновски ниту Зоран Ивановски не ја исклучуваат можноста од соочување на глобалната економија со рецесија, доколку ситуацијат ана среден рок не се стабилизриа.

„Целокупниот економски систем кој го знаеме на економски трговски однсои може да биде нарушен, што дефинитивно ќе влијае на глобалниот економски раст, ќе влијае на глобалните инвестиции, и иинвестициите кои ќе ги превземаат странските инвестиции пред се во помалите земји, ќе влијае на намлаување на иновативноста, продуктивноста, и она што се почесто се збори во последно време може кончено да влијае на намалување глобалната актвинсот односно рецесија.“-изјава Борче Треновски – универзитетски професор.

„Инфлацијатата доколку се реализира сценариото за рецесија е неминовно. А истото понатаму ќе влијае на намлување на растот, така да можеби ќе имаме налошо сценарио на економско ниво каде што инфлацијата ќе биде придружена со намалени стапки, сето тоа ќе се преслика на стапката на невработеност, така да генерално можеме да очекуваме намалување на животниот стнадард. “-изјава Зоран Ивановски – универзитетски професор.

Ефекти иако не директни но ќе има и врз македонската економија, децидни се економските екперти, а тоа пред се се должи на фактот што 70 % од трговската размена земјава ја има со ЕУ. Економистите позитивно гледаат на најавите од македонската влада за постигнување евентуален договор со САД, но Ивановски оценува дека доколку ЕУ и земјите од соседството не постигнат договор со САД тоа диркетно ќе ја погоди Македониај.

„Очекувам корекција надлона на планираната стапка на економски раст, тоа ќе се преслика на она што е најсилна компонента на македонската економија а тоа е извозната компонента и девизниот прилив кој се оставрува од странските инвестиции генерално во автомоблиската индустрија....“-изјава Зоран Ивановски – универзитетски професор.

„Кончено да ги дефинираме секторите, каде што има најголем удар моментален директен и со САД и со ЕУ, да се види дали може да се помогне со кредитна линија, поддршка, даночни ослободувања, доколку се јават првични промени на пазарот на трудф да се помогне, да се вклучи конечно моториката на економската дипломатија, да се види каде може дел од овие наши пазари да ги дизервифицицриаме доколку Европската економија почне ада ја намалува својата еконосмка актривност.“-изјава Борче Треновски – универзитетски професор.

По царините од американската администрација, македонската Влада подготвува измени во Законот за царинските стапки кои според министерката за финансии Димитриевска Кочоска би можеле да се намалат и до нула проценти. Очекувањата се дека во најскоро време ќе има разрешница преку потпишување на договор за слободна трговија за што македонското МНР е во постојана комуникација со САД.

Тагови: Доналд Трамп царина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ја нападна одлуката на Конгресот за ограничени овластувања против Иран: Не сте патриоти

Американскиот претседател Доналд Трамп остро ја нападна резолуцијата на Претставничкиот дом со која се бара ограничување на неговите овластувања за започнување воена акција против Иран, нарекувајќи го гласањето „бесмислено“, а потегот „непатриотски“.

Трамп ја нападна одлуката на Конгресот за ограничени овластувања против Иран: Не сте патриоти

Резолуцијата, усвоена од Претставничкиот дом, контролиран од републиканците, ја ограничува можноста на Трамп да започне понатамошни напади врз Иран, освен ако Конгресот не објави војна или формално не одобри употреба на воена сила.

Трамп: Непатриотски потег среде преговорите

Во објава на социјалната мрежа Truth Social, Трамп рече: „Вчера Претставничкиот дом гласаше со бесмислено гласање за ограничување на моите воени овластувања, а четворица лоши републиканци и сите „глупави и поглупави“ гласаа за тоа.

И ова во средината на моите последни преговори за завршување на војната со Исламската Република Иран“. „Кој би направил нешто толку непатриотско? Тие знаат каде се преговорите“, додаде тој. Тој ги обвини своите политички ривали дека дејствуваат од лична нетрпеливост.

„Демократите се водени од синдромот на Трампово растројство. Тие би сакале нашата земја да пропадне отколку јас да забележам уште една победа, од многуте“, тврдеше тој, осврнувајќи се на своите сопартијци кои гласаа против него: „Четирите републиканци, тоа е сосема друга приказна - тие бараат внимание! Треба да се засрамат. МАГА!!!“

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Словенија доби нова влада, по четврти пат Јанша е премиер

Словенечкиот парламент на вонредна седница го потврди министерскиот тим на премиерот Јанез Јанша, со што ја избра новата словенечка влада.

Словенија доби нова влада, по четврти пат Јанша е премиер

Дебатата, која започна во 9 часот наутро, требаше да трае осум часа.

Сепак, на самиот почеток на седницата се случи пресврт: движењето Свобода побара претседателот на Парламентот Зоран Стевановиќ да се извини, што тој го одби. После тоа, седницата беше накратко прекината, објавува 24ur.com.

Од присутните 79 пратеници, 49 гласаа „за“, а 30 „против“, објавува Дело.

Новиот владин тим, предложен од лидерот на Словенечката демократска партија (СДС) Јанез Јанша, вклучува 15 министри. Меѓу коалициските партнери, најмногу министерски позиции, седум, доби СДС, четири Нова Словенија (НСи), три Демократите, една Фокус, додека Словенечката народна партија (СЛС) остана без својот министерски кандидат.

На првата седница на владата се очекуваат и првите потези на новата извршна власт. Судејќи според практиката од претходните години, може да се очекува дека на седницата ќе се случат и одредени кадровски промени, на пример на позицијата директор на Словенечката разузнавачка и безбедносна агенција (СОВА), на владината служба за комуникации, а можеби и на директорот на полицијата. Се очекува Јанез Стушек да се врати на чело на СОВА, додека Себастјан Јеретич ќе ја преземе владината комуникација. Според медиумските извештаи, Дамир Иванчиќ се споменува како наследник на Дамјан Петрич на врвот на полицијата.

Тагови: Јанез Јанша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата денес, на колегиум, постапувајќи согласно своите надлежности утврдени со Законот за спречување на корупцијата и судирот на интереси, по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Предметот е отворен поради потребата од проверка на наводите изнесени во јавноста и медиумите, како и согледување на евентуални ризици од корупција, судир на интереси, злоупотреба на службена положба или други неправилности во работењето, во рамките на надлежностите на ДКСК.

ДКСК ќе ги преземе сите потребни дејствија за прибирање и анализа на релевантната документација и информации од надлежните институции, со цел утврдување на фактичката состојба.

За понатамошниот тек на постапувањето, јавноста ќе биде навремено информирана.

Државна комисија за спречување на корупцијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер