Македонија

Кафематите и апаратите за вода потенцијална зараза, кафеаните во рураните средини не ги почитуваат препораките

Забранети се за употреба 215 кафемати на бензинските пумпи и на други локации.

Затворени се 48 угостителски објекти, забранети се за употреба 215 кафемати, а кај 15 месарици и маркети е констатирана општа лоша хигиенска состојба, во тек на 3.908 надзори што ги спровеле шесте инспекциски служби во државава од 2 до 5 април годинава, вршејќи контрола на почитување на владините препораки за заштита од ширењето на вирусот Ковид -19.

-Иако општата констатација е дека поголемиот дел од субјектите ги почитуваат владините мерки за превенција од ширење на коронавирусот, за жал еден дел од угостителските посебно во руралните средини продолжуваат да ги прекршуваат мерките на Владата. Во таа насока и најголемиот дел од 3.232 контроли на Државниот пазарен инспекторат се однесуваат на работењето на угостителските објекти, а 423 се за замрзнати цени на производи. Притоа се затворени 48 угостителски објекти во повеќе градови и населени места низ државата. При визуелните контроли низ државата е констатирано дека поголемиот дел од угостителолите ги почитуваат мерките, информира денеска на редовната прес-конференција Магдалена Филиповска Грашкоска, претседател на Инспекцискиот совет.

Како што дополни, забранети се за употреба 215 кафемати на бензинските пумпи и на други локации.

-Агенцијата за храна и ветеринарство апелира до граѓаните да не ги користат кафематите и апаратите за вода бидејќи тие можат да бидат потенцијален преносител на вирусот Ковид -19, рече Филиповска Грашкоска.

Таа информираше дека се забележани помалку зголемувања на цените на производите, особено на цитрусните овошја, а таму каде имало поскапување цените се вратени.

Агенцијата за храна и ветеринарство спровела 208 надзори, при што се изречени две глоби, една за непочитување на претходна наредба издадена од инспекор, а другата поради држење производ без декларација.

-Изречени се и седум мерки и едукации поради неспроведени обуки за основни знаења за безбендост на храна, а дополнително се издадени се 15 решенија на месарици и маркети за општа лоша хигиенска состојба и веднаш е наредено да се изврши дезинфекција, дезинсекција и дератизација, информира претседателката на Инспекцискиот совет.

Државниот транспортен инспектират, пак, спровел 70 надзори, при што е кнстатирано дека кај автобуските станици немало отстапување од владината препорака за преполовен број на патници, меѓународен линиски превикз е во цеосен прекин.

При спроведените 41 контрола од Агенцијата за лекови е утврдено дека нема специфични отстапувања, односно дека секторот ги почитува препораките, се одржува ред во апетките, се дозволува влез на ограничен број лица, а цените се согласно препораките и одлуките на Владата.

Воедно, Државниот инспекторат за труд во тек на 290 контроли издал едно решение и 13 укажувања за работодавачи кои не ги почитувале мерките на Владата. Надзорите се поврзани за постапување по претставки за платено отсуство на родители, бремени жени и хронично болни лица. Дополнитено инспекторатот констатира дека поголемиот дел од работдавачите ги почитуваат мерките и препораките.

Извршени се и 66 надзоори од страна на Државниот санитарен и здравствен инспекорат кој дополнително издал 164 дозволи за непречено спрведување транспорт во услови на епидемија од коронавирусот.

Инспекторите остануваат на терен и секој кој нема да и почитува мерките ќе биде санкциониран, порача Филиповска Грашкоска./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Петар Денковски дел од годишната Клиника за национални ФИБА инструктори во Самоков

Нашиот национален ФИБА инструктор, Петар Денковски, беше дел од годишната Клиника за европски ФИБА инструктори (АНИК), која се одржа во Самоков, Бугарија.

На значајниот едукативен собир учествуваа околу 40 национални инструктори од повеќе европски земји, со главен фокус на анализа и унапредување на судењето, како и размена на искуства и знаења меѓу инструкторите.

Во рамки на клиниката беа направени детални анализи на судењето во Европа и во одделните региони во изминатиот период, со посебен акцент на ситуациите кои претставуваат предизвик за судиите – како што се неспортска грешка, блокирање и пробивање, заштита на шутер, како и донесување одлуки во последните секунди од нападот или натпреварот.

„Беше направена анализа на она што е добро, но и на сегментите каде што има простор за подобрување. Посебно внимание беше посветено на тоа како знаењето и новите насоки да бидат пренесени до судиите на локално ниво. Главната порака беше ‘учи го учителот’ – постојано усовршување и надградување“, истакна Денковски.

Клиниката понуди комбинација од теоретска и практична работа, преку предавања, анализа на видео ситуации и практични вежби на терен. Посебен дел беше посветен и на разбирањето на тактиките во играта, каде асистент-тренерот на италијанската репрезентација ги запозна инструкторите со принципите на напад и одбрана, со цел судиите подобро да ги разберат намерите на екипите и тренерите.

Покрај едукативниот дел, учесниците имаа и фитнес активности и тренинзи, со што беше ставен акцент и на физичката подготвеност на самите инструктори.

„Клиниката во Самоков беше организирана на високо ниво, со одлични предавачи и многу корисни лекции. Овој тип на настани се исклучително важни за развојот на судењето и за пренесување на новите стандарди во кошарката“, додава Денковски.

Учеството на македонскиот ФИБА инструктор на ваков меѓународен собир претставува уште една потврда за активната улога на Македонија во европските кошаркарски процеси и континуираното вложување во развојот на судиската организација.

Економија

Николоски: Одржлив економски раст ќе постигнеме преку реализација на крупните инвестиции во автопатиштата и железницата

Одржлив раст на економијата преку крупни инвестиции во инфраструктурата на стратешките коридори 8 и 10, како и подобрување на ефикасноста во траспортот, беа тема на панел дискусијата на која говореше заменик претседателот на Владата.

Одржлив раст на економијата преку крупни инвестиции во инфраструктурата на стратешките коридори 8 и 10, како и подобрување на ефикасноста во траспортот, беа тема на панел дискусијата на која говореше заменик претседателот на Владата, Александар Николоски, а во организација на Европската Бизнис Заедница.

Вицепремиерот во своето обраќање посебен фокус стави на инвестициите во патната и железничката мрежа на Kоридорот 8 и Kоридор 10 и кракот 10 -д, потенцирајќи дека на среден и долг рок овие инвестиции ќе придонесат за одржлив економски развој и регионална поврзаност.

Изградбата на автопатите на Коридор 8 и 10 -д, се реализираат со засилена динамика, истите ќе мултициплираат развој на регионот, ќе привлечат нови инвестиции и ќе понудат нови работни места, потенцираше вицепремиерот, додавајќи дека постојат конкретни рокови за нивна реализација.

Во однос на конкуретноста на домашната економија, дополнително ќе влијае и изградбата на брзата пруга на Коридор 10 која ќе придонесе за брз и предвидлив транспорт, реални планови за развој на компаниите и позиционирање на Македонија на главата транспортна рута за Централна Европа, посочи Николоски.

Вицепремиерот говореше и за регионалата соработка која се потпира на заеднички проекти со соседните земји кои ќе го олеснат транспортот, ќе придонесат за регионална интеграција и регионален економски развој.

За да се реализираат овие долгорочни мерки и политики, работиме на крупни инфраструктурни проекти преку кои ќе ја постигнеме посакуваната цел, а тоа е конкуретна економија, одржливи услови за развој на компаниите, ефикасен и брз транспорт, зелени ленти на граничните премини и регионална соработка, додаде вицепремиерот Николоски пред компаниите членки на Европската Бизнис Асоцијација во Македонија.

Европа

Амбасадори на Европска тројка снимени како пристигнуваат во Кремљ: Што се подготвува?

Амбасадорите на Германија, Франција и Велика Британија денес пристигнаа во Министерството за надворешни работи на Русија на средба со заменик-шефот на руската дипломатија, Сергеј Лавров.

Нивните возила беа забележани пред зграда на плоштадот Смоленск, пренесува РИА Новости.

Лавров еден ден претходно изјави дека руското министерство е подготвено да ги сослуша дипломатите, но дека нема многу оптимизам во врска со исходот од разговорите.

Портпаролот на Кремљ, Дмитриј Песков, претходно оцени дека наметнувањето услови на Русија од страна на Европа е „неприфатливо“. Посетата на амбасадорот доаѓа во време кога европските сили интензивно работат на добивање поддршка од САД за новиот мировен процес.

❗️ Ambassadors of Germany, France, and the UK, who requested a meeting with one of Lavrov’s deputies, arrive at Russia’s Foreign Ministry pic.twitter.com/ezcRqN9fmH
— RT (@RT_com) June 11, 2026

Според руската агенција, во последно време во Европа се слушаат сè почесто повици за обновување на дијалогот.

Претседателот на Европскиот совет, Антонио Коста, изјави дека разговара за ова со членовите на блокот, а францускиот претседател Емануел Макрон го испрати својот дипломатски советник во Москва.

Белгискиот премиер Барт де Вевер се залагаше за обновување на контактите заради увоз на енергија, а финскиот претседател Александар Стуб постојано нагласуваше дека порано или подоцна Европејците ќе мора да почнат да разговараат.

Путин го спомена поранешниот германски канцелар Герхард Шредер како посакуван посредник во преговорите, нагласувајќи дека Европејците треба да изберат доверлив лидер кој не дава остри изјави против Москва.