Македонија

Каде завршува редот на бегалците од правдата –полицијата трага и по Жан Железарски

Уште еден осуденик во бегство. МВР објави национална потерница за Жан Железарски, кој во случајот Детонатор е осуден на 14 години затвор. 

Тој стана познат за пошироката јавност откако упати смртни закани кон судијката Димишкова, па за тоа доби и дополнителни 2 години затвор. Наредбата на Основен суд Кочани доаѓа откако Железарски требало но не се вратил во септмври во штипскиот затвор на доиздржување на казната.. Од судот велат дека Железарски бил пуштен од затвор за лекување уште во јули лани, а потерницата сега ја распишале откако имале три неуспешни обиди да му го достават решението за доиздржување на казната..

За какво лекување осуденикот добил прекин на издржувањето на казната од цели 14 месеци, не е познато, но овој случај по многу нешта наликува на случајот со Игор Спасов, кој исто така избега откако беше ослободен за наводно да се лекува.. За ова бегство обвинителството отвори и истрага за да се проверат спрегите меѓу обвинителите судиите и лекари кои го овозможиле, но засега нема информации дека има осомничени..

Министерката за правда Рената Дескоска вели дека одговори за бегствата треба да дадат судовите.

Од пред неколку дена, инаку, се трага и по Драганчо Стојменов, познат како Дацо Белски, кој беше клучен сведок во Детонатор... Тој на почетокот на годинава учествуваше во престрелка пред кафеана во Кочани, при што рани едно лице и беше осомничен за обид за убиство.. . Неколку месеци беше во бегство, но потоа им се предаде на надлежните. Сепак, по неколку месеци во Шутка Судот во Кочани му ја замени мерката со домашен притвор, која ја издржуваше до петокот, кога полицијата не при рутинската проверка не го нашла дома..

Досега за ниту еден случај судскиот совет нема покренато постапка во која судиите ќе бидат повикани на одговорност за своите постапки кои овозможуваат бегства на осудени, обвинети или осомничени.. Таква постапка нема ниту против некој обвинител кој дал позитивно мислење, кое потоа се покажало како погрешно...

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер