Фудбал

Јувентус –Реал Мадрид, стартува полуфиналето во ЛШ

Полуфиналната разврска во најсилното фудбалско натпреварување на Стариот континент , Лигата на шампионите започнува со една вистинска класика, дуелот на гигантите Јувентус и Реал Мадрид .

Вечерва на Јуветус Арената во Торино од 20 часот и 45 минути европските великани Јуве и реал ја започнуваат битката за финалето во Берлин.
Досега низ историјата секогаш кога Јуветус и Реал се сретнале во завршницата од шампионската лига сме гледале извонредни дуели, полни со пресврти , возбудувања и голови.

Годинава улогата на фаворит во оваа европската фудбалска класика ќе ја има актуелниот шампион на ЛШ , Реал Мадрид. Кралевите од Мадрид пред дуелот со црно белите од Торино имаа огромна желба да станат првиот тим кој го одбранил европскиот трон, но свој сметки секако има и Калчо шампионот кој полека но сигурно на голема врата се враќа во врвот на континенталниот фудбал.

Реал и Јувентус досега 16 пати биле ривали во европските мечеви , последен пат минатата сезона во групната фаза кога во Торино беше 2-2 а во Мадрид , Реал славеше со 2-1.

Првиот дуел Јуве и реал го одиграа во далечната 1953 година во ¼ финале на Купот на шампионите. Двете екипи победија на домашен терен по што се играла мајсторка , мајсторката во Париз ја доби Реал со 3-1.

Така било во минатото но како ќе виде сезонава ќе видиме на вечерва на дуелот во Торино и по осум дена на реваншот во Мадрид.
Реал е благ фаворит , но Анчелоти полуфиналната пресметка со искусниот Јуве ќе ја игра без поведените Модриќ и Бензема , но во тимот се враќаат суспендираниот Марсело и Бејл.

За предводникот на Јувентус Алегри главен проблем е отсуството на Пол Погба , посебно ако се земе во предвид квалитетот на Реал на средината на теренот.

За вториот финалист во ЛШ , ќе решаваат великаните Барселона- Баерн Минхен, кои своите 180 полуфинални минути во шампионското друштво ги започнуваат утре на Ноу Камп во Барселона од 20 часот и 45 минути.

Инаку ова е само втор пат во историјата на Лигата на шампионите кога сите четири полуфиналисти барем по еднаш биле шампионите на Европа. Реал Мадрид секако со 10 титули е најуспешен тим во елитата, Баерн Минхен е на втората позиција со 5 трофеи, еден помалку има Барселона, Јувентус пак на двапати стигна до титулата во ЛШ.
Полуфиналето во Лш е интересно и по тоа што стратегот на Баерн М ,трофејниот Пеп Гвардиола по прв пат ќе игра против својата Барселона, а посебна драж на полуфиналето носи и фактот што во големото финале може да гледаме шпанско Ел Класико, кога последен пат беше можно да се игра вакво финале Реал и Барселона беа елиминирани од своите ривали , тоа се случи во сезоната 2012/ 2013.

Македонија

Работно време на паркиралиштата на ЈП ПОЦ за Велигденските празници

Паркирањето во Општина Центар за време на Велигденските празници ќе биде без наплата за сите граѓани.

Утре, во недела и понеделник, граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар.

Од ЈП ПОЦ појаснуваат дека согласно програмата за неработни денови за 2024 година на Министерството за труд и социјална политика, сабота е работен ден и следствено на тоа паркиралиштата со кои стопанисува ќе работат со вообичаено работно време.

Депото на „Пајак“ службата на ЈП ПОЦ ќе работи 24/7 за време на празниците.

Посочуваат дека редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи во вторник со вообичаено работно време. /МИА

Регион

Србија доби нова Влада, премиер Милош Вучевић, 31 министер и 26 министерства

Собранието на Србија вечерва ја избра новата Влада на Србија на чело со претседателот Милош Вучевиќ, јави дописникот на МИА од Белград.

За новата влада од 250 пратеници колку што има српското собрание, за владата гласаа 152 од 213 присутни пратеници, а 61 беа против. Воздржани немаше, а отсутни беа 37 пратеници.

Новата Влада на Србија ќе брои 31 член, од кои пет се министри без ресор. Новата влада има третина од новите имиња во однос на претходната Влада на Србија предводена од Ана Брнабиќ.

Премиерот на новата српска влада Милош Вучевиќ во експозето на собраниската седница вчера најави дека владата ќе биде континуитет на политиката на досегашните влади и на претседателот Александар Вучиќ. За Северна Македонија кажа дека е држава која во Србија секогаш може да најде партнер и повеќе од тоа.

Во новата влада Синиша Мали ќе биде вицепремиер и министер за финансии, Ивица Дачиќ-министер за внатрешни работи и вицепремиер, Александар Вулин-вицепремиер, Ирена Вујовиќ-вицепремиер и министер за заштита на животната средина, Братислав Гашиќ-министер за одбрана, Марко Ѓуриќ-министер за надворешни работи, Тања Мишчевиќ-министер за евроинтеграции, Горан Весиќ, министер за градежништво, транспорт и инфраструктура, Дубравка Ѓедовиќ-министерка за рударство и енергетика, Златибор Лончар-министер за здравство, Томислав Момировиќ-министер за внатрешна и надворешна трговија, Маја Поповиќ-министер за правда, Славица Ѓукиќ Дејановиќ-министер за образование, Немања Старовиќ-министер за вработување, труд, ветерани и социјални прашања, Милица Ѓурѓевиќ Стаменковски, министер за семејна грижа и демографија, Никола Селаковиќ, министер за култура, Андријана Месаровиќ, министер за економија, Јелена Жариќ Ковачевиќ, министер за администрација и локална самоуправа, Јелена Беговиќ-наука и иновации и Хусеин Мемиќ министер за туризам.

Милан Кркобабиќ е министер за грижа на селото, Дејан Ристиќ е министер за информации и телекомуникации, Дарко Глишиќ министер за јавни инвестиции, Новица Тончев, Усаме Зукурлиќ, Ненад Поповиќ и Татјана Мацура се министри без ресор. /МИА

Свет

Иран воведе санкции за поединци и правни субјекти од САД и Велика Британија

Иран воведе санкции за неколку американски и британски физички и правни лица поради нивната поддршка за Израел во војната против палестинската организација Хамас во Појасот Газа, јавија француските медиуми.

Во соопштение Исламската Република - жесток непријател на Израел – наведува дека воведува санкции за седум американски граѓани, вклучувајќи го генералот Брајан Фентон, шеф на командата за специјални операции, и вицеадмиралот Бред Купер, поранешниот шеф на американската морнарица на Блискиот Исток.

Меѓу британските функционери и институции кои се санкционирани се министерот за одбрана Грант Шапс и Кралската морнарица во Црвеното Море.

Санкции се воведени и за американските компании „Локид Мартин“ и „Шеврон“, како и за британските „Елбит системи“, „Паркер Мегит„ и „Рафаел УК“.

Иранското Министерство за надворешни работи соопшти дека санкциите вклучуваат „блокирање на сметките и трансакциите во финансискиот и банкарски систем на Иран, замрзнување на средства под јурисдикција на Исламската Република Иран и забрана за визи и влез на иранска територија“.

Меѓутоа, останува нејасно влијанието на овие мерки врз поединците или субјектите, како и какви било средства или трансакции со Иран, пренесуваат француските медиуми.

Иран не ја признава државата Израел и ја стави поддршката за палестинската кауза како камен-темелник на својата надворешна политика од Исламската револуција во 1979 година.

Од почетокот на војната во Појасот Газа, која започна на 7 октомври со неиспровоциран напад на палестинското исламистичко движење „Хамас“ на израелска територија, мнофукратно се кренати тензиите меѓу Израел, од една страна, и Иран и неговите сојузници, особено либанскиот „Хезболах“, од друга.

Ситуацијата меѓу двете земји ескалираше на 13 април кога Иран започна невиден напад врз Израел користејќи 350 дронови и проектили, од кои повеќето беа пресретнати со помош на САД и другите сојузнички земји.

Неколку дена подоцна, во друг напад, што му се припишува на Израел, беше погоден аеродромот во Исфахан, во централен Иран, но таму беше предизвикана само ограничена штета. /МИА