Јутјубер со Ламборџини направи сообраќајка за да снима предизвик, загина 5- годишно дете - Канал 5

Живот

Јутјубер со Ламборџини направи сообраќајка за да снима предизвик, загина 5- годишно дете

Петгодишно момче загина во средата во сообраќајна несреќа во предградието на Рим, Италија, кога Ламборџини, кое превезувало група инфлуенсери, удрило во автомобил во кој се возело семејство.

Јутјубер со Ламборџини направи сообраќајка за да снима предизвик, загина 5- годишно дете

Малиот Мануел Усело (5) седел во „Смарт“ со неговата мајка Елана (29) и помалата сестра Аурора (4). Тие штотуку излегле од градинката, кога „Ламборџинито“ во кое бил јутјуберот (20) со другарите, удрил во нивното возило.

Момчето починало во болница, додека неговата мајка и сестра се тешко повредени. Девојчето во меѓувреме е пуштено од болница.

Таткото, кој дотрчал на местото на несреќата пеш, се обидел да го нападне возачот, но случајни минувачи го спречиле во тоа.

Според истражителите, Јутјуберот и неговите пријатели позајмиле скапо возило за да снимат предизвик за нивниот канал на YouTube.

Зад воланот бил јутјубер, кој е обвинет дека нанел тешка телесна повреда и усмртил на пат.

На четворицата други учесници во несреќата засега не им е покренато обвинение.

Како што пренесува Corriere della Serra, групата два дена патувала со луксузното возило.

Меѓутоа, како возач почетник, Италијанецот не требало да седи зад воланот на Lamborghini Urus (666 КС). Обвинителите се сомневаат дека обвинетиот возел пребрзо и несовесно кога удрил во Смарт автомобилот.

На местото на несреќата полицијата не констатирала траги на лизгање. Таа ги одзела сите мобилни телефони на Јутјуберите за да го истражи инцидентот и да открие дали снимале видео во моментот на несреќата.

Раи њуз пишува дека по извршените тестови било утврдено дека возачот бил позитивен на канабис.

Инспекторите добиле и слики од камерите во областа кои можеби ги снимиле фазите на несреќата.

Хипотезата дека момчињата снимале видео ја потврдува и клип од 15 секунди што се појавил на интернет во кој еден од младите изјавил: „Уште еден ден во Ламборџини, досега добро“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер