Во 2015 година се возеле 52 милиони патници, додека во 2025 бројот на превезеници патници паднал на 22 милиони, кога бројката на фукционјални автобуси била намалена за двојно.

-Еден запрепастувачки факт е што во последните 10 години континуирано се намалуваат бројот на автобуси, бројот на патници, бројот на исправни автобуси итн. Помалиот број автобуси и постари автобуси на еден начин ги одвраќаат луѓето од користење јавен сообраќај. Да чекаат долго време, да не стигнат на време кадешто тргнале, на работа или по било која потреба, внатре има секако гужва, стари се автобусите веќе, така што еве сега со дождот имавме и некои прокиснувања во некои автобуси. - Герман Филков – Центар за Граѓански Комуникации.

На социјалните мрежи често се објавуваат видеа и слики од автобуси кои се расипуваат или имаат други дефекти.. Ваков случај имаше и утринава на социјалните мрежи, за расипан автобус во близина на Градската болница во центарот на Скопје, а граѓаните мораа да чекаат да дојде сервис-служба да го поправи.

Според истражувањето ЈСП во 2025 година имал 341 автобус, што е за 89 автобуси помалку од 2015 година. Сепак, во 2025-та година не биле ставени во функција сите, туку само 185 автобуси, а на скопските улици сообраќаале 157.

Во 2015 просекот на староста на автобусите бил 9,18 години а за само десет подоцна староста пораснала на 13,3, иако јавното претрпијатие има автобуси стари и по 33 години.. .. Подновување на возниот парк во последните десет години било направено во 2020 година, кога биле набавени 33 автобуси од марката МАН а во наредната 2021 година, биле отпишани постарите автобуси од марката Санос.

Во однос на еколошкиот стандард, само 40 се со Еуро 6 стандард, додека останатите се со Еуро 5 и Еуро 4.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.