Македонија

ЈП Стрежево-Битола ќе гради фотоволтаична централа со моќност од 500 киловати

 Јавното претпријатие „Стрежево"-Битола ќе гради фотоволтаична централа која ќе биде лоцирана на браната кај акумулацијата и со моќност од 500 киловати.

На прес – конференција во Битола, генералниот директор на тоа прептријатие Методија Граматковски најави и изградба на помошен објект во скијачкиот центар „Нижо Поле".

-Минатата 2020 година беше исклучително тешка година поради пандемијата, но сите активности кои се реализирани се резултат на залагањето и работата на вработените. И во услови на пандемија, претпријатието инвестираше во нови проекти, а вкупните инвестиции од околу 40 милиони денари беа реализирани исклучиво од сопствени финансиски средства. Минатата година вложивме во водостопанската инфраструктура во атарот на општината Могила за што беа инвестирани 20 милиони денари, потоа извршивме модернизација и обновување на возниот парк на ЈП Стрежево за што вложени се 6,5 милиони денари, а саниравме и повеќе аквадукти од алиментациониот канал во вредност од над три милиони денари, информира Граматковски.

Со владина одлука прифатена е годишната инвестициона програма на јавното претпријатие „Стрежево" за 2021 година со што е овозможено претпријатието да гради фотоволтаична централа, но и други капитални објекти.

-Оваа година најголема и најзначајна инвестиција ќе биде изградбата на фотоволтаична централа на Брана со снага од 500 киловати, а во наредниот период можеме да изградиме уште една фотоволтаична централа со иста моќност за што од Mинистерството за економија имаме дозвола за изградба до 1000 киловати. Вредноста на оваа инвестиција е околу 21 милион денари сопствени средства. Во оваа година ќе инвестираме 1,5 милиони денари за помошен објект во ски ценатарот „Нижо Поле" каде ќе биде изградена Чајџилница како современо и привлечно место со одличен комфор и топлинска изолација во зимски услови. Исто така подготвуваме јавна набавка на проектно-техничка документација за реализација на проектот „Заснежување на ски патеките со топови за снег”, а ќе инвестираме и во рехабилитација на деталната цевководна мрежа со износ од околу 20 милиони денари, во градежна механизација со износ од околу 10 милиони денари, инвестиции во Главниот и Собирниот канал и други помали инвестиции, нагласи Граматковски.

ЈП „Стрежево"-Битола подготвени се за реализација и за други витални проекти значајни за градот и Пелагонија кои ќе овозможат ефикасно и економично работење во услови на пандемија и со исти цени затоа што како што истакна генералниот директор Методија Граматковски –цената на водата за сите водокорисници од земјоделството, индустријата и за водоснабдување на население во 2021 година останува непроменета, односно цената на водата ЈП Стрежево-Битола нема да ја зголеми.

Свет

Пентагон откри за што ќе ги користи Украина моќните ракети ATACMS- Крим е на удар

Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност.

Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.

Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.

Џејк Саливан, советникот за национална безбедност на Белата куќа, претходно ја потврди испораката на овие проектили без да прецизира дали тие се модифицирани или имаат зголемен дострел.

Украинските сили веќе употребија ATACMS, што претседателот Володимир Зеленски го потврди на 17 април, објавувајќи дека е извршен напад врз воздухопловната база Јанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.

Американскиот дневен весник потсетува дека Украина првпат добила ракети ATACMS во септември минатата година, но дека станува збор за верзија со половина дострел. Се шпекулираше дека Украина може да користи американски ракети за да го уништи мостот Ким, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.

Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.

- Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука - изјави адмирал Кристофер Грејди, заменик командант на Здружениот генералштаб на американската армија.

Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.

Забава

Тиктокерка тврди дека не ја вработиле во продавница поради тетоважите (ВИДЕО)

Тиктокерка под корисничко име @ashxobrien објави видео на таа социјална мрежа во кое раскажува како се пријавила за работа во продавница, но била одбиена. Потоа побарала од нив објаснување.

„Не можеа ни да ми се јават, само ми испратија мејл. Отидов кај нив и прашав зошто ме одбија. Жената со која разговарав ми рече дека немам доволно искуство во споредба со другите кои аплицирале“, рече таа. Сепак, смета дека тоа не била причината, туку дека има многу видливи тетоважи.

"Прашав дали моите тетоважи им пречат затоа што знам дека тоа е често проблем. Таа ми рече дека тоа не е причината. Мислам дека лажеше, но што и да е. Тоа не значи дека не сум добар работник ако имам тетоважи. “, додаде таа во видеото, прегледано 8,5 милиони пати. Таа се прашува како младите без искуство би можеле да се вработат, ако во нејзиниот случај тоа е причината за одбивањето.

@ashxobrien I want to know who is also having a hard time finding a job right now! #jobs #jobmarket ♬ original sound - Ash🖤

Видеото на крајот предизвика многу коментари.

„Работам во HR и можам да ви кажам дека ниту еден работодавец не би ви дозволил да работите со луѓе со толку многу тетоважи“, „Мислам дека мора да е поради тетоважите“, „Проблемот не е во тоа што имате тетоважи, туку што тие се навистина на места што не можеш да ги скриеш“, „Не знам што не разбираш“, „Не се чуди“, „Вака не можеш да работиш во продавница“, напишаа нејзините следбеници.

Македонија

Сиљановска Давкова од Крушево: Крушевчани имаат на што да бидат горди!

Денеска, 26 април, проф. д-р Гордана Сиљановска-Давкова во рамките на кампањата за вториот изборен круг од претседателските избори беше во Крушево.

Во своето обраќање пред граѓаните на Крушево, проф. д-р Гордана Сиљановска-Давкова порача:

Морам да кажам дека тука во Крушево има куќи кои се бисер на македонската архитектура, доказ за нашата историја, тие сведочат дека во нив илинденците мислеле, правеле планови за Македонија. Крушево треба да биде метропола на културата.

Вие Крушевчани има на што да сте горди и вие заслужувате самопочит! Не заборавјате, ако не се самопочитуваме никој нема да не почитува. Мора да го вратиме животот во Крушево, тука има шанси за опстанок.

Ви ветувам дека ќе се опкружам со луѓе од знаење. Но и ви ветувам дека секогаш ќе бидам блиску до вас. Како? Преку народните канцеларии. Народните канцеларии за првпат ги примени поранешниот претседател, господинот Иванов. Мислам дека требаше да останат. Токму преку народните канцеларии јас ќе имам можност честопати да доаѓам овде, да ве видам и да видам на што сте се покажлиле, што сте предложиле. Понатаму, во зависност од тоа дали сметаат граѓаните дека треба нешто да се промени ќе правам список на приоритети кои ќе ги реализирам. Ќе покажам и ќе докажам дека сум тука поради вас, не поради себе.

Крушево е жив културен споменик. Искористете ги луѓето кои уште во меморијата го имаат она што ние го забораваме. Кога ќе се грижиме за споменот на Тоше, кога ќе им оддаваме почит на партизаните, кога нема да ги заборавиме Карев, Питу и останатите, тогаш ќе бидеме горди на Македонија!

Во рамките на денешните активности, професорката Гордана Сиљановска-Давкова на Гумење оддаде почит на гробовите на Питу Гули и партизаните, како и на гробот Тоше Проески, а исто така ја посети и Спомен куќата посветена на него и споменикот Македониум. Во текот на денот, професорката имаше можност и да ги види изложените ракотворби изработени од здруженијата на жени на Крушево, а исто така и да оствари повеќе средби со граѓаните, се наведува во соопштението од нејзиниот тим.

притисни ентер