Едно истражување покажало интересни резултати.

Јогата е активност која својата популарност особено ја стекна во последните десет години. Многумина, сакајќи да го избегнат стресот, напнатоста и секојдневните тензични ситуации, помош побарале во практикувањето јога, а според стручњаците, таа има општо благотворно дејство на нашиот организам. Не само што ги опушта мускулите, туку помага и во урамнотежување на мислите.

Едно ново истражување дошло до интересни резултати, дошло до откритие дека јогата им помага на постарите жени кои се изложени на ризик од Алцхајмерова болест, пренесува „sciencealert.com“.

Сесиите од оваа дисциплина, според истражувачите, помагаат да се намали бројот на фактори што придонесуваат во појавата на симптомите на оваа болест.

Истражувачите од Универзитетот Калифорнија во Лос Анџелес спровеле истражување на 79 жени на возраст над 50 години кои потенцијално имале варијантен ген што ги изложува на поголем ризик од Алцхајмерова болест, ген поврзан со зголемување на крвниот притисок.

Жените во студијата изјавиле дека имаат пад на когнитивните способности, дека земаат лекови за холестерол или имаат висок крвен притисок или дијабетес. Испитаниците за време од три месеци биле поделени во две групи. Една група посетувала Кундалини јога, а друга следела курс на стандардни вежби за помнење. Последователните прегледи покажале значително поголемо подобрување на когнитивните способности кај групата која посетувала јога, во споредба со другата група.

Оваа студија нагласува дека јогата не може да ги намали шансите за развој на Алцхајмерова болест, но кај оваа мала група волонтери најверојатно помогнала при појавата на раните симптоми поврзани со болеста.

Во групата која практикувала јога, истражувачите увиделе обновени невронски патишта, намален пад на мозочната материја и промена на некои маркери поврзани со стареењето и воспалението поврзани со Алцхајмерова болест. Кундалини јогата повеќе се фокусира на дишењето и медитацијата отколку на изведувањето на физичките пози, а други истражувања покажале дека оваа јога е ефикасна во борбата против когнитивниот пад и подигањето на расположението.

Хелен Лаврецки, психијатар од Универзитетот во Калифорнија, истакнува дека е откриено оти јогата е добра за намалување на стресот, за подобрување на здравјето на мозокот, субјективната меморија и за намалување на воспалителни процеси.

Иако вистинската причина за Алцхајмерова болест сè уште не е утврдена, научниците се поблиску се до одговорот и откриваат дека една од психичките состојби, како депресијата, може да биде поврзана со оваа болест.

И јогата и вежбите за помнење се покажале како одличен начин за одржување на виталноста во староста, бидејќи истражувачите напоменале дека и двете активности имаат позитивен ефект врз различни делови од мозокот и генерално, врз здравјето.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.