Македонија

Јавното појавување на Заев на синоќешната прослава на СДСМ- повод за партиски препукувања

По подолг период далеку од очите на јавноста, медиумите и јавните партиски настани, поранешниот премиер Зоран Заев за првпат синоќа се појави на роденденденската прослава на СДСМ во партискиот штаб на Бихаќка.

Иако пристигна на самиот крај на коктелот пред да си заминат сите гости, го привлече вниманието на присутните сопартијци кои се фотографираа со него и го дочекаа со аплауз и прегратки.

Заев не сакаше да даде изјава пред камерите со став дека останува надвор од политичките води од кои официјално се повлече на почетокот на 2022 година. Но според владејачката ВМРО-ДПМНЕ, самото негово појавување на роденденот на партијата било доказ дека поранешниот лидер го има и сега главниот збор во СДСМ.

-Со синоќешното присуство на Зоран Заев на годишнината на некогаш државотворната партија СДС, се потврдија сите наши тези дека Зоран Заев е стопанот, а Филипче е чиракот во СДС. Доколку СДС сака да се реформира и да биде главна опозиција во Македонија, мора да се оградат и дистанцираат од аболицираниот криминалец Зоран Заев. Инаку, ако продолжат по истите овие стапки – тоа навистина е многу лошо за СДС, кој што како што гледаме нема намера да се промени,- Валентин Манасиевски – ВМРО-ДПМНЕ.

Пред коктел-прославата во СДСМ се одржа и свечена седница на Централниот одбор, на која се обрати претседателот Венко Филипче. Пред партискиот врв се осврна на улогата на СДСМ во креирањето на државните политики во минатото, но и ја искритикува актуелната власт дека работела спротивно на националните интереси.

-Да си ветиме политика достојна за Македонија. Тргнуваме против оваа ненародна криминална предавничка власт, одново чисти, скромни, искрени и посоцијалдемократски од кога било досега,- Венко Филипче – претседател на СДСМ (20.04.2026).

Роденденската прослава по повод 35 години од основањето на СДСМ доаѓа во период на партиски превирања и најави за формирање на иницијатива за обединување на опозицијата.

Забележливо беше тоа што не се појавија дел од актуелните пратеници, меѓу кои и Славјанка Петровска која преку социјалните мрежи порача дека ако партијата не се промени, ќе исчезне. Евидентно беше и отсуството на поранешниот лидер Бранко Црвенковски, кој во 2020та го замрзна членството во СДСМ.

Тагови: зоран заев СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Кос најави нови правила за проширување на ЕУ – постепена интеграција, построги проверки и нова методологија

Светот се промени, а проширувањето мора да се промени со него.

Еврокомесарката за проширување, Марта Кос, ги претстави клучните елементи за сеопфатната реформа за проширување, која треба да биде усвоена на 30-ти септември. Планот кој Кос го презентирала на Конференцијата на амбасадори во Загреб, а чија содржина писмено ја објави Европската Комисија предвидува постепена итеграција, построги проверки на земјите кандидати и нова методологија. За Кос за да им се каже добредојде на нови членки, клучно е да се постигне консенсуз за четири столба, внатрешни реформи, демократски заштитни мерки, методологија на проширување и транзициски мерки. Во говорот на Кос доминираат прашањета како Унијата да се заштити од можноста една земја да ги блокира сите други или да отстапи од демократските стандарди, како искуствата со Унгарија, што сугерира на идејата новите земји членки одреден период да немаат право на вето.

-Мора да бараме поамбициозни начини за постепена интеграција. Но, Прво треба да го разбереме влијанието што новодојденците можат да го имаат. А кога влијанието може да биде штетно за нашите земји-членки, мора да дејствуваме за да ги заштитиме нивните интереси. Мора да се осигураме дека нема да дозволиме да влезат тројански коњи. Ниту денес, ниту за 10 или 20 години од сега. , изјавила Кос во Загреб.

Во мисија на која треба да ги чуе ставовите на сите земји членки и за проширувањето, денеска тргна првиот човек на Европскиот Совет, Антонио Кошта на таканаречената „тура низ главните градови“, на која во наредните недели ќе се сретне со лидерите на сите земји членки. Прва дестинација му беше Братислава и средба со словачкиот премиер Фицо.

Поддршката за Западен Балкан, Молдавија и Украина на нивниот пат до членство во ЕУ е инвестиција во Европската, но и словачката безбедност и просперитет. Ние треба да продолжиме да работиме со кандидатите врз основа на процес на заслуги и почитувајќи ги сите подеднакво. , изјави Антонио Кошта, претседател на Европскиот Совет

Во изминатиот период на маса беа ставени неколку нон пејпери, како постепено членство со одредени бенефити, пристап до единствениот европски пазар и статус на привилегиран набљудувач, во кој многумина препознаа членство од втор ред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Кружниот тек на Северен булевар во завршна фаза [☑️]

Кружниот тек на Северен булевар во завршна фаза [☑️], објави на Фејсбук, градоначалникот на Кавадарци, Митко Јанчев.

Денес на кружниот тек на Северен Булевар се реализираа завршните активности – се обележуваше хоризонталната сообраќајна сигнализација и се поставуваа сообраќајните знаци. Со асфалтирани 5.300 м², проектот е во својата финална фаза и наскоро кружниот тек ќе биде целосно ставен во функција.

Продолжуваме со работа до целосна реализација! [🏗️], стои во објавата на првиот човек на Кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата донесе одлука од денеска до 30 септември трговците да ги намалат цените за 10 до 15 проценти за училишниот прибор

Во пресрет на почетокот на учебната година, владата донесе одлука од денеска до 30 септември трговците да ги намалат цените за 10 до 15 проценти за училишниот прибор.

Дополнително трговците се задолжуваат покрај новата, на производите да ја прикажат и старата цена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.